ភ្នំពេញ៖ ក្រុមសិស្សវិទ្យាល័យ បាក់ទូក និងវិទ្យាល័យវត្តកោះ ជាច្រើននាក់ កាលពីវេលាម៉ោង ៧៖៣០យប់ថ្ងៃទី៣ ខែមីនា ឆ្នាំ២០១២ បានបង្កភាព អនាធិបតេយ្យ យ៉ាងខ្លាំង តាមបណ្តាយផ្លូវក្នុង សង្កាត់បឹងព្រលិត ខណ្ឌ៧មករា ដោយពួកគេទាំងនោះ ជិះម៉ូតូដេញ វាយ កាប់ចាក់គ្នា មិនដឹងថា មានទំនាស់អ្វីនោះទេ ។

សេចក្តីរាយការណ៍ពីសាក្សី ដែលបានឃើញហេតុការណ៍ ខាងលើនេះ បានឲ្យដឹងថា ក្រុមសិស្សវិទ្យាល័យ បាក់ទូក និងវិទ្យាល័យ វត្តកោះ បានជិះម៉ូតូសុទ្ធតែ ស៊េរីទំនើប ប្រដាប់ដោយដំបង កាំបិត និងដុំថ្ម បានដេញប្រហារគ្នា ដោយមិនខ្លាចញញើត និងសមត្ថកិច្ចនោះឡើយ ។

សេចក្តីរាយការណ៍ពី សមត្ថកិច្ចមូលដ្ឋាន បានឲ្យដឹងថា ក្រោយការដេញ វាយកាប់ចាក់គ្នានោះ សមត្ថកិច្ចបានឃាត់ខ្លួន សិស្សជើងខ្លាំង ចំនួន៤នាក់ ក្នុងនោះពីរនាក់មក ពីវិទ្យាល័យ បាក់ទូក និងពីរនាក់ទៀតមក ពីវិទ្យាល័យវត្តកោះ។

ប្រភពព័ត៌មាន ពីសមត្ថកិច្ចមូលដ្ឋានបាន ឲ្យដឹងថា សិស្សពីរនាក់រៀននៅ វិទ្យាល័យវត្តកោះ ដែលត្រូវឃាត់ខ្លួននោះ រួមមានទីមួយឈ្មោះ ប៉ង រដ្ឋា អាយុ១៨ឆ្នាំ និងទី២ ឈ្មោះ ឡេង ចាន់ដារ៉ុ អាយុ១៨ឆ្នាំដូចគ្នា។ ដោយឡែក សិស្សវិទ្យាលបាក់ទូក នោះរួមមានទី១ ឈ្មោះ សូ ប៉េងលីន និងសាំង ខេមរ៉ា ។ ក្រោយការឃាត់ខ្លួន សមត្ថកិច្ចបាន កោះហៅ ឪពុកម្តាយ និងអាណាព្យាបាល មកទទួល ដោយបានធ្វើកិច្ចសន្យាត្រឹមត្រូវ។

បច្ចុប្បន្ននេះ គេសង្កេតឃើញ ភាពអនាធិបតេយ្យ បានកើតឡើង ពីសំណាក់ក្រុម សិស្សវិទ្យាល័យ ជាច្រើននាក់ ដែលធ្វើសកម្មភាព ដេញវាយកាប់ចាក់គ្នា តាមដងផ្លូវ ដោយមិនខ្លាចញញើត នឹងសមត្ថកិច្ចនោះឡើយ ៕

ផ្តល់សិទ្ធដោយ ដើមអម្ពិល

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