អេស្ប៉ាញ៖ មិត្តស្រីរបស់កំពូលកីឡាករបាល់ទាត់ Cristiano Ronaldo អ្នកនាង Georgina Rodriguez បានបង្ហោះរូបមួយសន្លឹក ចូលទៅក្នុងបណ្តាញសង្គមរូបភាព Instagram របស់ខ្លួន ធ្វើឲ្យអ្នកគាំទ្រជាច្រើនភ្ញាក់ផ្អើល និងមានការសង្ស័យគ្រប់គ្នា ដោយពួកគេយល់ឃើញថា នាងកំពុងតែមានផ្ទៃពោះជាមួយ Ronaldo ។
បើយោងតាមរូបភាពដែលនាងបង្ហោះ បានឲ្យឃើញថា អ្នកនាង Georgina ដែលជាមិត្តស្រីរបស់ Ronaldo បានទៅជួបជាមួយវេជ្ជបណ្ឌិតមួយរូប ដែលនេះជារឿងមួយធ្វើអ្នកគាំទ្រកើតការសង្ស័យ និងធ្លាយពាក្យចចាមរ៉ាមថា នាងកំពុងមានផ្ទៃពោះជាមួយ Ronaldo ។
បន្ថែមពីនេះទៀត អ្វីដែលកាន់តែធ្វើឲ្យអ្នកគាំទ្រសង្ស័យជាងនេះទៀតនោះ គឺមុនមួយថ្ងៃបង្ហោះរូបភាពនេះ ខ្សែប្រយុទ្ធឆ្នើម Cristiano Ronaldo ក៏បានបង្ហោះរូបមួយសន្លឹកផងដែរ ដែលជារូបភាពកៀកកើយគ្នា ហើយដៃរបស់ Ronaldo ប៉ះនឹងផ្ទៃពោះរបស់មិត្តស្រីខ្លួន។
បើទោះជាយ៉ាងណាក៏ដោយ តាមប្រភពព័ត៌មានបានស្រាវជ្រាវឲ្យដឹងថា រូបភាពជាមួយវេជ្ជបណ្ឌិត ដែលមិត្តស្រី Ronaldo បានបង្ហោះនេះ គឺជាវេជ្ជបណ្ឌិតជំនាញវះកាត់កែសម្ផស្សនៅក្នុងប្រទេសអេស្ប៉ាញប៉ុណ្ណោះ ហើយដំណឹង ឬពាក្យចចាមរ៉ាងដែលថា នាងមានផ្ទៃពោះហើយទៅជួបគ្រូពេទ្យនោះ គឺមិនពិតប្រាកដឡើយ។
គួរឲ្យដឹងថា ចំពោះពាក្យចចាមរ៉ាមទាំងអស់នេះ ក៏បានធ្វើឲ្យម្តាយបង្កើតរបស់ Ronaldo ហួសចិត្ត និងមានប្រតិកម្មផងដែរ ដោយអ្នកស្រីមិនដែលគិតថា កូនប្រុសរបស់ខ្លួននឹងមានកូនម្នាក់ទៀតនោះទេ ៕
ប្រភព៖ The Sun
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]