ជប៉ុន៖ ខ្សែប្រយុទ្ធឆ្នើមរបស់ក្រុមជម្រើសជាតិកម្ពុជា កីឡាករ ចាន់ វឌ្ឍនាកា អាចនឹងចូលលេងជាលើកដំបូង នូវការប្រកួតបន្ទាប់របស់ក្រុម Fujieda MYFC ដែលនឹងត្រូវប៉ះជាមួយក្រុម SC Sagamihara ដែលប្រព្រឹត្តឡើងនៅថ្ងៃទី២២ ខែតុលា ខាងមុខនេះ។
បើតាមផេកផ្លូវការរបស់ក្លិប Fujieda បានបង្ហោះរូបភាពមួយសន្លឹក ដែលមានរូបរបស់ ចាន់ វឌ្ឍនាកា តំណាងឲ្យការប្រកួតបន្ទាប់ ដែលនេះហើយ អាចជាហេតុផលមួយ ដែលខ្សែប្រយុទ្ធវ័យ២៣ឆ្នាំ របស់កម្ពុជារូបនេះ អាចនឹងបង្ហាញខ្លួនជាលើកដំបូងឲ្យក្លិបដែលមូលដ្ឋានក្នុងក្របខ័ណ្ឌ J-League 3 នៅប្រទេសជប៉ុន។
គួរបញ្ជាក់ថា កីឡាករ ចាន់ វឌ្ឍនាកា បានផ្ទេរពីក្លិបបឹងកេត ទៅកាន់ Fujieda MYFC កាលពីអំឡុងខែកុម្ភៈកន្លងទៅ ក្នុងល័ក្ខខណ្ឌខ្ចីជើង ដោយចុះកុងត្រារយៈពេលមួយឆ្នាំជាមួយនឹងក្លិប។
តែយ៉ាងណាមិញ បើគិតមកត្រឹមពេលនេះ វឌ្ឍនាកា នៅមិនទាន់បានបង្ហាញខ្លួនជាផ្លូវការនៅក្នុងលីកលំដាប់ទី៣ ជាមួយ Fujieda នៅឡើយទេ។
ចាំមើលថា តើ ចាន់ វឌ្ឍនាកា អាចនឹងបង្ហាញខ្លួនឲ្យក្លិបជាលើកដំបូង ឬយ៉ាងណា នៅសប្តាហ៍នេះ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
