អង់គ្លេស៖ តម្រូវការសម្រាប់ឡានអេឡិចត្រូនិកដែលប្រើប្រាស់អគ្គីសនីនៅតែបន្តកើនឡើងយ៉ាងខ្លាំង នៅក្នុងចក្រភពអង់គ្លេសប ន្ទាប់ពីរដ្ឋាភិបាលរបស់ខ្លួនបានប្រកាសនៅក្នុងខែកក្កដាថា ខ្លួននឹងហាមឃាត់ការលក់និងប្រើប្រាស់ឡានដែលប្រើប្រេងឥន្ធនៈ និងម៉ាស៊ូតថ្មីចាប់ពីឆ្នាំ ២០៤០ តទៅ។
ការហាមឃាត់នេះគឺជាមធ្យោបាយមួយដើម្បីកាត់បន្ថយការបញ្ចេញជាតិពុលទៅក្នុងបរិស្ថានដោយសារយាន្តជំនិះ។ ដោយឡែកដូចជា នៅប្រទេសបារាំង ទីក្រុងម៉ាឌ្រីត ទីក្រុងម៉ិកស៊ិក និងទីក្រុងអាតែនក៏មានគម្រោងបញ្ឈប់ការប្រើឡានប្រើប្រេងឥន្ធនៈ នាពេលអនាគតផងដែរ។
យ៉ាងណាមិញ កាលពីថ្ងៃព្រហស្បតិ៍ Jaguar Land Rover ដែលជាក្រុមហ៊ុនផលិតរថយន្តធំបំផុតក្នុងចក្រភពអង់គ្លេសបានប្រកាសថា ខ្លួននឹងបង្កើតរថយន្តស៊េរីថ្មីជាច្រើនដែលមានដំណើរការដោយអគ្គិសនី ហើយឡានស៊េរីថ្មីទាំងនោះនឹងចាប់ផ្តើមដាក់លក់នៅក្នុងឆ្នាំ ២០២០។
ក្រុមហ៊ុន Jaguar Land Rover ក៏បានបង្ហាញចង្កូតទំនើបមួយដែលអាចឆ្លើយសំណួរ ប្រកាសព័ត៌មាន និងកុម្ម៉ង់ម្ហូបអាហារទៀតផង។
លោក Ralf Speth ដែលជានាយកប្រតិបត្តិក្រុមហ៊ុន JLR បាននិយាយថា ចាប់តាំងពីឆ្នាំ ២០២០តទៅ រាល់ម៉ូដែលរថយន្តរបស់ក្រុមហ៊ុន Jaguar Land Rover នឹងប្រើប្រាស់អគ្គិសនីទាំងអស់។ លើសពីនេះទៅទៀតលោក Speth ក៏បានបង្ហាញទៀតថា នាពេលខាងមុខនេះ មនុស្សជាច្រើននឹងអាចកាត់បន្ថយការចំណាយទៅលើការធ្វើដំណើរយ៉ាងច្រើន។
គួរបញ្ជាក់ផងដែរ ក្រៅពីក្រុមហ៊ុន Jaguar Land Rover ក៏មានក្រុមហ៊ុនផលិតរថយន្តមួយចំនួនកំពុងប្រណាំងប្រជែងក្នុងការផលិតរថយន្តដែលប្រើប្រាស់អគ្គិសនី រួមមានក្រុមហ៊ុន Nissan ក្រុមហ៊ុន Leaf ក្រុមហ៊ុន Tesla និងក្រុមហ៊ុនមួយចំនួនទៀតផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]