ខ្លាំងបាត់! កីឡាការិនីម្នាក់ ត្រូវពិន័យមិនឲ្យជាប់ពាក់ព័ន្ធជាមួយបាល់ទាត់អស់មួយជីវិត ដោយសារ…(មានវីដេអូ)

បូស្នី៖ កីឡាការិនីម្នាក់ បានបំផ្លាញអាជីពរបស់ខ្លួន ត្រូវគេបញ្ឈប់មិនឲ្យពាក់ព័ន្ធជាមួយបាល់ទាត់អស់មួយជីវិត ដោយសារបានឡើងសង្កត់វាយគូប្រកួតមិនសំចៃដៃ ប្រៀបដូចជាវាយក្នុងទ្រុង ដោយហេតុការណ៍នេះបានកើតឡើងក្នុងប្រទេសបូស្នី។

កីឡាការិនី Silvija Sekacic ត្រូវបានអាជ្ញាកណ្ដាលអោយកាតក្រហម មូលហេតុគឺដោយសាររូបនាងបានវាយកីឡាការិនី Adnu Ljubanovic មិនសំចៃដៃ ដែលប្រៀបបានដូចទៅនឹងការវាយក្នុងទ្រុង អំឡុងការប្រកួតបាល់ទាត់នារីរវាងក្រុម Zeljeznicar របស់ប្រទេសបូស្នី ទល់នឹងក្រុម Mladost របស់ប្រទេសម៉ុងតេណេហ្គ្រោ។

ទង្វើដ៏សាហាវនេះ គណកម្មាធិការវិន័យរបស់សមាគមន៍កីឡាបាល់ទាត់បូស្នីបានសម្រេចបញ្ឈប់ Sekacic មិនឲ្យលេង និងពាក់ព័ន្ធជាមួយនឹងបាល់ទាត់អស់មួយជីវិតក្នុងប្រទេសបូស្នី ដោយលើកហេតុផលថា វាជាសកម្មភាពធ្ងន់ធ្ងរខ្លាំងពេក ដោយមិនអាចទទួលយកបាន។

ការបញ្ឈប់នេះក៏សម្រេចតាមការស្នើពីក្រុម Mladost ផងដែរ។ ក្លឹប Mladost បាននិយាយថា៖ «វាគ្រប់គ្រាន់អាចនិយាយបានថា អាកប្បកិរិយាបែបនេះមិនគួរអត់ឱន ឬគ្រាន់តែពិន័យធម្មតាៗបានទេ។ មនុស្សដូច Sekacic គ្មានកន្លែងលេងបាល់ ពិតជាសមហើយ»៕

ប្រភព៖ The Sun

• វីដេអូ