រាជធានីភ្នំពេញ៖ នារីវ័យក្មេង ២ នាក់ជិះម៉ូតូបត់ត្រលប់ដួលត្រូវរថយន្តកុងតឺន័របើកបញ្ច្រាសទិសគ្នាមកដល់បានកិនអូសជាប់ក្រោមរថយន្ត៥០ម៉ែត្រតែសំណាងល្អនារីអ្នកជិះម៉ូតូទាំង២នាក់រងរបួសស្រាល ខូចខាតម៉ូតូទាំងស្រុងកៀបជាប់ក្រោមរថយន្ត ហេតុការណ៍នេះបានកើតឡើងនៅវេលាម៉ោង ៥ ភ្លឺឈានចូលថ្ងៃទី១ ខែកញ្ញា ឆ្នាំ២០១៧ ទុលមុខនិងស្ថានីយ៏ប្រេងឥន្ធនះសូគីមិច ច្រមុះជ្រូកក្បាលថ្នល់ផ្លូវ២៧១ សង្កាត់ផ្សារដើមថ្កូវ ខណ្ឌចំការមន ។
តាមប្រភពពត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញនារីវ័យក្មេង ២ នាក់ជិះម៉ូតូម៉ាកហុងដាឌ្រីមសេរីឆ្នាំ ២០១០ ពណ៌ខ្មៅពាក់ស្លាកលេខ ភ្នំពេញ 1AP-5331 បានធ្វើដំណើរតាមផ្លូវ២៧១ក្នុងទិសដៅពីលិចទៅកើត ខណៈមកដល់ចំណុចកើតហេតុ អ្នកទាំងពីរបានបើកម៉ូតូបត់ឆ្វេងត្រលប់ក្រោយបណ្តាលឲ្យដួលស្របពេលដែលស្រាប់តែមានបុរសម្នាក់ បានបើករថយន្តសណ្តោងកុងតឺន័រ ពណ៌សពាក់ស្លាកលេខ ភ្នំពេញ 3A-2609 បានធ្វើដំណើរតាមផ្លូវ២៧១ ក្នុងទិសដៅបញ្ច្រាសគ្នាពីកើតទៅលិច ក្នុងល្បឿនលឿនចាប់ហ្រាំងមិនទាន់បានជ្រុលទៅកិនពីលើម៉ូតូ អូសទាំងមនុស្សពីក្រោមរថយន្ត៥០ម៉ែត្រទើបឈប់ ជាសំណាងល្អនារីទាំង២នាក់រងរបួសរលាត់ដៃរលាត់ជើង និងមុខត្រូវបានរថយន្តសង្គ្រោះបានមកដឹកជនរងគ្រោះនៅគ្លីនិកឯកជន ។ ចំណែកម៉ូតូរងការខូចខាតខ្ទេចមួយកំណាត់ខាងមុខគាបជាប់ក្រោមរថយន្ត ។
ដោយឡែកខាងរថយន្ត អត់មានរងការខូចខាតនោះទេ ហើយភ្លាមនោះអ្នកបើកបររថយន្ត ត្រូវបានសមត្ថកិច្ចឃាត់ខ្លួនបានភ្លាមៗ យកទៅសាកសួរនៅអធិការដ្ឋានខណ្ឌចំការមន ។ ក្រោយពេលកើតហេតុ រថយន្តនិងម៉ូតូ ព្រមទាំងអ្នកបើកបរត្រូវបានសមត្ថកិច្ចជំនាញបានមកធ្វើការវាស់វែងយកទៅរក្សារទុកនៅការិយាល័យចរាចរណ៍ជើងគោកដើម្បីធ្វើការដោះស្រាយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
