រាជធានីភ្នំពេញ ៖ បុរសម្នាក់ស្រវឹងស្រា បើករថយន្តមួយគ្រឿង កៀរម៉ូតូដួលរងរបួសស្រាលហើយបើករត់បាន៥០ម៉ែត្រ រថយន្តបែកកង់មុខ ខាងឆ្វេងទៅមុខលែងត្រូវប្រជាពលរដ្ឋ និងអ្នកជនរងគ្រោះ ឃាត់បានឈ្លោះប្រកែកគ្នា ធ្វើឲ្យប្រជាពលរដ្ឋខឹងដាក់មួយដៃបែកចង្កា និងបែកកញ្ចក់រថយន្ត ទើបសងសំណង200ដុល្លារ គ្រោះថ្នាក់ចរាចរណ៍នេះកើតឡើង នៅវេលាម៉ោង ៨និង៣០នាទីយប់ថ្ងៃទី១៩ ខែមីនា ឆ្នាំ២០១៧ តាមបណ្តោយផ្លូវ៤៧ នៅចំណុចជិតសណ្ឋាគារកាសា ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញ ហេតុការណ៍បានឱ្យដឹងថា មុនពេលកើតហេតុ គេបានឃើញយុវជនម្នាក់ជិះម៉ូតូម៉ាកហុងដា Moove ពណ៌សលាយខ្មៅ ពាក់ស្លាកលេខ ភ្នំពេញ 1FF-9203 ធ្វើដំណើរតាមបណ្តោយផ្លូវ៤៧ ក្នុងទិសដៅពីជើងទៅត្បូង ខណៈពេលមកដល់ចំណុចកើតហេតុក៏ស្រាប់តែមានបុរសម្នាក់បើករថយន្តបង្កម៉ាក CRV ពណ៌ខ្មៅ ពាក់ស្លាកលេខ ភ្នំពេញ2M0786 បើកតាមបណ្តោយផ្លូវ៤៧ ក្នុងទិសដៅពីជើងទៅត្បូង បើកក្នុងល្បឿនយ៉ាងលឿន ហើយស្រវឹងស្រា បានបើកនៅកណ្តាលផ្លូវមិនបានប្រយ័ត្នក៏កៀរម៉ូតូ បណ្តាលឱ្យដួល សំណាងល្អមិនមាន រងរបួសធ្ងន់ធ្ងរអីនោះទេ គ្រាន់តែខូចខាតម៉ូតូបែកក្បាំង បន្តិចបន្តួចតែប៉ុណ្ណោះ។
ភ្លាមៗនោះដែល រថយន្តបង្កបើករត់បាន50ម៉ែត្រ បានបែកកង់មុខខាងឆ្វេងត្រូវម្ចាស់ម៉ូតូ និងប្រជាពលរដ្ឋឃាត់បាន ស្រាប់តែម្ចាស់រថយន្តចុះ មកពីលើរថយន្តមិនបានសំរួលសងជាមួយជនរងគ្រោះនោះទេ បានឈ្លោះប្រកែកជាមួយ ប្រជាពលរដ្ឋដែលគេជួយឃាត់ទៀត ត្រូវប្រជាពលរដ្ឋវាយបណ្តាលឱ្យបែកចង្កា និងបែកកញ្ចក់រថយន្តខាងឆ្វេងបង្កឲ្យមានការ ឈ្លោះប្រកែកគ្នាផ្អើលកន្លែងកើតហេតុ ។
ក្រោយពេលកើតហេតុ សមត្ថកិច្ចមូលដ្ឋាន រួមនឹងចរាចរណ៍ខណ្ឌដូនពេញបានសម្របសម្រួលជាមួយរថយន្ត រងគ្រោះបានមួយសន្ទុះ ក្រោយមកសាច់ញាតិខាងរថយន្តបង្កបានមកដល់ព្រមសងទៅ ឱ្យខាងម៉ូតូរងគ្រោះចំនួន 200ដុល្លារដើម្បីបញ្ចប់រឿងនៅកន្លែងកើតហេតុ ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
