(កំពត)៖ សប្បាយក្លាយជាទុក្ខ! ភ្ញៀវខាងកូនក្រមុំ និងកំលោះដែលម្ខាងៗ មានរាប់សិបនាក់ បានផ្ទុះហិង្សារហូតទាញកែវ និងចានដេញគប់គ្នា យ៉ាងអនាធិបតេយ្យ ដោយសារមានជម្លោះពេលរាំវង់ នៃពិធីមង្គលការមួយ ស្ថិតនៅភូមិត្រពាំងជ្រៃ ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត។
អំពើហិង្សានេះបានបង្កឲ្យមានការភ្ញាក់ផ្អើល និងភ្ញៀវរត់ជាន់ជើងគ្នានៅយប់ថ្ងៃទី១៦ ខែមីនា ឆ្នាំ២០១៧ ជាលទ្ធផល បណ្តាលឲ្យភ្ញៀវកូនកំលោះចំនួន៥ នាក់រងរបួសបែកក្បាលយ៉ាងធ្ងន់ធ្ងរផងដែរ។
មន្រ្តីនគរបាលមូលដ្ឋានបានឲ្យដឹងថា មានករណីផ្ទុះអំពើហិង្សាដោយចេតនា លក្ខណៈជាក្រុមម្ខាងៗមានគ្នាជាង៥០នាក់ រវាងភ្ញៀវខាងកូនក្រមុំ និងកូនកំលោះ បណ្តាលឲ្យខាងគាគីកូនកំលោះ រងរបួសយ៉ាងហោចណាស់៥នាក់។
មន្រ្តីនគរបាលបានបន្តទៀតថា «ករណីខាងលើកើតឡើង ដោយសារទំនាស់គ្នាពេលកំពុងរាំ ដោយភាគីម្ខាងៗ មានគ្នាច្រើនដូចគ្នា គឺប្រហែល៥០នាក់ឡើង ហើយពេលផ្ទុះអំពើហិង្សា ពួកគេបានយកកែវ និងចានគប់ដាក់គ្នាទៅវិញទៅមក។ ខណៈកើតហេតុនោះ កម្លាំងសមត្ថកិច្ចយើងមានគ្នាតិច មិនអាចគ្រប់គ្រងសភាពការណ៍បាន ទើបសុំកម្លាំងអន្តរាគមន៍ពីស្រុក ទៅដល់កន្លែងកើតហេតុ ហើយសភាពការណ៍ក៏បានស្ងប់ស្ងាត់ទៅវិញ»។
យ៉ាងណាក៏ដោយ ក្រោយហេតុការណ៍សមត្ថកិច្ច ពុំទាន់ដឹងហេតុផលពិតយ៉ាងណានោះទេ ដោយជួយសង្រ្គោះអ្នករបួស យកមកពេទ្យសិន ហើយនៅថ្ងៃទី១៧ ខែមីនា ឆ្នាំ២០១៧នេះ កម្លាំងជំនាញកំពុងអង្កេតស្រាវជ្រាវរកហេតុផលឲ្យ បានច្បាស់លាស់ បន្ថែមទៀត។
បើតាមមន្រ្តីនគរបាល ភាគីទាំងពីររងរបួសដូចគ្នា ប៉ុន្តែគេដឹងច្បាស់ថា ភាគីភ្ញៀវខាងកូនកំលោះរបួស៥នាក់មាន៖ ១៖ឈ្មោះ សម្បត្តិ ដារ៉ូ អាយុ២៣ឆ្នាំ រស់នៅ ភូមិឃ្លាំងខាងជើង ឃុំភ្នំប្រាសាទ ២៖ឈ្មោះ ខន អៀន អាយុ៣៦ឆ្នាំ ៣៖ឈ្មោះ ខន អិន អាយុ២៧ឆ្នាំ ៤៖ឈ្មោះ ខន អន អាយុ៣២ឆ្នាំ អ្នកទាំងបី រស់នៅភូមិអូរពពូល ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត និង៥៖ឈ្មោះ ខុន សេង អាយុ២៦ឆ្នាំ រស់នៅភូមិព្រៃកឹក ឃុំប្រាសាទភ្នំខ្យង ស្រុកកំពង់ត្រាច ខេត្តកំពត៕
ប្រភព៖ Fresh News
ព័ត៌មានដ៏គួរឲ្យចាប់អារម្មណ៍ផ្សេងទៀត កាលពីថ្ងៃទី ១៧ មីនា ម្សិលមិញនេះ៖
និស្សិតឆ្នាំទី១ចង.កសម្លាប់ខ្លួន ធ្វើឱ្យឪពុកម្តាយទទួលវិប្បដិសារី ព្រោះ...
