ភ្នំពេញៈ អតីតសិល្បការិនី លោកស្រី ម៉ៅ សុចំណាន ហៅ ស្រីតូច ចំណាន និងលោកឧកញ៉ា គិត ម៉េង បានឧបត្ថម្ភថវិកាផ្ទាល់ខ្លួន ចំនួនមួយពាន់ដុល្លារដល់ លោក ស៊ូ សាវ៉ាង ហៅតា ហ្វុយហ៊្សូ ដែលជាតារាកំប្លែងជើងចាស់ ធ្លាក់ខ្លួនឈឺ កំពុងសម្រាកព្យាបាលនៅមន្ទីពេទ្យ ដោសារតែជីវភាពគ្រួសារ មានការលំបាកជាខ្លាំង ។
បើតាមលោកតាហ្វុយហ៊្សូ បានឲ្យដឹងថា "ខ្ញុំបាទសូមថ្លែងអំណរគុណ ដល់ឯកឧត្តមអ្នកឧកញ៉ា គិត ម៉េង នឹង លោកជំទាវម៉ៅ ចំណាន ដែលបានឧបត្ថម្ភថវិកា $1000 មកជួយឧបត្ថម្ភដល់ខ្ញុំបាទនារសៀលនេះ ។ ខ្ញុំសូមលើកដៃប្រណំ បួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តសិទ្ធនៅក្នុងលោក ទេវតាថែរក្សាព្រះរាជាណាចក្រកម្ពុជា ជាពិសេសទេវតាឆ្នាំថ្មី ឆ្នាំរកា នព្វស័ក ពុទ្ធសករាជ ២៥៦១ គ.ស២០១៧ សូមទ្រង់ប្រោសព្រំ ប្រទានសព្វសាធុកាពរ បវរសួស្តី សិរីមង្គល វិបុលសុខមហាប្រសើរ ថ្វាយ និងជូនដល់អ្នកឧកញ៉ា នឹងលោកជំទាវ ព្រមទាំងក្រុមគ្រួសារ ឲ្យទទួលបាននូវពុទ្ធិពរ ទាំងបួនស្ងួនបវរពិត៖ មួយ គឺអាយុនៃជីវិត សូមមានកំរិតរយវស្សា ពីរ គឺវណ្ណៈសូមមានសំរស់ សោភ័ណ្ឌល្អស្រស់ដ៏ថ្លៃថ្លា បី គឺសុខៈអង្គអាត្មា ទាំងក្រុមគ្រួសារសុខសួស្តី បួន គឺពលៈកំលាំងធន់ សទ្ធាចិត្តបុណ្យទន់លោកិយ៍ សូមទាន់ព្រះសិអារ្យមេត្រី រុងរឿងរស្មីសាយពណ្ណរាយ… សូមគោរពជូនពរពីខ្ញុំបាទ ស៊ូ សាវ៉ាង ដោយក្តីគោរពរាប់អាន"។
ជាចុងក្រោយលោកតាហ្វុយហ៊្សូ និងក្រុមគ្រួសារ បានធ្វើការអំពាវនាវ សុំសប្បុរសជនឲ្យជួយ ព្រោះលោកតាជួបការខ្វះខាតជាខ្លាំង និងត្រូវសម្រាកព្យាបាលបន្ត នៅមន្ទីពេទ្យបន្ថែមជាទៀត ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
