បងប្រុសម្នាក់នេះជឿជាក់ថា គាត់គឺជាកំពូលសម្រស់ក្នុងលោក ហើយគ្រប់គ្នាក៏ចង់ស្អាតដូចគាត់ដែរ

ចិន៖ បុរសស្រឡាញ់ភេទដូចគ្នាម្នាក់ ដែលមនុស្សភាគច្រើនស្គាល់ថា Abby បានអះអាងថា គេគឺជាស្រីស្អាតជាងគេក្នុងលោក។ 

ថ្មីៗនេះ Abby ទើបតែបានឆ្លងកាត់ការកែសម្ផស្ស ហើយគេបានជឿជាក់ថា បន្ទាប់ពីកែសម្ផស្សរួច គេស្រស់ស្អាតខ្លាំងណាស់។

ទោះជាយ៉ាងណា អ្នកលេងបណ្តាញសង្គមភាគច្រើន បានបដិសេធចំពោះការគិតរបស់បុរសជនជាតិចិននេះទាំងស្រុងតែម្តង។

តាមពិតទៅ Abby គឺជាជនជាតិអាស៊ី ប៉ុន្តែគេតែងតែស្រមៃចង់មានមុខមាត់ដូចជនជាតិអាមេរិក ឬពួកស្បែកសទៅវិញ។ ដូច្នេះជាញឹកញយ គេតែងតែពាក់ Contact Lens ពណ៌ខៀវ និងព្យាយាមធ្វើឲ្យស្បែកស ហើយគេព្យាយាមរហូតដល់សម្រេចចិត្តទៅកែសម្ផស្សតែម្តង។

ស្របពេលដែលគេរីករាយខ្លាំងជាមួយលទ្ធផលនៃការវះកាត់នោះ អ្នកលេងបណ្តាញសង្គមបែរជាគិតថា ការវះកាត់របស់គេ គឺជារឿងបរាជ័យទៅវិញ។

ចំនែកឯភាពល្បីល្បាញរបស់គេវិញ មិនមែនកើតឡើងដោយសារតែការគាំទ្រនោះទេ គឺដោយសារតែការស្អប់ច្រើនជាង។ ចំនុចមួយដែលធ្វើឲ្យអ្នកលេងបណ្តាញសង្គមស្អប់គេកាន់តែខ្លាំងនោះ គឺគេជឿជាក់លើសម្រស់របស់ខ្លួនឯងខ្លាំងពេក។ 

គេបានអះអាងថា ទម្រង់មុខរបស់គេគឺស្អាតឥតខ្ចោះ ទាំងចង្ការ ភ្នែក និងច្រមុះ ហើយវាគឺជាភាពស្រស់ស្អាតដែលមនុស្សគ្រប់គ្នាចង់បាន។ បន្ថែមពីនេះ គេថែមទាំងនិយាយថា មនុស្សជាច្រើនចង់ជួបគេ ហើយថើបគេនៅទីសាធារណៈទៀតផង៕

សម្រាប់ប្រិយមិត្តវិញ គិតយ៉ាងណាដែរចំពោះសម្រស់របស់Abby? សូមទស្សនារូបភាពខាងក្រោម៖

• រូបភាព