រាជធានីភ្នំពេញ ៖ ស្ត្រីម្នាក់ដែលគេអះអាងថា មានវិបត្តិបានធ្វើដំណើរមកប៉ុនប៉ងលោតទឹកពីលើស្ពានជ្រោយចង្វា កាលពីវេលាម៉ោង២និង៤៥នាទីរសៀលថ្ងៃទី២៥ ធ្នូ តែពុំទាន់បានលោតផង ត្រូវប៉ូលិសអង្គភាពការពារគោលដៅទី៣ ឃាត់ទាន់។ ស្ត្រីដែលគិតខ្លីឈ្មោះហៃ សំអាត អាយុ២៥ឆ្នាំ មានលំនៅភូមិកោះដាច់ ឃុំកោះមិត្ត ស្រុកកំពង់សៀម ខេត្តកំពង់ចាម ។
តាមមន្ត្រីប៉ូលិសការពារស្ពានជ្រោយចង្វាបានឱ្យដឹងថា នៅមុនពេលកើតហេតុគេឃើញស្ត្រីរូបនោះធ្វើដំណើរដោយថ្មើរជើងឡើងពីគល់ស្ពានទិសខាងលិចទៅកើត ។ នៅពេលធ្វើដំណើរជិតដល់កណ្តាលស្ពានស្រាប់តែស្ត្រីរូបនោះតោងបង្គោលដងទង់ជាតិប្រុងលោតទឹកសម្លាប់ខ្លួន ហើយត្រូវប៉ូលិសយាមប្រចាំការលើស្ពានបានទៅជួយចាប់ឃាត់ និងនាំមកសាកសួរនៅអង្គភាព។ នៅចំពោះមុខប៉ូលិសស្ត្រីរូបនេះបានឱ្យដឹងថា មូលហេតុដែលនាងមកលោតទឹកសម្លាប់ខ្លួនគឺដោយសារតែបុរសដែលនាងស្រឡាញ់ធ្វើបាបនាងរំលោភសេពសន្ថវៈនាងរួចហើយ វាយដំច្រំធាក់ថែមទៀត ។
ស្ត្រីរូបនេះបន្តទៀតថា នាងបានស្រឡាញ់បុរសម្នាក់ឈ្មោះវីរៈ រយៈពេលប្រមាណ៦ខែមកហើយតាំងពីនាងធ្វើជាកម្មការិនីរោងចក្រកាត់ដេរម៉្លេះ។ នៅថ្ងៃទី២៤ ធ្នូ ឈ្មោះវីរៈ បានទូរស័ព្ទឱ្យត្រឡប់មកភ្នំពេញ ហើយនាំដើរលេងស្រាប់តែត្រូវឈ្មោះវីរៈ នាំយកទៅរំលោភសេពសន្ថវៈ និងវាយធ្វើបាបនៅផ្ទះសំណាក់តែនាងពុំចាំ ។ ទោះបីជាយ៉ាងណាស្ត្រីរូបនោះពុំបានឱ្យដឹងអ្វីច្រើនឡើយ ដោយគិតតែពីយំ និយាយស្តីតិចតួចណាស់ ៕
ដកស្រង់ពីគេហរទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
