ភ្នំពេញ៖ នេះជាឱកាសដ៏ពិសេសថ្មីមួយទៀត ដែលក្រុមហ៊ុនយីនកុកហ្វូដខប ដែលជាសម្ព័ន្ធក្រុមហ៊ុនទិញសិទ្ធិនាំចូល និងបើកដំណើរការហាងបឺហ្គឺ Lotteria នៅប្រទេសកម្ពុជាបានរៀបចំពិធីសម្ពោធហាងបឺហ្គឺ Lotteria សាខាផ្សារដើមថ្កូវបន្ថែមទៀត នាថ្ងៃទី២១ ខែឧសភា ឆ្នាំ២០១៧ ក្រោមវត្តមានភ្ញៀវកិត្តិយសជាច្រើនកុះករ។
ហាងបឺហ្គឺ Lotteria គឺជាហាងអាហារទាន់ចិត្តលំដាប់លេខ ១ មកពីប្រទេសកូរ៉េ ដែលមានលក់បឺហ្គឺរសជាតិឈ្ងុយឆ្ងាញ់គ្រប់ប្រភេទ ជាពិសេសគឺ បឺហ្គឺបុលគូគីបែបកូរ៉េ រួមទាំងមាន់បំពង ការ៉េម និងភេសជ្ជៈគ្រប់មុខតាមស្តង់ដារអន្តរជាតិ អមដោយអនាម័យខ្ពស់ សេវាកម្មរហ័សទាន់ចិត្ត និងបរិយាកាសទំនើបទាន់សម័យ។
ក្នុងឱកាសបើកដំណើរការសាខាថ្មីនេះ ហាងបឺហ្គឺ Lotteria ក៏មានការចូលរួមប្រគុំតន្រ្តីយ៉ាងសប្បាយរីករាយពីសំណាក់តារាចម្រៀង Original Song គឺលោក ថេណា ដែលជាម្ចាស់បទកំពុងល្បី «ខុសជំនាន់» ដោយមានការគាំទ្រយ៉ាងខ្លាំងពីសំណាក់ហ្វេនជាយុវវ័យ។
ទន្ទឹមនឹងនេះ អតិថិជនទាំងអស់ក៏ទទួលបានប្រូម៉ូស្សិនពិសេសភ្លាមៗ គឺរាល់ការទិញបឺហ្គឺ ២ ឈុត នឹងមានថែមជូនបឺហ្គឺមួយឈុតដោយឥតគិតថ្លៃផងដែរ។
គួរបញ្ជាក់ផងដែរថា ក្នុងរយៈពេលបើកដំណើរការជិត ៣ ឆ្នាំកន្លងមកនេះ ហាងបឺហ្គឺ Lotteria បានបន្តពង្រីកសាខាជាបន្តបន្ទាប់ នៅទូទាំងរាជធានីភ្នំពេញ។ បច្ចុប្បន្ន ហាងបឺហ្គឺ Lotteria មានសាខាសរុបចំនួន ៥ ហាង គឺហាង Lotteria សាខាតាមមហាវិធីព្រះមុនីវង្ស ផ្សារទំនើបអ៊ីអន ផ្សារទំនើបសុរិយា ផ្សារទំនើបសុវណ្ណា និងសាខាផ្សារដើមថ្កូវដែលទើបបើកដំណើរការនេះ ។
សម្រាប់វត្តមាននៃសាខាទី៥នេះ ត្រូវបានរំពឹងទុកថានឹងបន្តទទួលបានការគាំទ្រខ្ពស់ពីសំណាក់អតិថិជន ដែលនិយមចូលចិត្តអាហារទាន់ចិត្ត លំដាប់លេខ ១ មកពីប្រទេសកូរ៉េ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]