រាជធានីភ្នំពេញ ៖ ជនកំណាចម្នាក់ ដែលជាអ្នកលក់ផ្លែឈើ ពេលឃើញបុរសម្មាក់ដែលជាអ្នលលក់ផ្លែឈើដូចគ្នា លក់ដាច់ ព្រោះតែមានភាពរួសរាយរាក់ទាក់ និងមានប្រជាប្រិយភាពខ្លាំង ហើយមានអ្នកទិញចូលចិត្តជាងនោះ មានចិត្តច្រណែននិន្ទារ ហើយខ្លួនឯងលក់អត់ដាច់នោះ ជននេះបានដើរទៅនិយាយឌឺដងផ្លែផ្កា រហូតមាន ទំនាស់ពាក្យសម្ដីកើតឡើង ។
ខណៈជននោះបានស្ទុះទៅដាល់១ដៃ ចំភ្នែកបណ្ដាលឲ្យ រងរបួសជាំភ្នែកម្ខាងយ៉ាងដំណំ បង្កឲ្យមានការភ្ញាក់ផ្អើល ហើយអ្នកជិតខាងបានជួយចាប់ និងឃាត់ទើបមានការស្ងប់ស្ងាត់ទៅវិញ បន្ទាប់មកជនរងគ្រោះ មិនបានទៅដាក់ពាក្យបណ្ដឹងភ្លាមទេ រយៈពេលមួយថ្ងៃក្រោយ ទើបដាក់ពាក្យបណ្ដឹង សុំឲ្យនគរបាលជួយអន្តរាគមន៏ ។
បន្ទាប់ពីដឹងថា ជននោះប្ដឹងខ្លួនជនដៃដល់ មានកំហឹងយ៉ាងខ្លាំង ហើយពេលជនរងគ្រោះចេញពីប៉ុស្ដិ៍នគរបាល ទៅដល់កន្លែងលក់ដូរវិញក៏ត្រូវជននោះលើកគ្នាជាង១០នាក់ព្រួតគ្នាវាយបណ្ដាលឲ្យ បុរសរងគ្រោះរួម និងបងប្រុស ២នាក់ទៀត រងរបួសធ្ងន់ និងស្រាល ៣នាក់បងប្អូនហើយជនបង្ក បាននាំគ្នារត់គេចខ្លួនបាត់អស់តែម្ដង ។ ហេតុការណ៍នេះបានបង្កឲ្យ មានការភ្ញាក់ផ្អើលឡើង កាលពីវេលាម៉ោង១០និង៣០នាទីព្រឹក ថ្ងៃទី១៧ មីនា នៅក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។
បុរសរងគ្រោះទាំង៣នាក់ បងប្អូនបង្កើតដែលត្រូវជនដៃដល់ ព្រួតគ្នាវាយឲ្យរបួសនោះទី១- ឈ្មោះ ផា វណ្ណដា អាយុ២៩ឆ្នាំ ជាអង្គរក្ស, ទី២-ឈ្មោះ ផា វណ្ណឌី អាយុ២៥ឆ្នាំ មុខរបរលក់ផ្លែមាន, ទី៣-ឈ្មោះ ផា ប៉ុនថែម អាយុ២៧ឆ្នាំ មុខរបរលក់ផ្លែមាន ស្នាក់នៅសង្កាត់ចោមចៅ ខណ្ឌពោធិ៍សែនជ័យ ។ ចំណែកក្រុមជន បង្កហេតុត្រូវបានគេស្គាល់ម្នាក់ឈ្មោះ លីន ឯជាង១០នាក់ទៀត មិនត្រូវបានស្គាល់ឈ្មោះឡើយហើយកំពុងរត់គេចខ្លួននៅឡើយ ។
