ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា បុរសម្នាក់ត្រូវជនសង្ស័យមួយក្រុមភ្ជង់បាញ់ក្នុងបំណងសម្លាប់ ដើម្បីដណ្តើមយកព្រះសំរឹទ្ធ៣អង្គដែលមានតម្លៃរាប់លានដុល្លារ ។ សំណាងល្អ គ្រាប់កាំភ្លើងមិនផ្ទុះ ត្រូវពួកគេចាប់ចង ដោយប្រមូលយកព្រះសំរឹទ្ធនោះគេចខ្លួនបាត់ ។
ក្រោយកើតហេតុ ទើបផ្អើលដល់សមត្ថកិច្ចចុះទៅផ្ទះជនរងគ្រោះ ធ្វើការសាកសួរ កើតឡើងកាលពីវេលាម៉ោង០៩ និង៣០នាទីព្រឹកថ្ងៃទី២៤ ឧសភា នេះ ស្ថិតនៅផ្ទះជនរងគ្រោះក្នុងភូមិស្រែកក់ ឃុំរលាំងចក ស្រុកសំរោងទង ខេត្តកំពង់ស្ពឺ ។
ប្រភពឱ្យដឹងថា ជនរងគ្រោះខាងលើ ឈ្មោះស៊ុន ឌីម អាយុ៥១ឆ្នាំ ។ រីឯក្រុមជនសង្ស័យមានគ្នា៥នាក់ មិនបានស្គាល់អត្តសញ្ញាណទេ តែជិះម៉ូតូសេ១២៥ចំនួន២គ្រឿង ។
បើតាមការរៀបរាប់ជនរងគ្រោះថា កាលពីអំឡុង៥ថ្ងៃមុន មានមនុស្សមួយក្រុមមកទាក់ទងគាត់ សួរនាំរឿងមានអ្នកចង់ទិញព្រះសំរឹទ្ធ ដោយពួកគេហ៊ានឱ្យតម្លៃ១ខាំ ៣០លានដុល្លារឯណោះ ។ ពេលនោះគាត់ឆ្លើយថា គាត់មានព្រះសំរឹទ្ធ៣អង្គដែរ តើមានតម្លៃថ្លៃបែបនេះមែនទេ? ។
ក្រុមជនសង្ស័យបានសុំមើល គាត់ក៏យកឱ្យមើល ស្រាប់តែពួកគេ(ជនសង្ស័យ)ថា ពិតជាសំរឹទ្ធប្រាកដមែន ។ ហើយតម្លៃ គឺ១ខាំ៣០លានដុល្លារ សរុប៣អង្គមានទម្ងន់ជិត១០គីឡូឯណោះ ។ ពួកគេបានសុំលេខទូរស័ព្ទគាត់ ដោយនិយាយថា ទុកទាក់ទងមក ព្រោះមានអ្នកចង់ទិញ ហើយមុនពេលមក គេនឹងតេមកប្រាប់មុន ហើយក៏នាំគ្នាចេញទៅបាត់អស់ទៅ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
