បរទេស៖ គ្រូបង្វឹកផ្ទាល់របស់កំពូលកីឡាករប្រដាល់សញ្ជាតិហ្វីលីពីន Manny Pacquiao លោក Freddie Roach បាននិយាយថា លោកនឹងព្យាយាមបញ្ចុះបញ្ចូលឲ្យ Pacquiao ចូលនិវត្ដន៍ ប្រសិនបើរូបគេភ្លាត់ចាញ់ទៅលើអ្នកប្រដាល់ដែលមិនទាន់ស្គាល់ពាក្យថាបរាជ័យ Jeff Horn ក្នុងការប្រកួតការពារខែ្សក្រវ៉ាត់របស់ខ្លួននៅថៃ្ងអាទិត្យនេះ។
Roach និយាយថា ម្ចាស់ខែ្សក្រវ៉ាត់ពិភពលោក១១សម័យ សង្ឃឹមនឹងអាចឈ្នះនូវការប្រកួតដាក់ខ្សែក្រវ៉ាត់ WBO របស់ខ្លួន ដើម្បីរកឱកាសក្នុងការប្រកួតសងសឹកទល់នឹង Floyd Mayweather វិញ ដែលខ្លួនបានចាញ់ដោយពិន្ទុកាលពី២ឆ្នាំមុន។
Roach ក៏បានបញ្ជាក់ដែរថា រូបគេ ក៏គួរតែពិចារណាក្នុងការចូលនិវត្ដន៍ពីអាជីពជាកីឡាករប្រដាល់ផងដែរ បើសិនជាកីឡាករសញ្ជាតិហ្វីលីពីននេះ មិនអាចយកឈ្នះលើ Jeff Horn នៅសប្ដាហ៍នេះ។
Roach និយាយយ៉ាងដូច្នេះថា៖ «វាអាស្រ័យទៅលើការចាញ់របស់គេ ខ្ញុំអាចនឹងព្យាយាមប្រាប់គេឲ្យចូលនិវត្ដន៍។ ពួកយើងត្រូវតែប្រយុទ្ធចំពោះការប្រកួតនេះ។ វាជាការប្រកួតដ៏សំខាន់សម្រាប់ពួកយើង»។
Roach បន្ដថា៖ «ប្រសិនបើ Pacquiao ឈ្នះដោយការលំបាក ពួកយើងប្រហែលជាគិតថាគួរតែដល់ពេលវេលាសម្រាប់គេហើយ»។
គួរបញ្ជាក់ផងដែរថា កាលពីឆ្នាំមុន Pacquiao បានចំណាយពេលជាច្រើនចូលរួមជាមួយព្រឹទ្ធសភាហ្វីលីពីន ហើយនៅពេលដែលរូបគេចូលនិវត្ដន៍ពីអាជីពជាកីឡាករប្រដាល់ រូបគេនឹងអាចបន្តធើ្វនយោបាយនៅប្រទេសកំណើតរបស់ខ្លួន៕
ប្រភព៖ The Guardian
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]