គ្រឿងស្រវឹងដូចជា ស្រា និងស្រាបៀរជាដើម ត្រូវបានមនុស្សភាគច្រើនទទួលទានដោយការបន្ថែម វ៉ូកា (Vodka) និងភេសជ្ជៈប៉ូវកំលាំង (Energy Drink) ដើម្បីបង្កើនរសជាតិ។ ប៉ុន្តែការធ្វើបែបនេះវាបែរជាផ្តល់ផលប៉ះពាល់ធ្ងន់ធ្ងរទៅវិញ សម្រាប់សុខភាពរាងកាយ បញ្ហាសតិអារម្មណ៍ និងខួរក្បាល។
ខាងក្រោមនេះផលប៉ះពាល់ធំៗបើសិនជាអ្នកទទួលទានគ្រឿងស្រវឹងលាយជាមួយរាល់ភេសជ្ជៈប៉ូវកម្លាំង៖
# ផលប៉ះពាល់
១. ធ្វើឱ្យអ្នកឆាប់ស្រវឹងជាងពេលធម្មតា និងអាចមានអាការពុលគ្រឿងស្រវឹងដូចជា ឈឺក្បាល វិលមុខ ក្អួតចង្អោរ ជាដើម។
២. ធ្វើឱ្យប៉ះពាល់ស្មារតីរាល់ពេលបើកបរជាងពេលធម្មតា។
៣. ធ្វើឱ្យជាតិស្ករនៅក្នុងខ្លួនកើនឡើងខ្ពស់។
៤. ធ្វើឱ្យរាងកាយកើនឡើងកាឡូរី និងសារធាតុកាហ្វេអ៊ីន។
៥. ធ្វើឱ្យប៉ះពាល់ដល់សុខភាពរាងកាយ និងផ្លូវចិត្តដូចជា៖ មានអាការឈឺក្បាល វិលមុខខ្លាំង ខុសពីពេលធម្មតា រាគរូស ក្អូតចង្អោរ អស់កម្លាំង ល្ហិតល្ហៃ អត្រាហានិភ័យនៃការកើតជំងឺបេះដូងកើនឡើងខ្ពស់ ឈឺចាប់សាច់ដុំ មានបញ្ហាការគេង និងមានបញ្ហាថប់អារម្មណ៍ជាដើម។
# ប្រុងប្រយ័ត្ន
អ្នកមានជំងឺទឹកនោមផ្អែម ជំងឺក្រពះ និងដំបៅក្រពះ ត្រូវតែចៀសវាងដាច់ខាតក្នុងការ លាយភេសជ្ជៈមានជាតិអាល់កុលជាមួយនឹងភេសជ្ជៈប៉ូវកម្លាំង ព្រោះវាអាចធ្វើឱ្យជាតិស្ករក្នុងខ្លួនកាន់តែកើនឡើងខ្ពស់ ដែលអាចបណ្តាលឱ្យមានគ្រោះថ្នាក់ដល់អាយុជីវិត និងអាចធ្វើឱ្យមានបញ្ហាហូរឈាមនៅក្នុងក្រពះបានថែមទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]