បារាំង៖ នៅពេលដែល Paul Pogba ដើរចេញពី Manchester United កាលពីឆ្នាំ២០១២ រូបគេបានចាកចេញទាំងគ្មានតម្លៃខ្លួន ក្រោយពុំសូវមានឱកាសបង្ហាញខ្លួនក្នុងជម្រើសដំបូងក្រោមការដឹកនាំរបស់អតីតគ្រូបង្វឹកលោក Sir Alex Ferguson។
៤ឆ្នាំបន្ទាប់ កីឡាកររូបនេះក៏បានវិលត្រលប់មកវិញ ក្នុងនាមជាកីឡាករដែលមានតម្លៃថៃ្លជាងគេបំផុតក្នុងពិភពលោក។ ក្រោយពីលេងអស់១រដូវកាលកាល ហើយបានជួយឲ្យ Man Utd ឈ្នះពាន៣ កាលពីរដូវកាលមុនមកនោះ Pogba ត្រូវបានមតិមួយចំនួនយល់ថា រូបគេនៅតែបង្ហាញទម្រង់លេងមិនទាន់ល្អ ក្នុងនាមជាកីឡាករថៃ្លជាងគេ និងមតិខ្លះទៀតយល់ថាទម្រង់លេងរបស់គេគឺអាចទទួលយកបានហើយ។
ក្នុងកិច្ចសម្ភាសជាមួយទស្សនាវដ្ដី Esquire រូបគេបាននិយាយថា រូបគេមិនដែលខ្វល់ពីរឿងខ្លួនឯងជាកីឡាករថៃ្លជាងគេបំផុតនោះទេ។
អតីតខែ្សបម្រើរបស់ Juventus បាននិយាយថា៖ «បន្ទាប់ពីការផ្ទេររបស់ខ្ញុំពី Juventus ទៅ Manchester United អស់រយៈពេល១សប្ដាហ៍មក ខ្ញុំលែងខ្វល់ពីរឿងកីឡាករថៃ្លជាងគេទៀតហើយ។ គេឯងទេដែលតែងរំលឹកខ្ញុំ ព្រោះថានៅថៃ្ងចុងក្រោយរបស់អ្នក ពេលដែលអ្នកស្លាប់ទៅ ទាំងកីឡាករថៃ្លជាងគេ និងកីឡាករដែលមិនសូវថៃ្ល នឹងចូលក្នុងរណ្ដៅដូចគ្នា ដូច្នេះហើយខ្ញុំមិនដែលគិតពីរឿងនោះឡើយ»។
Paul Pogba គឺជាកីឡាករថ្នាលយុវជនរបស់ក្លិប Man Utd ប៉ុន្ដែក្នុងឆ្នាំ២០១២ រូបគេបានសម្រេចចាកចេញទាំងគ្មានតម្លៃខ្លួនទៅលេងនៅក្លិបសេះបង្គង់ Juventus។ អស់រយៈពេល៤ឆ្នាំ ពោលគឺក្នុងឆ្នាំ២០១៦ កីឡាករជម្រើសជាតិបារាំង បានសម្រេចមកចូលរួមជាមួយ Man Utd សាជាថ្មី ក្នុងតម្លៃបំបែកកំណត់ត្រា ៨៩លានផោន (១១៥លានដុល្លារ) ហើយបានជួយឲ្យក្រុមឈ្នះពាន៣ ក្នុងរដូវកាលដំបូងរបស់គេ មានដូចជា Community Shield, League Cup និង Europa League៕
ប្រភព៖ Mirror
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]