រថយន្តឡង់គ្រីស័រ ពន្លះរថយន្តកាមរី ហាយប៊្រីតរួច ព្យាយាមបើកបត់ គេចខ្លួនតែសំណាង អាក្រក់ធុងទឹកធ្លាយ ទៅមុខលែងរួច

ភ្នំពេញ៖ រថយន្ដឡង់គ្រីស័រ មួយគ្រឿងបានបើកបុក រថយន្ដកាមរី ហាយប្រ៊ីតមួយគ្រឿង ដែលបណ្តាលឲ្យ រថយន្ដទាំងពីរគ្រឿង រងការខូចខាតដូចគ្នា។ ប៉ុន្តែក្នុងហេតុការណ៍ នេះរថយន្តហាយប្រ៊ីត បានរងការខូចខាត បើកបរលែងកើតភ្លាមៗ ហើយចំណែករថយន្ត ឡង់គ្រីស័រព្យាយាម បើករត់ចេញពីកន្លែង កើតហេតុ តែអកុសល បើកចេញបានមិនឆ្ងាយ ប៉ុន្មានផងស្រាប់តែ ធ្លាយធុងទឹកបណ្តាលឲ្យ ដំណើរទៅមុខ លែងរួចត្រូវបានប៉ូលិស តាមចាប់បានតែម្តងទៅ។ ហេតុការណ៍នេះបានកើតឡើងកាលពីវេលាម៉ោង ១២និង១០នាទីយប់ថ្ងៃទី០៧ ខែមិនា ឆ្នាំ ២០១២នៅចំណុចផ្លូវលេខ១៣៥កែង៤៣២ សង្កាត់ទួលទំពូងទី១ ខណ្ឌចំការមន ។

បើតាមប្រភពព័ត៌មានពីសមត្ថកិច្ចដែលចុះទៅត្រួតពិនិត្យនិងវាស់វែងដល់កន្លែងកើតហេតុបានឱ្យដឹងថា រថយន្ដបង្កហេតុម៉ាកឡង់គ្រីស្ស័រ ពណ៌សំបកឪឡឹក ដែលបើកបរដោយបុរសម្នាក់មិនបានស្គាល់អត្តសញ្ញា ណចំណែករថយន្ដរងគ្រោះម៉ាកកាមរីហាយប្រ៊ីត ពណ៌ទឹកប្រាក់បើកបរដោយបុរសមិនស្គាល់អត្តសញ្ញាណ ដូចគ្នា។ សាក្សីដែលបានឃើញហេតុការណ៍ បានឲ្យបន្តឲ្យដឹងថែមទៀតថា មុនពេលកើតហេតុគេបានឃើញ រថយន្តបង្កបើកបរ តាមផ្លូវលេខ១៣៥ ពីត្បូងទៅជើងដោយបានបើកក្នុងល្បឿនលឿនគ្មានការកំណត់បានឡើយ ចំណែក រថយន្ដកាមរីហាយប្រ៊ីត ពណ៌ទឹកប្រាក់នោះបានបើកតាមផ្លូវលេខ៤៣២ ពីកើតទៅលិច ខណៈពេល រថយន្ត ទាំងពីរបើកមកដល់ផ្លូវកែងកើតហេតុខាងលើក៏ស្រាប់តែរថយន្ដឡង់គ្រី ស្ស័របានពន្លះ រថយន្ដកាមរី ហាយប្រ៊ីតចំពីមុខ ពេញទំហឹងាលាន់លឺសូរដូចរន្ទះដែលបណ្តាលឲ្យរថយន្តកាមរីហាយ ប៊្រីតបានកំពឹតផ្នែក ខាងមុខនិងដាច់កង់មុខខាងស្ដាំ រីឯអ្នកបើករថយន្ដកាមរីហាយប៊្រីតបាន បោកក្បាលផ្ទុកនឹងកញ្ចក់ រថយន្ដដែល បណ្តាលឲ្យរងរបួសបែកក្បាលហើយរថយន្ដនេះបាន រេចង្កូតប្រមាណជា២០ម៉ែត្ររលត់ម៉ាស៊ីននៅចិញ្ចើមផ្លូវ ទៅមុខលែងរួច។ចំណែករថយន្ដឡង់គ្រីស្ស័រ បន្ទាប់ពីបានរថយន្តកាមរីរួចហើយបានព្យាយាម បើករត់គេចខ្លួន តាមបណ្តោយផ្លូវម៉ៅសេទុងរហូតដល់ មុខស្ថានទូតចិនទើបអកុសលក៏ត្រូវធ្លាយធុងទឹក បើកទៅមុខលែង រួចទើបឈប់។

បញ្ហាគ្រោះថ្នាក់ចរាចរណ៍នេះត្រូវបានសមត្ថកិច្ចនិងប្រជាពលរដ្ឋដែលរោមមើលបាននិយាយថាបង្ក ឡើងដោយសារភាគីទាំងពីរបើកបរគ្មានការអធ្យាស្រ័យទើបបានជាកើតមានគ្រោះថ្នាក់នេះ។ក្រោយពេល ហេតុការណ៍កើតឡើងសមត្ថកិច្ចនគរបាលមូលដ្ឋានសហការជាមួយសមត្ថកិច្ចការិយា ល័យចរាចរបាន ចុះវាស់វែងស្ទូចយករថយន្តទាំងពីរគ្រឿងទៅរក្សាទុកនៅស្នងការនគរបាលរាជធានី ភ្នំពេញដើម្បីចាត់ តាមផ្លូវច្បាប់៕

 ផ្តល់សិទ្ធដោយ ដើមអម្ពិល