បរទេស៖ អតីតប្រធានក្រុមជម្រើសជាតិអង់គ្លេស និងជាវីរៈបុរសរបស់ក្រុមហង្សក្រហម Liverpool លោក Steven Gerrard ជឿថា ការបង្ហាញទម្រង់លេងយ៉ាងល្អរបស់ Cristiano Ronaldo ក្នុងការប្រកួតវគ្គផ្ដាច់ព្រ័ត Champions League កាលពីថៃ្ងសៅរ៍កន្លងទៅ បានបង្ហាញថា រូបគេពិតជាសាកសមក្នុងការឈ្នះពានរង្វាន់ Ballon d’Or ជាលើកទី៥។
Ronaldo ស៊ុតបញ្ចូលទីបាន២គ្រាប់ ក្នុងការប្រកួតវគ្គផ្ដាច់ព្រ័ត្រពានរង្វាន់ Champions League ជួយ Real Madrid ឈ្នះ Juventus ៤-១ នៅទីក្រុង Cardiff ក្លាយជាម្ចាស់ជើងឯកចំនួន១២សម័យ។
ក្នុងដំណើរនេះ Ronaldo បានក្លាយជាកីឡាករទី១ដែលអាចរកគ្រាប់បាល់បានរហូតវគ្គផ្ដាច់ព្រ័ត្រ៣ដង និងជួយ Real Madrid ក្លាយជាក្រុមបាល់ទាត់ដំបូងបង្អស់ក្នុងប្រវត្តិសាស្ត្រ ដែលអាចការពារតំណែងជើងឯក Champions League។
ស្របពេលជាមួយគ្នានេះដែរ អតីតប្រធានក្រុមជម្រើសជាតិអង់គ្លេស Steven Gerrard បាននិយាយថា ការដែលរកបាន២គ្រាប់នៅវគ្គផ្ដាច់ព្រ័ត្រ គឺមានន័យថា Ronaldo មានលទ្ធភាពគ្រប់គ្រាន់ក្នុងការទទួលបានពាន Ballon d'Or សម្រាប់ឆ្នាំ២០១៧នេះ ជាលើកទី៥។ «Ballon d'Or គួរតែជារបស់គាត់ (Ronaldo) ព្រោះការប្រកួតនេះបានកំណត់អ្នកឈ្នះពាននេះទៅហើយ» Gerrard និយាយទៅកាន់ទូរទស្សន៍ BT Sport៕
ប្រភព៖ Dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
