មនុស្សភាគច្រើន ជឿថាមានតែផលិតផលបែបវិទ្យាសាស្រ្ត និងបែបវេជ្ជសាស្រ្តទេ ដែលអាចជួយដល់សុខភាពសម្រស់បាន។ ប៉ុន្តែជាក់ស្តែង គ្មានអ្វីដែលល្អប្រសើរជាង រូបមន្តងាយៗតាមបែបធម្មជាតិនោះទេ។
ហេតុនេះហើយ ទើបថ្ងៃនេះយើងនឹងលើកឡើងនូវ រូបមន្តមួយដែលជួយឲ្យអ្នកមានសម្រស់ស្រស់ស្អាត ក្មេងជាងវ័យ ដូចងាយុ ១៨ឆ្នាំ ដោយគ្រាន់តែប្រើកាហ្វេ និងទឹកដោះគោ ព្រមទាំងអនុវត្តវាជារៀងរាល់ព្រឹក តែប៉ុណ្ណោះ។
ចង់ដឹងថាងាយស្រួលយ៉ាងណានោះ តោះទៅតាមដានវិធីអនុវត្តទាំងអស់គ្នា ដូចខាងក្រោមនេះ ៖
# អ្វីដែលអ្នកត្រូវការ មានដូចជា ៖
• កាហ្វេម៉ដ្ឋ ដែលជាកាកកាហ្វេឆុងហើយ ក្នុងកំសៀវកាហ្វេ ពីព្រោះវាមានសភាពម៉ដ្ឋ មិនបំផ្លាញស្បែករបស់អ្នក។
• ទឹកដោះគោ ដែលមានជាតិខ្លាញ់ទាប (Low fat) ទើបជាការប្រសើរ។
• ចានគោមមួយ សម្រាប់លាយវាចូលគ្នា។
• ស្លាបព្រា ឬវែកមួយ (មិនត្រូវប្រើច្រាសទេ ពីព្រោះវាអាចជាប់សរសៃច្រាសអស់)។
# វិធីធ្វើ ៖
• ចាក់កាកកាហ្វេចូលទៅក្នុងចានគោម បន្ទាប់មកចាក់ទឹកដោះគោពីលើសមល្មម ដើម្បីឲ្យវាមានសភាពខាប់ និងកុំបណ្តោយឲ្យវារាវពេកឲ្យសោះ។
• បន្ទាប់ពីកូរសព្វហើយ យកស្លាបព្រា ឬវែកមកដួសលាប ពាសពេញលើផ្ទៃមុខ និងចៀសវាងត្រង់រង្វង់ភ្នែក។
• ទុកវាចោលរយៈពេលពី ១៥ ទៅ ២០ នាទី។
• លាងសម្អាតចេញ ដោយទឹកក្តៅឧណ្ណៗជាការស្រេច។
នេះក៏ដោយសារតែ កាហ្វេមានសមត្ថភាពអាច ជម្រុះកោសិកាស្បែកចាស់ៗចោល ព្រមទាំងធ្វើឲ្យផ្ទៃមុខរបស់អ្នកមានភាពស្រស់ថ្លា ក្មេងជាងវ័យ។ មិនតែប៉ុណ្ណោះវាជួយឲ្យ លំហូរឈាមមានភាពប្រសើរឡើង ថែមទៀតផង៕
ប្រភព៖ Bright Side
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]