រាជធានីភ្នំពេញ ៖ នេះជាក្តីសង្ឃឹមចុងក្រោយតែមួយគត់ ដើម្បីអ្នកនាងឃ្មឹបអាចដោះស្រាយជីវភាពបានខ្លះ តាមរយៈការចូលទៅសម្តែងសិល្បៈឡើងវិញ ដោយនាងបានតាំងជំហលែងទៅណា និងលែងបណ្តោយខ្លួនទៀត ក្រោយឃើញកូនប្រុសមានទោសបែបនេះ ។
បន្ទាប់ពីបានដឹងថា កូនប្រុសរបស់ខ្លួនមានទោសធ្ងន់ ក្រោយពីកាត់ក្តីនិងចោទប្រកាន់ជាឃាតករ អ្នកនាងឃ្មឹបបានតាំងយ៉ាងជំហ មុតមាំក្រោកឈរ ដើម្បីមកចូលសិល្បៈ ។ ការគិតដល់ចំណុចនេះ ដោយសារតែអាចរកប្រាក់បានខ្លះ ស្របពេលនាងមានវិជ្ជាមួយនេះស្រាប់ ដើម្បីបានលុយទុកទិញអង្ករឱ្យកូនជាប់ទោសផងដែរ ។
អ្នកនាងឃ្មឹប បានសន្យាសារជាថ្មីឡើងវិញម្តងទៀតថា នាងនឹងតស៊ូពីបាតដៃទទេរឡើងវិញ ដើម្បីក្រសោបការងារសិល្បៈដូចជា ចូលកំប្លែង និងសម្តែងនានា ។ ការយល់សេចក្តីបែបនេះ មកពីនាងឃើញកូននៅតុលាការ មានការតក់ស្លុត និងមានអារម្មណ៍អាណិតកូនបើទៅឆ្ងាយទៀត មិនកើតមានតែយ៉ាប់ធ្លាក់ដុនដាបប៉ុណ្ណោះ។
អតីតតារាកំប្លែងធ្លាប់សាងស្នាដៃកំប្លែងយូរឆ្នាំកន្លងមក នាងឃ្មឹបបានឱ្យដឹងថា នាងលែងទៅខេត្តបន្ទាយមានជ័យវិញហើយម្តងនេះនាងនឹងប្រើជីវិតម្តងទៀត តស៊ូជាមួយសិល្បៈលែងទៅជីកក្តាមខ្យង ធ្វើស្រូែរាវខ្យង-ខ្ចៅទៀតហើយ ។ នាងមិនអាចដកថយអោបទុក្ខតទៅទៀត ដូចពេលកន្លងមកឡើយ នាងនឹងព្យាយាមកវែកកឆ្នាំងឡើងវិញក្នុងសិល្បៈ ដើម្បីបានប្រាក់កម្រៃខ្លះ ជួយកូនទាំងមិនជាប់ឃុំ និងជាប់ទោស ។
តារាដែលធ្លាប់ចែងចាំង បែរជាស្រអាប់ជីវិតរូបនេះបន្តថា នាងសូមអរគុណដល់បងប្អូនទាំងអស់ ដែលបានជួយលើកទឹកចិត្ត អាណិតអាសូរនាង និងមានអំណោយជាច្រើនឧបត្ថម្ភដល់ដៃនាងទៀត ក្រោយដឹងថា នាងធ្លាក់ខ្លួនខ្វះខាតជីវភាពនេះ ជាមហាកម្លាំងចិត្តមួយ ដែលនាងកាន់តែរំភើបឃើញខ្មែរជួយខ្មែរ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
