រាជធានីភ្នំពេញ ៖ ជនជាតិស្បែកខ្មៅទៅរកសេវាផ្លូវភេទប៉ះចំភេទទីបី ខ្វេះយកកាបូបលុយអស់២៧៥ដុល្លារ បង្កឲ្យមានការភ្ញាក់ផ្អើល ឃាត់បានភេទទី៣ម្នាក់យកទៅសួរនាំ ដែលហេតុការណ៍នេះកើតឡើងកាលពីវេលាម៉ោង១០និង៤៥នាទីយប់ ថ្ងៃទី០៥ ខែតុលា ឆ្នាំ២០១៧ ស្ថិតតាមបណ្តោយផ្លូវវេងស្រេង ត្រង់ចំណុចសួនឧស្សាហកម្មវឌ្ឍនៈ ក្នុងសង្កាត់ស្ទឹងមានជ័យ ខណ្ឌមានជ័យ ។
ជនរងគ្រោះជាជនជាតិស្បែកខ្មៅមានឈ្មោះ IGBOELI ODiRA ភេទប្រុស អាយុ៣០ឆ្នាំ ស្នាក់នៅចំការដូង សង្កាត់ដង្កោ ខណ្ឌដង្កោ ។ ចំណែកជនសង្ស័យជាភេទទីបីម្នាក់ឈ្មោះ អន យឿន អាយុ២៧ឆ្នាំ ស្នាក់នៅផ្ទះជួលតំបន់បុរីវ៉ារីណា សង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅស្រុកបាភ្នំ ខេត្តព្រៃវែង ។
តាមប្រភពពត័មានបានប្រាប់ឲ្យដឹងថា មុនពេលកើតហេតុ គេឃើញក្រុមភេទទីបីមានគ្នាបួននាក់ ជាអ្នករកស៊ីផ្លូវភេទ បានឈប់នៅចំណុចសួនឧស្សាហកម្មវឌ្ឍនៈ បន្ទាប់មកស្រាប់តែមានបុរសជាជនជាតិស្បែកខ្មៅម្នាក់ បានជិះម៉ូតូមួយគ្រឿងមករកសេវាផ្លូវភេទ ត្រូវបាននិយាយចរចាជាមួយក្រុមភេទទី៣ ដែលតែងខ្លួនដូចមនុស្សស្រីអត់ដឹងថាភេទទី៣ទេ ហើយក្រុមភេទទី៣នោះចេះនិយាយភាសាអង់គ្លេសតិចតួចខ្លះដែរ ក៏បានស្ទុះទៅចោមរោមជនជាតិស្បែកខ្មៅបានមួយសន្ទុះ ស្រាប់តែជនជាតិស្បែកខ្មៅស្ទាបរកកាបូបបាត់កាបូបលុយ ទើបធ្វើឲ្យមានការឆោឡោ ភ្លាមៗនោះ ក្រុមភេទទីបីបាននាំគ្នារត់គេចខ្លួនអស់ នៅសល់តែភេទទី៣ម្នាក់នៅកន្លែងកើតហេតុ រួមជាមួយជនរងគ្រោះ ត្រូវបានចាប់ប្រគល់ឲ្យសមត្ថកិច្ច យកទៅសួរនាំ ។
តាមការឲ្យដឹងពីជនរងគ្រោះ សម្ភារនៅក្នុងកាបូបដែលបាត់បង់រួមមាន លុយ២៧៥ដុល្លារ និងកាតអេធីអឹមមួយ និងលុយខ្មែរមួយចំនួនដែរ ។ ក្រោយពេលកើតហេតុ សមត្ថកិច្ចមូលដ្ឋាន បាននាំខ្លួនជនភេទទីបី យកទៅសួរនៅប៉ុស្តិ៍នគរបាលស្ទឹងមានជ័យ ។ ចំណែកឯកាបូបលុយរបស់ជនរងគ្រោះ ត្រូវបានសន្តិសុខយាមនៅក្បែរកន្លែងកើតហេតុ បានប្រទះឃើញយកមកប្រគល់ឲ្យសមត្ថកិច្ចស្ទឹងមានជ័យវិញ តែបាត់លុយអស់ហើយ ។ ជនរងគ្រោះមិនបានដាក់ពាក្យបណ្តឹងនៅឡើយទេ ចាំព្រឹកស្អែកបានទៅដាក់ពាក្យបណ្តឹង ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]