ភ្នំពេញ៖ តារាសម្តែងឡើងកូដ កញ្ញា អន រ៉ាស៊ីសុមេត្តា ហៅណូម័រ កំពុងចិញ្ចឹមនិងមាន និស្ស័យជាមួយសត្វសេក ខណៈដែលនាងផ្ទាល់មិនចូលចិត្តសត្វចិញ្ចឹម ដោយផ្សងថា បើមិនចង់នៅជាមួយឬនាំសំណាង អាក្រក់មកអោយនោះ សូមហើរចាកចេញចុះ តែសេកនោះមិនបានហើរទៅណានោះទេ ។
តារាសម្តែង ណូម័រ បានឲ្យដឹងថា ជារឿងដ៏ចំលែកមួយសំរាប់អូនណាមិត្តៗ ម្សិលមិញថ្ងៃសុក្រពេលអូនទៅថតរឿងនៅដីវាលត្រើយម្ខាង ស្រាប់តែពេលចុះពីឡានមានសត្វសេកមួ យហើរចុះមកក្រោយឡាន អូនក៏មិនចាប់អារម្មណ៏ មួយសន្ទុះធំវានៅតែមិនទៅណា ក៏គិតថាប្រហែលវាឈឺទើបទៅជិតវា វាក៏ហើរចេញ តែក៏ហើរមកវិញ។
ស្រីស្រស់សាច់ខ្ចី កញ្ញា ណូម័រ បានបន្តថា ពេលនោះអូនឆ្ងល់ ក៏ទៅចាប់វាតែត្រូវវាខាំដៃរួចហើរចូលក្នុងឡាន ពួនក្រោមកៅអីបាត់ គោះយ៉ាងណាក៏មិនចេញ មកដល់ផ្ទះវិញព្រឹក ឡើងទើបវាលែងពួន អូនក៏និយាយទៅកាន់វាថា “បើមិនចង់នៅជាមួយអូនឬនាំសំណាងអាក្រក់ មកអោយអូនសូមហើរចាកចេញចុះ”។
បន្ទាប់ពីផ្សងរួច ស្រីស្អាតរូបនេះបន្ថែមថា អូននិយាយផងដេញផង តែវាមិនទៅនៅតែហើយចុះឡើងពេញឡានចិត្ត មួយចង់យកវាប្រលែងក្នុងវត្ត តែខ្លាចត្រូវជនមួយចំនួនធ្វើបាប ចិត្តមួយហាក់មាននិស្ស័យនឹងវាទាំង ដែលអូនមិនចូលចិត្តចិញ្ចឹមសត្វ ក៏សំរេចចិត្តទិញទ្រុងថែទាំង វាទាំងក្តីអាណិតស្រលាញ់ បើឯងសំរេចចិត្តនៅជាមួយយើង យើងសុំតែសេចក្តីសុខ។
សូមជម្រាបថា តារាសម្តែងស្រីវ័យក្មេង កញ្ញាអន រ៉ាស៊ី សុមេត្តា ហៅ ណូម័រ ថ្ងូរអាណិតម្តាយ ដែលមានវ័យ៥៧ឆ្នាំហើយគួរតែបាននៅ សម្រាកផ្ទះឲ្យបានស្រួលខ្លួន តែបែរជាត្រូវមកតាម កូនស្រីគ្រប់ច្រកល្ហក ដើម្បីមើលថែទោះយប់ថ្ងៃ ។ ខណៈកាន់តែលេចធ្លោរខ្លាំង ជាមួយនឹងការងារសិល្បៈ ពិសេសក្រោយពីនាងទទួលបាន ការងារច្រើនទាំងសម្តែង និងពិធីករ ។
ក្នុងឆ្នាំនេះការងារសិល្បៈរបស់កញ្ញា ណូម័រ ទទួលបានការសម្តែង ភាពយន្តថ្មីចំនួន៤រឿង ដែលសុទ្ធសឹងជាតួអង្គសំខាន់ ។ រឿងទាំង៤នោះមានដូចជារឿង "មន្តស្នេហ៍ក្រមុំបាយឆា" រឿង "ម្តាយក្មេករើសកូនប្រសា" រឿង "កំលោះយំក្រមុំសើច" និងរឿង "ទេពធីតាសម្រាម" ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
