ថៃ៖ ហាងលក់ទំនិញអនឡាញ Mon Hia ដែលមានមូលដ្ឋាននៅក្នុងប្រទេសថៃ បានដាក់លក់ខ្នើយរូបខ្មោច Pocong ដែលល្អបំផុតសម្រាប់ការអោបរឹត នៅក្នុងឱកាសបុណ្យហាឡូវីន (Halloween) ដែលនឹងមកដល់ក្នុងពេលឆាប់ៗខាងមុខនេះ។
ខ្នើយរូបខ្មោច Pocong នេះ កំពុងទទួលបានការចាប់អារម្មណ៍យ៉ាងខ្លាំង ដោយសារវាត្រូវបានគេច្នៃម៉ូតឡើង ឲ្យមានរូបរាងដូចជាសាកសពមនុស្សយ៉ាងអ៊ីចឹង ហើយវាមើលទៅក៏គួរឲ្យខ្លាចខ្លាំងណាស់ដែរ។
សូមស្រមៃថា បើសិនជាអ្នកស្រាប់តែភ្ញាក់ពីគេងកណ្តាលយប់ ហើយមានរបស់ដ៏គួរឲ្យព្រឺព្រួចបែបនេះនៅក្បែរអ្នក តើអ្នកនឹងមានអារម្មណ៍បែបណា?
គួរបញ្ជាក់ដែរថា ខ្មោច Pocong គឺជាអបិយជំនឿដែលមានដើមកំណើតចេញពីប្រទេសម៉ាឡេស៊ី និងឥណ្ឌូនេស៊ី។ នៅពេលដែលវិញ្ញាណរបស់មនុស្សដែលបានស្លាប់ទៅហើយនោះត្រូវបានរុំព័ទ្ធ ឬគ្របដណ្តប់ដោយក្រណាត់ស វិញ្ញាណនោះនឹងក្លាយទៅជាខ្មោច Pocong នេះតែម្តង។
យោងទៅតាមសារព័ត៌មាន Khaosod English បានឲ្យដឹងថា ម្ចាស់ហាងអនឡាញទាំងពីររូប បានដាក់លក់ខ្នើយរូបខ្មោច Pocong នេះ កាលពីថ្ងៃសុក្រកន្លងទៅ ហើយមានអ្នកកុម្ម៉ង់ទិញដល់ទៅ ២០នាក់ឯណោះ។ ពួកគេបានបញ្ជាក់ថា គំនិតនៃការបង្កើតខ្នើយដ៏គួរឲ្យខ្លាចនេះឡើង ដោយសារពួកគេបានដឹងរឿងរ៉ាវខ្មោចតាមរយៈមនុស្សមកពីប្រទេសម៉ាឡេស៊ី និងឥណ្ឌូនេស៊ីផ្ទាល់តែម្តង។
ម្ចាស់ហាងមួយរូបបាននិយាយថា៖
“ពួកយើងចង់ធ្វើអ្វីដែលប្លែកៗ និងមិនដែលមានអ្នកធ្វើ។ គោលគំនិតរបស់ពួកយើង គឺដើម្បីឲ្យគ្រប់គ្នាភ្ញាក់ផ្អើល”។
ខ្នើយរូបខ្មោច Pocong មិនត្រឹមតែល្អសម្រាប់ការអោបប៉ុណ្ណោះទេ ប៉ុន្តែអ្នកក៏ប្រើវា ដើម្បីយកទៅបន្លាចមិត្តភក្តិបានដែរ។ មកទល់ពេលនេះ រូបភាពដែលហាងអនឡាញខាងលើបង្ហោះ ទទួលបានការចែករំលែកដល់ទៅជាង ៣៧ ០០០ដងឯណោះ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]