សាហាវណាស់! មានផ្ទៃពោះ ៨ខែទៅហើយ ជួបគ្រោះថ្នាក់ចរាចរណ៍បែកទឹកភ្លោះ រហូតដល់... (មានវីដេអូ)

ថៃ៖  ស្ត្រីវ័យ២៧ឆ្នាំម្នាក់​ឈ្មោះ Fatimeh Mahseng  មានផ្ទៃពោះ៨ខែ​ បានជួបគ្រោះថ្នាក់ចរាចរណ៍មួយរវាងម៉ូតូ និងម៉ូតូ កាលពីម៉ោង ២រសៀល ថ្ងៃទី ១៩ កក្កដា ២០១៧កន្លងទៅនេះ។ ទីតាំងកើតហេតុស្ថិតនៅក្នុងខេត្តណារ៉ាធីវ៉ាត ប្រទេសថៃ។

ស្វាមី និងកូន២នាក់ទៀត​ (ប្រុសអាយុ ២ឆ្នាំកន្លះ និងស្រីអាយុកន្លះឆ្នាំ) ក៏ស្ថិតនៅក្នុងហេតុការណ៍គ្រោះថ្នាក់ចរាចរណ៍នោះដែរ តែសំណាងល្អគ្រាន់តែរងរបួសស្រាល។

គ្រោះថ្នាក់ចរាចរណ៍នេះ បានធ្វើឲ្យស្ត្រីរងគ្រោះបែកទឹកភ្លោះ ជាហេតុសម្រាលកូននៅនឹងកន្លែងកើតហេតុនោះតែម្តង។  ទារកត្រូវបានគេសម្រាលដោយជោគជ័យ និងមានសុខភាពល្អជាធម្មតា  ព្រោះមានការជួយជ្រោមជ្រែងពីប្រជាជនរស់នៅក្នុងតំបន់នោះ។

ក្រោយកើតហេតុ អ្នករងរបួសទាំងអស់ ត្រូវបានបញ្ជូនទៅសង្គ្រោះមន្ទីរពេទ្យ Narathiwat។

ចូលរួមអបអរសាទរដល់អ្នកនាង Fatimeh Mahseng និងគ្រួសារទាំងមូល សម្រាប់សមាជិកថ្មីមួយរូបនេះ៕ សូមទស្សនាវីដេអូ និងរូបភាពនៅខាងក្រោម៖

• គ្រួសារ
• ជីវិត
• ជំរុញទឹកចិត្ត
• ផ្ទៃពោះ