មនុស្សជាច្រើន ពិតជាចង់ដឹងណាស់ថាតើ ជីវិតរស់នៅរបស់អ្នកមានទ្រព្យសម្បត្តិ មានភាពអស្ចារ្យកម្រិតណា។ ហើយអ្វីដែលគួរឲ្យចាប់អារម្មណ៍បំផុតនោះ គឺជីវិតសិក្សារបស់អ្នកមានតែម្តង។
ចង់ដឹងថាអស្ចារ្យប៉ុណ្ណានោះ សូមតាមដានជិវិតសិក្សារបស់កូនអ្នកមាន ក្នុងសាលា Institut Le Rosey ដែលជាសាលាបង់ថ្លៃខ្ពស់ជាងគេលើពិភពលោក ទាំងអស់គ្នា ដូចខាងក្រោមនេះ ៖
# សាលា Institut Le Rosey គឺជាសាលាថ្នាក់អនុវិទ្យាល័យ ដែលមានវ័យចំណាស់ជាងគេទីពីរ របស់ពិភពលោក និងមានទីតាំងក្នុង ប្រទេសស្វីស។ សាលានេះ ត្រូវបានគេដាក់ឈ្មោះថាជា “School of Kings (សាលាស្តេច)” ថែមទៀតផង។
# សាលានិងប្រាសាទដែលមានទីតាំងក្នុងនោះ គឺជាកម្មសិទ្ធិរបស់គ្រួសារមួយ តាំងពីឆ្នាំ ១៨៨០ រហូតមកទល់នឹងបច្ចុប្បន្ន។
# Institut Le Rosey មានកម្មវិធីសិក្សា ២ គឺ កម្មវិធីសិក្សារដូវក្តៅ និងកម្មវិធីសិក្សារដូវធ្លាក់ទឹកកក។
# ក្នុងរដូវធ្លាក់ទឹកកក សាលានេះមានរៀនកីឡា ទាក់ទងនឹងរដូវទឹកកក បែបឯកជនថែមទៀត។
# សម្រាប់កម្មវិធីសិក្សារដូវក្តៅ សិស្សានុសិស្សអាចចំណាយពេលទំនេរ ទៅលេងអាងទឹកបាន។
# សាលាចាប់ផ្តើមពីម៉ោង ៧ ព្រឹក ដោយមានអ្នករៀបចំបន្ទប់ និងធ្វើអាហារពេលព្រឹកជូន រួចជាស្រេច។
# ម៉ោងរៀនគឺចាប់ពីម៉ោង ៨ ព្រឹក ដល់ម៉ោង ៣ កន្លះថ្ងៃរសៀល។ នៅម៉ោងពាក់កណ្តាលថ្ងៃត្រង់ក៏មានពេលសម្រាកយ៉ាងយូរ ដែលសិស្សៗទាំងអស់អាចទទួលទានអាហារថ្ងៃត្រង់ និងសូកូឡាក្តៅ បានទៀតផង។
# ចាប់ពីម៉ោង ៤ ល្ងាច ដល់ម៉ោង ៧ យប់ សិស្សទាំងអស់អាចលេងកីឡា និងធ្វើសកម្មភាពកម្សាន្តផ្សេងៗបាន។
# នៅម៉ោង ៧ កន្លះយប់ សិស្សានុសិស្សទទួលទានអាហារពេលល្ងាច និងធ្វើត្រូវធ្វើកិច្ចការផ្ទះ ពីចន្លោះម៉ោង ៨ ដល់ ៩ យប់។
# ពួកគេអាចធ្វើកិច្ចការទាំងនោះជាក្រុម ក្នុងបណ្ណាល័យ ឬក្នុងសាលក៏បាន។
# ក្រៅពីការសិក្សា ពួកគេទៅជិះទូក ដើរលេង និងឡើងភ្នំថ្ម ជាមួយគ្នាទៀតផង។
# គួរបញ្ជាក់ផងដែរថា សាលានេះបើកឲ្យសិស្សានុសិស្សគ្រប់ប្រទេសចូលសិក្សាបាន ប៉ុន្តែអ្វីដែលសំខាន់គឺ ក្នុងមួយឆ្នាំ ត្រូវតែចំណាយ ១០០,០០០ អឺរ៉ូ (ប្រមាណជា ១១៣,៩៣១ ដុល្លារអាមេរិក) ក្នុងមួយឆ្នាំ សម្រាប់ថ្លៃសិក្សាឯណោះ។
# ប៉ុន្តែ លុយមិនមែនជារឿងសំខាន់នោះទេ អ្វីដែលសំខាន់គឺ សិស្សានុសិស្សទាំងអស់ គឺដូចជាគ្រួសារតែមួយ ដែលរៀន និងសប្បាយរីករាយជាមួយគ្នាជានិច្ច៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]