ខេត្តកំពង់ធំ ៖ មានហេតុការណ៍ដ៏រន្ធត់មួយបណ្តាលឱ្យមានមនុស្សជាច្រើនឈឺស្លាប់ និងមនុស្សជាច្រើនទៀតសម្រាកព្យាបាលនៅមន្ទីរពេទ្យ ដោយសារតែការបរិភោគសាច់សត្វឆៅ ហេតុការណ៍បានកើតឡើងនៅច្រកតោ ស្ថិតក្នុងឃុំមានរិទ្ធ ស្រុកសណ្តាន់ ខេត្តកំពង់ធំ ជិតបរិវេណព្រៃឡង់ ។
លោកអនុសេនីយ៍ឯក ចាន់ មានជ័យ ប្រាប់ថា នៅច្រកតោនេះមានប្រជាពលរដ្ឋចំណាកស្រុកជាច្រើនស្នាក់នៅ ហើយការស្លាប់នេះ មានមន្ត្រីឧទ្យាននរក្សការពារឧទ្យានធនធានធម្មជាតិព្រៃឡង់ម្នាក់ស្លាប់ និងប្រជាពលរដ្ឋចំនួន៦នាក់ទៀត ក្នុងនោះនៅភូមិត្បូងទឹក ស្លាប់២នាក់ ១-ឈ្មោះ អ៊ុល ជីន ភេទប្រុស អាយុ២៨ឆ្នាំ និង២-ឈ្មោះ ហ៊ិន ញ៉ឹម ភេទប្រុសអាយុ៤៩ឆ្នាំ ស្លាប់ កាលពីថ្ងៃទី១៩ កញ្ញា ចំណែកប្រជាពលរដ្ឋ៥នាក់ទៀតរស់នៅភូមិឈូក ឃុំសណ្តាន់ ១-ឈ្មោះ ផេង ច្រាញ់ ភេទប្រុសអាយុប្រហែល៣៨ឆ្នាំ ២-ឈ្មោះ សាំ គួន ភេទប្រុស អាយុ៤០ឆ្នាំ ៣-ឈ្មោះ ហ៊ីង ភន ភេទប្រុស អាយុ៣៧ឆ្នាំ និង៤-ឈ្មោះ ប៉ាត ឌីន ភេទប្រុស អាយុ៣៣ឆ្នាំ បានឈឺស្លាប់ជាបន្តបន្ទាប់ ចំណែកឯឈ្មោះ កុយ ហ៊ន ភេទប្រុស អាយុ៣២ឆ្នាំ កំពុងឈឺធ្ងន់ដឹកចេញពីមន្ទីរពេទ្យបង្អែកទៅកាន់មន្ទីរពេទ្យខេត្តហើយ ។
រីឯខាងមន្ត្រីឧទ្យានុរក្សាខេត្តកំពង់ធំ បានឲ្យដឹងថា មានមនុស្ស១៣នាក់បានឈឺចូលសម្រាកនៅមន្ទីរពេទ្យ ១-ឈ្មោះ ចាប់ ជាន ២-ឈ្មោះ ព្រុំ ពង ៣-ឈ្មោះ គី ម៉ាប់ ៤-ឈ្មោះ អេន អ៊ាន់ ៥-ឈ្មោះ ដោក ឌត ៦-ឈ្មោះ កែវ គីលីន ៧-ឈ្មោះ អៀប ឌីណា ៨-ឈ្មោះ ស៊ឹម គឹមស៊ន ៩-ឈ្មោះ អ៊ុក អៀង ១០-ឈ្មោះ គង់ វ៉ាន ១១-ឈ្មោះ លី សុខាឧត្តម ១២-ឈ្មោះ គឹម គង់ កំពុងតែសម្រាកព្យាបាលនៅមន្ទីរពេទ្យ និង១៣-អ្នកដែលស្លាប់ឈ្មោះ ឆេង សុខឈី ភេទប្រុស អាយុ៣២ រស់នៅភូមិគគី ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
លោកវេជ្ចបណ្ឌិត ស្រី ស៊ីន បានមានប្រសាសន៍ឲ្យដឹងនៅរសៀលថ្ងៃទី២៤ កញ្ញានេះថា ករណីដែលបណ្តាលឲ្យមានមនុស្សស្លាប់ជាច្រើននាក់ខាងលើនេះ គឺមិនមែនមកពីកើតជំងឺឆ្លងអ្វីនោះទេ ហើយបញ្ហានៃការស្លាប់នេះបណ្តាលមកពីពួកគាត់នាំគ្នាបរិភោគសាច់សត្វព្រៃដែលនៅឆៅចម្អិនមិនបានឆ្អិន (ដូចជាសាច់ជ្រូកព្រៃ សាច់ឈ្លូស ដោយពួកគាត់យកទៅធ្វើជាភ្លាហូបនៅឆៅៗតែម្តង) ខណៈសាច់សត្វព្រៃនោះវាមានផ្ទុកមេរោគ នៅពេលយើងបរិភោគឆៅវា បណ្តាលឲ្យកើតជាជំងឺឈឺសាច់ដុំ និងហើមដៃហើមជើង ឈឺចុកចាប់ពេញខ្លួនរហូតដល់ស្លាប់តែម្តង។
ក្នុងនោះផងដែរ ដំណឹងដ៏ក្រៀមក្រំនេះ លោកក៏សូមអំពាវនាវដល់បងប្អូនប្រជាពលរដ្ឋ ក៏ដូចជាមន្ត្រីរាជការ សូមកុំឲ្យនាំគ្នាទទួលទានសាច់សត្វគ្រប់ប្រភេទដែលនៅឆៅ ពីព្រោះវាអាចបណ្តាលឲ្យមានគ្រោះថ្នាក់ដល់អាយុជីវិតរបស់យើងទាំងអស់គ្នា ជាពិសេសការទទួលទានសាច់សត្វព្រៃវាខុសច្បាប់ផងដែរ បើយើងទាំងអស់គ្នាមិននាំគ្នាបរិភោគសាច់សត្វព្រៃទេនោះ ក៏គ្មានអ្នកសម្លាប់វាដែរយកមកលក់ដែរ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]