អង្ករ ឬបាយ គឺជាម្ហូបអាហារដ៏ចំបង សម្រាប់មនុស្សជុំវិញពិភពលោក ជាពិសេស ប្រជាជនខ្មែរយើង និងអាស៊ីតែម្តង។ ប៉ុន្តែដោយសារមានអង្ករប្លាស្ទិច បន្លំលក់លើទីផ្សារសព្វថ្ងៃដែរ ទើបធ្វើឲ្យអ្នកហូបមានការព្រួយបារម្ភ និងខ្លាចរអារផងដែរ។
ហេតុនេះយើងនឹងលើកយកតិចនិក ៤ចំណុច សម្រាប់ធ្វើតេស្ត ចង់ដឹងថា អង្ករនោះជាអង្ករពិត ឬអង្ករប្លាស្ទិច ដូចខាងក្រោម៖
១. ធ្វើតេស្តដោយទឹក ៖ អ្នកគ្រាន់តែយកអង្ករមួយស្លាបព្រាបាយ ចាក់ចូលក្នុងទឹកមួយកែវ។ ប្រសិនបើអង្ករនោះជាអង្ករពិត វានឹងលិចទៅបាតកែវ រីឯអង្ករប្លាស្ទិចនឹងអណ្តែត។
២. ធ្វើតេស្តដោយភ្លើង ៖ ដោយអ្នកគ្រាន់តែយកអង្ករមួយក្តាប់មកដុត ដោយប្រើឈើគូស ឬដែកកេះក៏បាន។ អង្ករប្លាស្ទិចនឹងឆេះភ្លាម ព្រមទាំងបន្សាយក្លិនឈួលប្លាស្ទិចទៀតផង។
៣. ធ្វើតេស្តផ្សិត ៖ គ្រាន់តែសាកល្បងដាំបាយ រួចច្រកទុកក្នុងដបទឹកមួយ រយៈពេលពី ២ ទៅ ៣ ថ្ងៃ។ ប្រសិនបើបាយដែលដាំរួចនោះ មិនឡើងផ្សិតទេនោះ វាប្រាកដជាអង្ករប្លាស្ទិច មិនមែនជាអង្ករពិតនោះទេ។
៤. ធ្វើតេស្តនៅពេលដាំ ៖ អង្ករក្លែងក្លាយ ក៏អាចមើលដឹងបានដែរ នៅពេលកំពុងតែដាំ (ដាំបាយ) ដោយបាយអង្ករប្លាស្ទិច នឹងមានឡើងពពុះខាប់យ៉ាងក្រាស់ជាប់ឆ្នាំង នៅពេលកំពុងដាំពុះនោះតែម្តង៕
ប្រភព៖ Interesting Facts
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]