ខេត្តកំពង់ស្ពឺ ៖ ផ្ទះនៅជិតគ្នា នាងចេះតែត្អូញប្រាប់តាថា គ្មានលុយ ហើយតាក៏ចេះតែឱ្យរហូតឈានដល់ប៉ះពាល់ខ្លួនប្រាណ តែពេលដឹងដល់ជីដូនក៏ប្តឹងឱ្យចាប់តែម្តង។ ការឃាត់ខ្លួននេះធ្វើឡើងកាលពីវេលាម៉ោង២រសៀលថ្ងៃទី២៤ ខែឧសភា ឆ្នាំ២០១៧ នៅក្នុងភូមិកាហែង ឃុំកាហែង ស្រុកសំរោងទង ។
ជនសង្ស័យឈ្មោះ មែ សុន អាយុ៥៩ឆ្នាំ មុខរបរធ្វើស្រែ រស់នៅភូមិ-ឃុំខាងលើ ចំណែកក្មេងស្រីរងគ្រោះអាយុ១៤ឆ្នាំ ជាសិស្ស រីឯជីដូនក្មេងស្រីអាយុ៦០ឆ្នាំ ។
នគរបាលបានឱ្យដឹងថា បន្ទាប់ពីទទួលពាក្យបណ្តឹងពីជីដូនក្មេងស្រីរងគ្រោះ សមត្ថកិច្ចក៏ឃាត់បុរសវ័យចំណាស់មកសាកសួរ ហើយជនសង្ស័យសារភាពថា អំឡុងដើមខែឧសភា ក្មេងស្រីរងគ្រោះតែងតែមកលេងផ្ទះគាត់ជាញឹកញាប់ និងនិយាយត្អូញត្អែរថាគ្មានលុយចាយសម្រាប់ទៅរៀន ហើយនាងក៏សុំលុយគាត់ចាយផង ពេលលឺនាងនិយាយដូច្នោះក៏ចេះតែឱ្យលុយទៅ។ ហើយកាលពីថ្ងៃទី២០ ឧសភានេះ គាត់និងនាងបានណាត់គ្នាថា យប់ជួបគ្នាលើផ្ទះនាង លុះយប់ឡើងគាត់ក៏លបឡើងទៅឃើញនាងដេកមិនមានស្លៀកពាក់អ្វីទាំងអស់ ដោយទ្រាំមិនបានក៏ចូលទៅដេកជាមួយក្មេងស្រីនេះបាន៣ដង ប៉ុន្តែមិនស៊ីជម្រៅនោះទេ គឺត្រឹមដេកអោបស្ទាបអង្អែលលេងប៉ុណ្ណោះ ក៏រត់មកផ្ទះវិញដេកវិញ ។
លុះរំលង៣ថ្ងៃនាងណាត់គាត់ម្តងទៀត ហើយនៅម៉ោង១២រំលងអាធ្រាត្រគាត់ក៏ឡើងទៅរុញទ្វារផ្ទះនាង ប៉ុន្តែជាប់គន្លឹះក៏ដឹងដល់ជីដូននាងដែលដេកនៅក្រោមផ្ទះ ស្រាប់តែស្រែកឆោឡោតែម្តង។
បច្ចុប្បន្នបុរសសង្ស័យខាងលើកំពុងតែឃុំខ្លួនបណ្តោះអាសន្ននៅស្នងការដ្ឋាននគរបាលខេត្ត ដើម្បីកសាងសំណុំរឿងបញ្ជូនទៅកាន់តុលាការខេត្តចាត់ការតាមផ្លូវច្បាប់៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]