រឿងរ៉ាវ ៧យ៉ាង ដែលមិត្តប្រុសរបស់អ្នក ចង់ប្រាប់អ្នក តែមិនហ៊ានហារមាត់និយាយ

ជាក់ស្តែង មនុស្សប្រុស ក៏មានរឿងរ៉ាវសម្ងាត់ផ្ទាល់ខ្លួន មិនចង់ចែករំលែកជាមួយអ្នកដទៃ ដូចមនុស្សស្រីដែរ។ អត្ថបទមួយនេះ នឹងមិនធ្វើឲ្យអ្នកខកបំណងទេ ប្រសិនបើអ្នកចង់ដឹងពីមនុស្សប្រុស ឬមិត្តប្រុស របស់អ្នកកាន់តែច្បាស់ជាងនេះ។

ចង់ដឹងថាមានអ្វីខ្លះ សូមតាមដានទាំងអស់គ្នា ដូចខាងក្រោម ៖ 

១. បុរសក៏ចេះមានអារម្មណ៍ភ័យខ្លាចដែរ ៖ ដូចជាមនុស្សស្រី ដែលភ័យខ្លាច សូម្បីតែរឿងតូចតាច ដូចជាខ្លាចភាពងងឹត ឬវិបត្តិលុយកាក់ជាដើម។ ប៉ុន្តែពួកគេនៅតែមិនបង្ហាញអារម្មណ៍ទាំងនោះចេញមកទេ ដោយខ្លាចបាត់បង់ភាពរឹងមាំ និងក្លាហានជាបុរស។

២. បុរសក៏ចេះយំដែរ ៖ នារីៗយើងត្រូវតែដឹងថា វាជារឿងពិត ដែលមនុស្សប្រុសក៏ចេះយំដែរ ប៉ុន្តែគ្រាន់តែមិនបង្ហាញជាសាធារណៈ ដោយសារតែសង្គមវាយតម្លៃថា ពួកគេជាមនុស្សទន់ជ្រាយ មិនសក្តិសមជាបុរស។

៣. បុរសក៏មានអារម្មណ៍មិនពេញចិត្តរូបរាងខ្លួនឯងដែរ ៖ ការពិតមនុស្សប្រុស ក៏មិនមានការពេញចិត្ត ជាមួយនឹងបរិវេណរាងកាយណាមួយ ដូចនារីៗយើងដែរ ដូចជាមិនស្អាត មិនមានសាច់ដុំ មាឌមិនធំជាដើម -ល-។ ហេតុនេះ ក្នុងនាមជាមិត្តស្រី អ្នកត្រូវតែចេះលើកតម្កើង និងសរសើរ ដៃគូថាជាមនុស្សប្រុស ដែលសង្ហារបំផុតក្នុងកែវភ្នែក ទើបជាការប្រសើរ។

៤. បុរសក៏ចង់ដឹងថាអ្នកខ្វល់ខ្វាយគេ ដល់កម្រិតណាដែរ ៖ ក្នុងនាមជាមិត្តប្រុស ពួកគេតែងតែខ្វល់ខ្វាយ និងចាត់ទុកអ្នកជាមនុស្សដ៏សំខាន់ម្នាក់។ ហេតុនេះ ពួកគេក៏ចង់ឲ្យអ្នក ទុកពួកគេជាមនុស្សពិសេសដូចគ្នាដែរ។ 

៥. បុរសក៏ចេះបារម្ភថាតើ ពួកគេអាចផ្តល់នូវអ្វីដែលអ្នកចង់បានគ្រប់គ្រាន់ឬក៏អត់ដែរ ៖ នៅពេលដែលទាក់ទងគ្នា បុរសៗតែងតែមានការព្រួយបារម្ភ ជាពិសេស ក្នុងករណីដែលពួកគេមិនសូវជាធូរធារ ពីព្រោះពួកគេខ្លាច មិនអាចផ្តល់នូវអ្វីដែលមិត្តស្រីចង់បានគ្រប់គ្រាន់។

៦. បុរសក៏ចង់បានការឱបពីមិត្តស្រីដែរ ៖ ជាការពិតណាស់បុរស ក៏ទាមទារការចាប់អារម្មណ៍ ជាពិសេស ការឱបពីអ្នក ដូចដែលអ្នកចង់បានពីគេដែរ គ្រាន់តែមិនហ៊ាននិយាយចេញមកប៉ុណ្ណោះ។ ហេតុនេះ ប្រសិនបើអ្នកសង្កេតឃើញមិត្តប្រុស មិនសប្បាយចិត្ត និងចង់ឲ្យពួកគេមានភាពកក់ក្តៅ រួមទាំងធូរស្បើយពីទុក្ខកង្វល់នោះ ការថ្នាក់ថ្នម និងការឱបដ៏សាមញ្ញ គឺអាចដោះស្រាយបញ្ហាបានខ្លះដែរ។

