Man Utd ឈ្នះយប់មិញមែន តែ Pogba របួស ដល់ថ្នាក់ប្រើឈើច្រត់ដើរ ក្រោយចាកចេញពី Old Trafford (មានវីដេអូ)

អង់គ្លេស៖ Paul Pogba បានចាកចេញពីកីឡដ្ឋាន Old Trafford ដោយប្រើឈើច្រត់ ក្រោយពីតារាឆ្នើមរូបនេះបានរងរបួសអំឡុងពេលដែល Man Utd យកឈ្នះ Basel ៣-០ ក្នុងពានរង្វាន់ Champions League កាលពីយប់មិញ។

Pogba មានបញ្ហាសសៃពួរ ហើយត្រូវបានលោក Jose Mourinho ធើ្វការផ្លាស់ប្ដូរចេញនៅនាទី១៧ ជំនួសវិញដោយខែ្សបម្រើ Marouane Fellaini។  

ខែ្សបម្រើជម្រើសជាតិបារាំងនេះ អាចនឹងត្រូវសម្រាកមិនបានជួយក្រុមក្នុងរយៈពេល ៦សប្ដាហ៍ ដែលធើ្វឲ្យអ្នកគាំទ្រមានការបារម្ភចំពោះទម្រង់លេងរបស់ក្រុម ខណៈដែលរូបគេគឺជាកីឡាករស្នូលម្នាក់របស់ក្រុមផងដែរ។

ទន្ទឹមនឹងនេះ អ្នកចាត់ការលោក Jose Mourinho បានបញ្ជាក់ដែរថា Pogba នឹងពុំមានវត្ដមានឡើយក្នុងជំនួបទល់នឹង Everton នៅយប់ថៃ្ងអាទិត្យនេះ ប៉ុន្ដែលោកក៏បានបន្ថែមថា Ander Herrera, Michael Carrick, Fellaini និង Nemanja Matic នឹងចូលខ្លួនដើម្បីជំនួសកន្លែងរបស់គេ៕  

ប្រភព៖ Mirror