អេស្ប៉ាញ៖ ខ្សែបម្រើរបស់ក្លិប Barcelona កីឡាករ Sergio Busquets បានដង្ហោយឲ្យក្រុមរបស់ខ្លួនរូតរះទិញកីឡាករថ្មីបន្ថែមទៀត ក្រោយចាញ់ Real Madrid ក្នុងលទ្ធផល ៣-១ កាលពីយប់ថ្ងៃអាទិត្យកន្លងទៅ។
ខ្សែបម្រើសញ្ជាតិអេស្ប៉ាញរូបនេះ បានសារភាពថាក្រុមរបស់ខ្លួនត្រូវតែពង្រឹងបន្ថែមទៀត ដើម្បីត្រៀមប្រកួតប្រជែងជាមួយ Real Madrid នៅពេលបើករដូវកាលថ្មី La Liga។
«យើងមិនត្រូវការកីឡាករថ្មី ក៏ព្រោះតែលទ្ធផលបរាជ័យនោះទេ។ តែយើងត្រូវការកីឡាករថ្មី ព្រោះតែយើងចាំបាច់ធ្វើកំណែទម្រង់ក្រុមឲ្យខ្លាំងឡើងវិញ បើទោះជាមានរឿងអ្វីកើតឡើងក៏ដោយ» ។ នេះបើយោងតាមសម្តីរបស់ Busquets ប្រាប់មកកាន់អ្នកកាសែត។
Busquets បន្ថែមទៀតថា «វាមិនមែនជាលេសនោះទេ ប៉ុន្តែយើងត្រូវតែរកដំណោះស្រាយរួម ហើយដើរទៅមុខទាំងអស់គ្នា។ ពួកយើងនៅមានមួយប្រកួតទៀតជាមួយ Real នៅក្នុងទឹកដីរបស់គេ វាសឹងតែមិនអាចទៅរួចហើយ ដែលរំពឹងថាអាចយកឈ្នះត្រលប់មកវិញ តែយ៉ាងណាពួកយើងនឹងព្យាយាម» ។
គួរឲ្យដឹងថា កាលពីម្សិលមិញនេះ ក្លិបអ្នកមានបុណ្យ Barcelona ក៏បានទិញកីឡាករចំនូលថ្មីមួយរូបផងដែរ គឺខ្សែបម្រើ Paulinho ដែលទិញមកក្លិបនៅប្រទេសចិន តម្លៃ៤០លានអឺរ៉ូ ហើយបន្ថែមពីនេះទៀត ក្លិបក៏មានគម្រោងនាំយក កីឡាករឆ្នើម២រូប គឺ Philippe Coutinho និង Dembele ឲ្យបានផងដែរ បើទោះជាការផ្ទេរកន្លងទៅទទួលលទ្ធផលអវិជ្ជមានក៏ដោយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]