រាជធានីភ្នំពេញ ៖ យុវជននិស្សិតឆ្នាំទី១ សាលាកសិកម្មចំការដូងម្នាក់ បានធ្វើអត្តឃាតដោយយកក្រមាចង.កសម្លាប់ខ្លួនឯង ជាប់ជាមួយធ្នឹមបន្ទប់ទឹកក្នុងបន្ទប់ផ្ទះជួលរបស់ខ្លួន ហើយត្រូវមិត្តភក្តិប្រទះឃើញក៏បង្កការភ្ញាក់ផ្អើល កាលពីវេលាម៉ោង០៩ និង១៥នាទីព្រឹកថ្ងៃទី១៧ មីនា ស្ថិតនៅក្បែរសាលាកសិកម្មចំការដូង បន្ទប់ជួលលេខ៥ ក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
ប្រភពឱ្យដឹងថា យុវជនរងគ្រោះឈ្មោះអាត សំអាង អាយុ១៩ឆ្នាំ ជានិស្សិតឆ្នាំទី១នៃសាលាកសិកម្មចំការដូង មានទីលំនៅក្នុងភូមិដូនរ័ត្ន សង្កាត់ឪឡោក ខណ្ឌពោធិ៍សែនជ័យ ។
ទាក់ទិននឹងការសម្លាប់ខ្លួននេះ ត្រូវស្ត្រីជាម្ដាយយំរៀបរាប់ថា មូលហេតុដែលកូនប្រុសគាត់ចង.កនេះ គាត់មានការសង្ស័យអាចបណ្ដាលមកពីគេខំរៀនខ្លាំងពេក រហូតមានបញ្ហាប្រព័ន្ធសសៃប្រសាទ និងតូចចិត្តរៀនមិនទាន់គេ ។ ព្រោះមុនពេលសម្លាប់ខ្លួនប៉ុន្មានសប្តាហ៍មុន កូនគាត់ត្អូញត្អែរប្រាប់គាត់ថា តូចចិត្តរៀនមិនទាន់គេ និងនិយាយស្ដីខុសប្រក្រតីច្រើនទៀតផង ហើយគាត់មានការសោកស្ដាយខ្លាំងណាស់ ព្រោះទៅយកកូនទៅព្យាបាលមិនទាន់ ។
ប្រភពដដែលបន្តថា បន្ទាប់ពីឮកូននិយាយបែបនេះ ហើយស្ដាប់ទៅកូនមានបញ្ហាខួរក្បាលនោះ គាត់មានការព្រួយបារម្ភយ៉ាងខ្លាំង ហើយអ្វីដែលគួរឱ្យសោកស្ដយបំផុតនោះ គឺកាលពីថ្ងៃទី១៦ មីនា គាត់បានខលជួបកូន ហើយប្រាប់កូនថា នឹងទៅយកកូនត្រឡប់ទៅផ្ទះវិញ ដើម្បីព្យាបាល និងរកគ្រូ ឬព្រះសង្ឃ ដើម្បីស្រោចទឹកចេញ ។
ប៉ុន្តែដោយសារតែរវល់ ទើបមិនទាន់បានទៅយក ហើយរហូតដល់ព្រឹកថ្ងៃកើតហេតុ មិត្តភក្ដិកូនគាត់បានខលទៅប្រាប់ថា កូនគាត់បានចង.កសម្លាប់ខ្លួនបាត់ទៅហើយ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
