អស់ទាស់! ទីកន្លែងរៀបចំពិធីមង្គលការរបស់ Messi មានសុទ្ធតែកាស៊ីណូសម្រាប់ភ្ញៀវលេងកម្សាន្តទៀត

អាហ្សង់ទីន៖ ខ្សែប្រយុទ្ធកំពូលពិភពលោក Lionel Messi និងគូដណ្តឹង អ្នកនាង Antonella Roccuzzo នឹងចូលរោងការនៅចុងសប្តាហ៍នេះហើយ ក្រោយពីអ្នកទាំងពីរស្គាល់គ្នាតាំងពីនៅកុមារភាព ធំលូតលាស់ឡើងជាមួយក្នុងទីក្រុង Rosario ប្រទេសអាហ្សង់ទីន។

បើទោះជាប៉ុន្មានឆ្នាំកន្លងមកនេះ អ្នកទាំងពីររស់នៅក្នុងប្រទេសអេស្ប៉ាញក្តី ប៉ុន្តែពិធីមង្គលការពួកគេ នឹងសម្រេចរៀបចំនៅស្រុកកំណើតរបស់ខ្លួន ស្ថិតក្នុងទីក្រុង Rosario ប្រទេសអាហ្សង់ទីន ដោយពិធីមង្គលការរបស់អ្នកទាំងពីរ នឹងប្រព្រឹត្តឡើងនៅថ្ងៃទី៣០ ខែមិថុនា ខាងមុខនេះ នៅក្នុងមជ្ឈមណ្ឌល City Center Rosario។

ពាក់ព័ន្ឌនឹងពិធីរៀបមង្គលការនេះ ត្រូវបានប្រភពព័ត៌មានបានឲ្យដឹងថា តារាឆ្នើម និងម្ចាស់ពានរង្វាន់ Balon d’Or ៥សម័យ Lionel Messi មិនបានខ្វល់ពីរឿងចំណាយអ្វីទាំងអស់ សំខាន់គឺពិធីនេះនឹងប្រព្រឹត្តទៅយ៉ាងអធិកអធ័ម នៅក្នុងមជ្ឈមណ្ឌលដ៏ធំប្រណីត នាទីក្រុង Rosario ។

ប្រភពបានបន្តទៀត ភ្ញៀវដែលនឹងត្រូវចូលរួមពិធីមង្គលការរបស់ Messi នឹងមានឱកាសសប្បាយរីករាយប្លែក ដោយក្នុងមជ្ឈមណ្ឌលនេះ មានកាស៊ីណូសម្រាប់កម្សាន្ត ទីកន្លែង Bowling កន្លែងវាយកូនបាល់ អាងហែលទឹក ហើយជាពិសេសនោះ Messi បានជួលសណ្ឋាគារទាំងមូល សម្រាប់ភ្ញៀវស្នាក់នៅក្នុងមួយរាត្រីទៀតផង។

គួរឲ្យដឹងទៀតថា សមាជិក កីឡាករ និងបុគ្គលិកទាំងអស់របស់ក្លិប Barcelona ក៏ត្រូវបានអញ្ជើញចូលរួមក្នុងពិធីមង្គលការនេះផងដែរ ប៉ុន្តែក្នុងនោះ មានកីឡាករ២រូប នឹងមិនបានចូលរួមទេ គឺខ្សែការពារ Pique និងខ្សែបម្រើ Inesta មូលហេតុដោយសារបញ្ហាផ្ទាល់ខ្លួន៕ 

ប្រភព៖ Dailymail

• ទីកន្លែង