ថៃ៖ ជឿជាក់ថា មនុស្សស្រីគ្រប់រូប គ្មាននរណាម្នាក់ចង់ក្លាយទៅជាស្ត្រីមេម៉ាយទាំងវ័យក្មេងនោះទេ ប៉ុន្តែឱ្យធ្វើយ៉ាងណា បើស្ថានភាពតម្រូវមកដូច្នេះហើយ ទោះចង់ ឬមិនចង់ក៏ពិបាកនឹងបដិសេធដែរ។
យ៉ាងណាមិញ ទោះបីជាត្រូវរស់នៅក្នុងឈ្មោះជាស្រ្តីគ្មានស្វាមី ឬមានឈ្មោះជាស្ត្រីមេម៉ាយក្តី ក៏តារាសម្តែងស្រីល្បីទាំងនេះ មិនបានបណ្តោយខ្លួនឱ្យបាត់បង់សម្រស់នោះដែរ ផ្ទុយទៅវិញគឺពួកនាងកាន់តែស្រស់ស្អាត និងមានភាពស៊ិចស៊ី គួរជាទីទាក់ចិត្តខ្លាំងជាងមុនថែមទៀតផង។
ទន្ទឹមនឹងនេះឈ្មោះជាស្ត្រីមេម៉ាយ ក៏បានធ្វើឱ្យតារាស្រីទាំងនេះរឹតតែមានប្រជាប្រិយភាពកើនឡើងយ៉ាងខ្លាំងទៀតផង នៅក្នុងសង្គមសិល្បៈ មិនថាជាការចេញសម្តែងនៅក្នុងខ្សែភាពយន្ត ការថតស្ពតពាណិជ្ជកម្ម នៅក្នុងស្រុកនោះឡើយ។
ចង់ដឹងថាមានតារាស្រីរូបណាខ្លះ យើងមកតាមដានដូចខាងក្រោមនេះទាំងអស់គ្នា៖
១) នាង Janie Thien Phosuwan៖ ថ្វីត្បិតតែស្នេហារបស់នាងបានដើរដល់ផ្លូវបំបែកក៏ពិតមែនតែនាងនៅតែមានកេរ្តិ៍ឈ្មោះល្បីនៅក្នុងវិស័យសិល្បៈ ជាពិសេសគឺនៅក្នុងការសម្តែងខ្សែភាពយន្តភាគតែម្តង។
បើគិតពីរឿងភាពស្រស់ស្អាត និងស៊ិចស៊ីវិញ តារាស្រីជំនាន់ក្រោយប្រហែលជាចាញ់នាងបន្តិចហើយ ព្រោះបច្ចុប្បន្ននាងទាំងស្អាត ទាំងស៊ិចស៊ីបែបនេះ កំពុងតែទាក់ចិត្តកម្លោះៗមិនស្ទើរនោះទេ។
២) នាង Tangmo Pattaratida៖ ក្រោយលែងលះគ្នាជាមួយលោក Tono Pakin ដែលជាស្វាមី និងជាតារាសម្តែងប្រុសមានកេរ្តិ៍ឈ្មោះល្បាញល្បីដូចគ្នា គេឃើញនាង Tangmo តែងខ្លួនស្រស់ស្អាតជាងមុន ហើយក៏មានភាពស៊ិចស៊ីខ្លាំងណាស់ដែរ។
៣) នាង Woosen ៖ ឈ្មោះជាស្រីមេម៉ាយ មិនមែនជាបញ្ហាធំឡើយសម្រាប់តារាសម្តែងស្រីរូបនេះ ព្រោះទាំងជាអ្នកមានទ្រព្យសម្បត្តិស្តុកស្តម្ភហើយ ក៏នៅមានរូបសម្រស់ស្រស់ស្អាតថែមទៀតផង ទោះបីជានាងមានអាយុច្រើនបន្តិចហើយយ៉ាងណាក្តី។ ចំណែកឯភាពស៊ិចស៊ីវិញ បើនិយាយចំពោះនាង Woosen គឺមានមនុស្សស្រីច្រណែននឹងនាងមិនតិចនាក់នោះទេ។
៤) នាង Paeng Onjira៖ ក៏ជាតារាស្រីមួយដួងទៀត ដែលគ្រងតំណែងឈ្មោះជាស្រីមេម៉ាយ ប៉ុន្តែបច្ចុប្បន្នក៏មានគូស្នេហ៍ថ្មី ដែលកំពុងតែទាក់ទងគ្នាយ៉ាងផ្អែមល្ហែម។ ហេតុនេះហើយបានជានាងគឺមានភាពស្រស់ស្អាត និងមានភាពស៊ិចស៊ីយ៉ាងលេចធ្លោ គ្រប់ពេលវេលាតែម្តងហើយ។
៥) នាង Ying Yae ៖ ភាពស្រស់ស្អាត និងស៊ិចស៊ី នៅតែជាលេខ១របស់នាងជានិច្ច ព្រោះទោះបីទទួលបរាជ័យទៅលើរឿងស្នេហា ប៉ុន្តែរឿងសម្រស់ និងរឿងរកលុយគឺពិតជាសំខាន់ខ្លាំងណាស់សម្រាប់នាង។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]