រាជធានីភ្នំពេញ ៖ ជនសង្ស័យម្នាក់ត្រូវកម្លាំងកងរាជអាវុធហត្ថខណ្ឌទួលគោក ដេញចាប់ខ្លួនបានបន្ទាប់ពីធ្វើសកម្មភាពលួចម៉ូតូធុន C100 កូរ៉េពណ៌ក្រហម ជិះរត់គេចខ្លួនហើយត្រូវម្ចាស់ស្រែកចោរៗផ្អើលគេឯង កាលពីវេលាម៉ោង៧និង៣០នាទីព្រឹកថ្ងៃទី៧ មីនា នៅចំណុចផ្លូវលេខ២៨៧ កែងផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក ។ ជនសង្ស័យឈ្មោះឡាយ ចែងចាំង ហៅខេន ណាឌី ភេទប្រុស អាយុ២៤ឆ្នាំ ជាកម្មករសិប្បកម្មផលិតទឹកកក ស្នាក់នៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។
តាមមន្ត្រីកងរាជអាវុធហត្ថខណ្ឌទួលគោក បានឱ្យដឹងថា នៅមុនពេលកើតហេតុ ម្ចាស់ម៉ូតូឈ្មោះអ៊ុក ឈឿន ភេទប្រុស អាយុ៣៨ឆ្នាំ ជាមន្ត្រីយោធាមានលំនៅផ្ទះជួលសង្កាត់បឹងកក់ទី២ បានឆ្លៀតរត់ម៉ូតុឌុប ហើយឈប់ចាំហៅម៉ូយនៅចំណុចផ្លូវលេខ២៨៧ កែងផ្លូវលេខ៥៦៦ ក្នុងសង្កាត់បឹងកក់ទី២ ។ ពេលកំពុងហៅម៉ូយបានទុកសោជាប់ម៉ូតូ ស្រាប់តែភ្លេចខ្លួនត្រូវជនសង្ស័យធ្វើសកម្មភាពលួចម៉ូតូហើយជិះគេចខ្លួនបាត់។ ប៉ុន្តែភ្លាមៗត្រូវម្ចាស់ជិះម៉ូតូតាមរកឃើញស្រែកចោរៗផ្អើលដល់កម្លាំងកងរាជអាវុធហត្ថខណ្ឌដែលជិះល្បាតដេញចាប់បាននៅចំណុចផ្លូវលេខ២៨៧ ខាងក្រោយអធិការដ្ឋានខណ្ឌទួលគោក ព្រមទាំងដកហូតបានម៉ូតូត្រឡប់មកវិញ៕
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
