ភ្នំពេញ៖ កំពូលតារាចម្រៀងសាង ភាពល្បីលើទ្រនំហង្សមាសកញ្ញា ឱក សុគន្ធកញ្ញា បង្ហើបថា សព្វថ្ងៃស្រឡាញ់ការងាររកស៊ីយ៉ាងខ្លាំង ហើយចង់មានមុខជំនួញ សម្រាប់ខ្លួនឯង តែពេលវេលា និងឱកាសហាក់មិនផ្តល់ឲ្យសោះ គឺដោយសាររវល់ការងារសិល្បៈច្រើន និងមិនមានពេលសិក្សា លើការធ្វើជំនួញទាំងនេះ ។
កញ្ញា ឱក សុគន្ធ កញ្ញា បានបង្ហាញពីចេតនាចង់ បើកមុខជំនួញថ្មីដូចលោក លាន អាហ្រ្វីល គីនីន ដែលបង្ហាញពីឈ្មោះក្រណាត់ខោអាវកីឡា ដោយបានប្រាប់ថា "សព្វថ្ងៃខ្ញុំស្រឡាញ់ការងាររកស៊ីយ៉ាងខ្លាំង ហើយចង់មានមុខជំនួញ សម្រាប់ខ្លួនឯង តែពេលវេលា និងឱកាសហាក់មិនផ្តល់ឲ្យសោះ ។ ហេតុផលឱកាសមិន ផ្តល់ឲ្យនោះ មានតែមួយគឺខ្ញុំរវល់ ការងារសិល្បៈច្រើន ដែលមិនមានពេល សិក្សាលើការធ្វើជំនួញ ។ ខ្ញុំពិតជាចូលចិត្តខោអាវកីឡា ហើយក៏ចង់ចាយទុនបើកហាងនាំ ម៉ាកខោអាវកីឡាមានឈ្មោះល្បីៗពីក្រៅដែរ ។ តែខ្ញុំគិតថាពេលនេះបានត្រឹមជាគម្រោងសិន តែថ្ងៃណាមួយខ្ញុំនឹងឆ្លៀត ឱកាសបើកមុខជំនួញនេះ ព្រោះថាវាក៏ជាការបង្កើន ចំណូលគ្រួសារ នៅថ្ងៃក្រោយដែរ" ។
ជាមួយគ្នានោះ កញ្ញា ឱក សុគន្ធកញ្ញា បញ្ជាក់ពីអារម្មណ៍ស្រឡាញ់ ជំនួញទាក់ទិននឹងវិស័យកីឡា រួចបន្ថែមថា "ខ្ញុំពិតជាចង់ចាយទុនមួយចំនួន បើកមុខជំនួញដែលខ្ញុំស្រលាញ់ តែគ្រប់យ៉ាងបានត្រឹមគិតសិន ព្រោះមិនទាន់មានឱកាស" ។
សូមជម្រាបថា កញ្ញា ឱកសុគន្ធ កញ្ញា ត្រូវបានអ្នកគាំទ្រដាក់ងារ កំពូលតារាចម្រៀង ប្រចាំផលិតកម្មហង្សមាស។ ជាមួយនឹងភាពមមាញឹកជាតារាចម្រៀងកម្រិតកំពូល ក៏ត្រូវបានគេដឹងថា នាងក៏រកចំណូលបានយ៉ាងច្រើន ផងដែរពីអាជីពចម្រៀងនេះ ។ តែទោះបីជាយ៉ាងណា កញ្ញា មិនបានបង្ហាញនោះឡើយថា កម្រិតចំណូលនាងប្រចាំថ្ងៃ កម្រិតខ្ពស់ប៉ុនណាដែរ ដោយនាងប្រាប់ថា វាជារឿងសម្ងាត់របស់ខ្លួន ។
គួររំលឹកថា តារាចម្រៀងស្រីលំដាប់លើប្រចាំផលិតកម្ម រស្មីហង្សមាស កញ្ញា ឱក សុគន្ធកញ្ញា កន្លងមកបានអួតប្រាប់ប្រិយមិត្តថា បើកយុទ្ធនាការសម្រកជាតិ ខ្លាញ់ក្នុងខ្លួនចំនួន ៥គីឡូ ចេញពីខ្លួន ជាមួយនឹងរូបថត មួយសន្លឹកដ៏ស្រស់ស្អាត ពេលស្លៀកឈុតនេះ ពិតជាស៊ិចស៊ី មិនធម្មតានោះឡើយ ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]