៧. បុរសក៏ចេះប្រច័ណ្ឌដូចនារីៗដែរ ៖ អារម្មណ៍ប្រច័ណ្ឌ មិនមែនជាអារម្មណ៍ល្អប៉ុន្មាននោះទេ ប៉ុន្តែជាក់ស្តែងវាជារឿងល្អ ក្នុងទំនាក់ទំនងស្នេហា ព្រោះវាមានន័យថា ដៃគូរបស់អ្នក ខ្វល់ខ្វាយនិងស្រលាញ់អ្នកខ្លាំង។ ទោះជាយ៉ាងណាក៏ដោយ កុំបណ្តាលឲ្យការប្រច័ណ្ឌមានច្រើនលើសលប់ឲ្យសោះ៕ 

ប្រភព៖ YouQueen

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖

ចង់ដឹងថា «ប្រវែងម្រាមដៃ» របស់អ្នក បង្ហាញពីបុគ្គលិកលក្ខណៈ បានដូចម្តេចខ្លះ ដែរឬទេ?

គន្លឹះទាំងនេះ នឹងចូលរួមចំណែកមួយផ្នែក បើទោះបីជាមិនបានមួយរយភាគរយក៏ដោយ ដើម្បីជួយឲ្យអ្នកអាចយល់ច្បាស់ពីខ្លួនឯង និងមនុស្សជុំវិញខ្លួនអ្នក បានល្អប្រសើរជាងមុន ដោយគ្រាន់តែពិនិត្យមើល និងប្រៀបធៀបប្រវែងម្រាមដៃចង្អុល និងម្រាមដៃនាង រួចតាមដានការបកស្រាយ ដូចខាងក្រោម៖

A. ម្រាមដៃចង្អុល ខ្លីជាង ម្រាមដៃនាង

អ្នកជាមនុស្សដែលមានភាពទាក់ទាញ មានមន្តស្នេហ៍ និងងាយរាប់រកណាស់។ អ្នកជាមនុស្សមិនចេះរារែក ដូចអ្នកដទៃនោះទេ ដោយហ៊ានទទួលយកហានិភ័យគ្រប់បែបយ៉ាង ព្រមទាំងដោះស្រាយបញ្ហាបានគ្រប់ស្ថានភាព។ អ្នកក៏ជាមនុស្សដែលមានចិត្តថ្លើមជួយអ្នកជុំវិញជានិច្ច។ ភាគច្រើន អ្នកដែលមានម្រាមដៃចង្អុល ខ្លីជាង ម្រាមដៃនាងនេះ អាចក្លាយខ្លួនជាអ្នកវិទ្យាសាស្រ្ត ឬជាវិស្វករដ៏ជំនាញ។

B. ម្រាមដៃចង្អុល វែងជាង ម្រាមដៃនាង

អ្នកជាមនុស្សដែលមានទំនុកចិត្តលើខ្លួនឯង និងពឹងពាក់លើខ្លួនឯងជាធំ។ អ្នកចូលចិត្តធ្វើអ្វីដោយខ្លួនឯង និងមិនចូលចិត្តចំណាយពេលខ្ជះខ្ជាយ ទៅលើបញ្ហាកំប៉ិកកំប៉ុកឡើយ។ ប៉ុន្តែអ្នកជាមនុស្សដែលមិនមានឆន្ទៈក្លាហានចាប់ផ្តើមមុនឡើយ មិនថាជាការចាប់ផ្តើមអាជីវកម្ម ឬការចាប់ផ្តើមទំនាក់ទំនងស្នេហានោះទេ។ ទោះជាយ៉ាងណា ក៏អ្នកជាមនុស្សមានការយកចិត្តទុកដាក់ខ្ពស់ និងមានចិត្តសប្បុរសល្អណាស់។

C. ម្រាមដៃចង្អុល និងម្រាមដៃនាង មានប្រវែងស្មើគ្នា

អ្នកជាមនុស្សដែលមានសន្តិភាពផ្លូវចិត្ត, ចិត្តល្អ, រួសរាយ, អត់ធ្មត់, និងមិនចូលចិត្តមានជម្លោះជាមួយអ្នកជុំវិញខ្លួនទេ។ អ្នកជាមនុស្សមានសណ្តាប់ធ្នាប់ ចេះរៀបចំទុកដាក់ ជាពិសេសចុះចំណោមជាមួយមនុស្សគ្រប់គ្នា។ អ្នកក៏ជាមនុស្សស្មោះត្រង់ ជាមួយមិត្តភក្តិ និងមនុស្សជាទីស្រលាញ់ទាំងឡាយផងដែរ។ ប៉ុន្តែផ្ទុយមកវិញ អ្នកគឺជាមនុស្សដែលឆាប់ខឹងបន្តិច៕

• ស្នេហា