បុរសរងគ្រោះឈ្មោះ ផា វណ្ណដា ដែលជាមន្ត្រីអង្គរក្សបាននិយាយថា ទំនាស់នោះបានកើតឡើងរវាងជនដៃដល់ម្នាក់ឈ្មោះ លីន និងប្អូនប្រុសរបស់គាត់ម្នាក់ឈ្មោះ ផា វណ្ណឌី ដោយនៅមុនពេលកើតហេតុខាងលើ ព្រឹកថ្ងៃទី១៦ មីនា ប្អូនប្រុសរបស់គាត់ម្នាក់នេះ បានទៅលក់ផ្លែមាន នៅកន្លែងកើតហេតុ ហើយខណៈ នោះដោយសារតែប្អូនប្រុសគាត់មានភាពរួសរាយរាក់ទាក់ បានធ្វើឲ្យអ្នកទិញមានការចូលចិត្ត និងបានទៅ ទិញច្រើន និងលក់ដាច់ជាងជនបង្កនោះ ។
ខណៈពេលឃើញប្អូនគាត់លក់ដាច់ ជាងបែបនេះជនបង្ក បានដើរទៅជិត និងបាននិយាយឌឺដងដៀមដាមផ្លែផ្កាជាច្រើនដង រហូតមានជម្លោះពាក្យសម្ដីកើតឡើងហើយជននោះក៏បានស្ទុះទៅដាល់ ប្អូនប្រុសគាត់១ដៃចំភ្នែក បណ្ដាលឲ្យរងរបួសជាំខៀវភ្នែកម្ខាង បន្ទាប់មកមានការស្ងប់ស្ងាត់ ទៅវិញដោយបានអ្នកជិតខាងជួយឃាត់ ហើយឃាត់ប្អូនប្រុសគាត់ មិនបានដាក់ពាក្យបណ្ដឹងភ្លាមៗនោះឡើយ ។
ប្រភពដដែលបានបន្តថា លុះដល់ថ្ងៃទី១៨ មីនា ទើបប្អូនគាត់បានទៅដាក់ពាក្យបណ្ដឹងសុំឲ្យនគរបាល ប៉ុស្ដិ៍ចោមចៅជួយអន្តរាគមន៏ហើយក្រោយពេលដាក់ពាក្យបណ្ដឹងរួចបានត្រឡប់ លក់ដូរជាធម្មតាវិញ ស្រាប់តែជនបង្កនោះដើរទៅសួរនាំថា«ម៉េចហើយរឿងពីម្សិលមិញគិចយ៉ាងណាដែរ? » ខណៈនោះប្អូនគាត់បានឆ្លើយថា «ទៅដាក់ពាក្យបណ្តឹងនៅប៉ុស្តិ៍នគរបាលរួចហើយ» ។
បន្ទាប់ពីសួរនាំរួចជនបង្ក បានជិះម៉ូតូចេញទៅបាត់ លុះមួយសន្ទុះក្រោយមក ស្រាប់តែជិះម៉ូតូឌុបផ្លែឈើ ត្រឡប់មកវិញឈប់នៅជិតនោះ រួចហើយបានទាញយកដំបងចេញពីក្នុងកញ្ឆែរ ស្ទុះចូលវាយប្អុនប្រុសគាត់ ប៉ុន្តែខណៈនោះគាត់ និងប្អូនប្រុសម្នាក់ទៀតក៏ស្ថិតនៅជិតនោះដែរ និងបាននាំគ្នាចាប់ជននោះជាប់ ប៉ុន្តែមិនបានវាយដំឡើយ ដោយចាប់ដើម្បីសួរនាំប៉ុណ្ណោះ ។
បន្តិចក្រោយមកស្រាប់តែបក្សពួក ជនបង្កនោះជាង ១០នាក់ទៀត ប្រដាប់ដោយដំបងក្នុងដៃបាននាំគ្នាទៅវាយពួកគាត់ ទាំង៣នាក់បងប្អូន បណ្ដាលឲ្យរងរបួសគ្រប់ៗគ្នារួចពួកគេ បាននាំគ្នារត់គេចខ្លួនបាត់អស់ ទាក់ទិន និងហេតុការណ៏នោះកម្លាំងនគរបាលប៉ុស្ដិ៍ចោមចៅកំពុងធ្វើការ ស្រាវជ្រាវរកក្រុមជនដៃដល់ ដើម្បីចាត់ការតាមផ្លូវច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
