Brain Scan Cambodia បើកសម្ភោធសាខាថ្មីនៅដូនពេញ

ភ្នំពេញ៖ ថ្មីៗកន្លងទៅនេះ Brain Scan Cambodia បានបើកសម្ភោធដំណើរការជាផ្លូវការ Brain Scan សាខាដូនពេញបំពេញតាមតម្រូវការអតិថិជននៅក្នុងតំបន់។ Brain Scan គឺជាកម្មវិធីបច្ចេកវិទ្យា វិទ្យាសាស្រ្តទំនើបលំដាប់ពិភពលោក DMIT ដែលជួយលោកអ្នកស្វែងរកនូវ សក្តានុពល និង ទេពកោសល្យពីកំណើតរបស់ខួរក្បាល ដើម្បីអភិវឌ្ឍខ្លួន អោយទទួលបានជោគជ័យពីសក្តានុពលដែលមាន។

កម្មវិធី ស្កេនវិភាគសមត្ថភាពខួរក្បាល តាមរយៈក្រយៅដៃ ឲ្យដឹងពី បុគ្គលិកលក្ខណៈ និងអត្តចរិតពីកំណើត ភាពវៃឆ្លាត ភាពខ្លាំង ភាពខ្សោយ។ កម្មវិធី កុំព្យូទ័រស្កេនឈ្មោះ​ថា Dermatoglyphics Multiple Intelligence Test (DMIT) របស់ក្រុមហ៊ុន Brain Scan បាននាំចូលពីប្រទេសថៃ បង្កើតដោយក្រុមអ្នកជំនាញជាច្រើនផ្នែក ដូចជា វិទ្យាសាស្ត្រវិស្វកម្ម និងចិត្តវិទ្យា រួមគ្នាជាមួយក្រុមការងារស្រាវជ្រាវសិក្សាផ្នែកស្បែកក្រយៅដៃ។ កម្មវិធីស្កេន នោះ នឹងផ្ដល់នូវលទ្ធផលរបាយការណ៍ អំពីទេពកោសល្យរបស់មនុស្សម្នាក់ៗ ចាប់ពីអាយុ២ខួបឡើងទៅ រហូតមនុស្សពេញវ័យ។ វាបង្ហាញឲ្យពួកគេដឹងពីចំណុចខ្លាំង និងចំណុចខ្សោយ ដែលជួយឲ្យ សាមីខ្លួន ជាពិសេសឪពុកម្ដាយ លោកគ្រូអ្នកគ្រូ ដឹងពីបុគ្គលិកលក្ខណៈ របស់បុគ្គលម្នាក់ នឹងជួយពង្រឹងភាពខ្លាំង និងភាពខ្សោយ របស់បុគ្គលក្នុងការសិក្សា ឬការងារជាដើម។ ផ្អែកលើការស្រាវជ្រាវលោក​វេជ្ជបណ្ឌិត កាយវិភាគវិទ្យា John Evangelist Purkinje បានរកឃើញថាស្នាមក្រយៅ និងខួរក្បាលរបស់មនុស្សមានភាពជាប់ទាក់ទងគ្នា តាំងពីនៅក្នុងគភ៌ម្ដាយ។ ក្រយៅដៃ និងក្រយៅជើង ចាប់ផ្ដើមអភិវឌ្ឍឡើងពីកោសិកា ប្រភេទតែមួយ ជាមួយនិង កោសិកាខួរក្បាល តាំងពីសប្ដាហ៍ទី១៣ រហូតដល់សប្ដាហ៍ទី២៤ ទើបពេញលេញ។

ក្រយៅមនុស្សមិនមានភាពដូចគ្នាទេ ជាហេតុនាំឲ្យ មនុស្សអាចកំណត់អត្តសញ្ញាណរបស់បុគ្គលម្នាក់ៗបាន៕

• វិទ្យាសាស្រ្ត