ខេត្តកំពង់ចាម ៖ សេចក្តីរាយការណ៍បានឱ្យដឹងថា កាលពីព្រឹកថ្ងៃទី១៤ កុម្ភៈ នេះ ស្ថិតនៅស្នងការដ្ឋាននគរបាលខេត្ត មានធ្វើសន្និសីទកាសែតបង្ហាញមុខក្រុមចោរប្លន់៣នាក់ ក្នុងចំណោម៨នាក់ ដែលកម្លាំងចាប់ខ្លួនបាន ក្រោយធ្វើសកម្មភាពនៅតាមបណ្តាខេត្តជាច្រើន ហើយបានអស់លក្ខណ៍ត្រឹមប្លន់អាជីវករលក់មាស និងប្តូរប្រាក់នៅខាងលិចផ្សារធំ ក្រុងកំពង់ចាម ។
ការបង្ហាញមុខក្រុមចោរប្លន់នេះ គឺដឹកនាំដោយលោកឧត្តមសេនីយ៍ត្រីឯ ម កុសល ស្នងការនគរបាលខេត្ត ដោយលោកបានសន្យាថា នឹងតាមប្រមាញ់ចាប់បក្សពួក ដែលកំពុងគេចខ្លួននោះទៀត ។
ប្រភពឱ្យដឹងថា ជនសង្ស័យទាំង៣នាក់ ១-ឈ្មោះសុខ ស៊ីនួន អាយុ៥៦ឆ្នាំ មានទីលំនៅនាងគង្ហីង សង្កាត់សំបួរមាស ក្រុងកំពង់ចាម ២-ឈ្មោះស្រី សំអឿន អាយុ៤៧ឆ្នាំ មានទីលំនៅក្នុងខណ្ឌទួលគោក រាជធានីភ្នំពេញ និង៣-ឈ្មោះពៅ សំអឿន អាយុ៣៥ឆ្នាំ មានទីលំនៅក្នុងសង្កាត់ពន់សាំង ខណ្ឌព្រែកព្នៅ ក្នុងនោះត្រូវកម្លាំងដកហូតរថយន្ត២គ្រឿងផងដែរ ។
គួរបញ្ជាក់ថា ក្រោយពីចាប់ខ្លួនក្រុមចោរប្លន់ទាំង៣នាក់ខាងលើនោះ ពួកគេឆ្លើយសារភាពថា កន្លងមក ពួកគេធ្លាប់ធ្វើសកម្មភាពប្លន់នៅតាមបណ្តាខេត្តដូចជា ១-ខេត្តកំពង់ចាម ២-នៅទឹកឈូ ខេត្តកំពត ៣-ខេត្តពោធិ៍សាត់ ៤-កំពង់សោម (២លើក) ៥-ខេត្តកំពង់ធំ (២លើក) ៦-ខេត្តសៀមរាប (២លើក) និងខេត្តព្រះវិហារ ក្នុងឆ្នាំ២០១៧ នេះ ។
ចុងក្រោយ ក្រុមចោរទាំងនេះ គឺបានប្លន់អ្នកលក់មាសយីហោ «សុខ លក្ខិណា» ស្ថិតនៅភូមិទី២ សង្កាត់វាលវង់ ក្រុងកំពង់ចាម ដោយយកកាបូបដាក់គ្រឿងអលង្ការ ក្នុងនោះ រួមមានប្រាក់ដុល្លារ៣,០០០ដុល្លារ, ប្រាក់រៀលលានរៀល, ប្រាក់បាតចំនួន១០ម៉ឺនបាត, ទូរស័ព្ទដៃ៤គ្រឿង និងគ្រឿងអលង្ការមួយចំនួនទៀត ។
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ ជិតដល់ថ្ងៃចូលរោងការ នារីវ័យក្មេងចិត្តស្លុយ...
ខេត្តកំពង់ស្ពឺ ៖ នារីវ័យក្មេងម្នាក់ជិតដល់ថ្ងៃចូលរោងការទៅហើយ ស្រាប់តែចិត្តស្លុយលេបថ្នាំកណ្ដុរសម្លាប់ខ្លួនចោលគូដណ្តឹង ព្រោះតែខឹងម្តាយដែលបានហាមប្រាមមិនឲ្យដើរលេង ។ ករណីលេបថ្នាំធ្វើអត្តឃាតនេះកើតឡើងកាលពីម៉ោង២ និង១០នាទីរំលងអាធ្រាតឈានចូលថ្ងៃទី១២ ខែកុម្ភៈឆ្នាំ២០១៧ នៅភូមិដីក្រហម ឃុំនិទាន ស្រុកបសេដ្ឋ ខេត្តកំពង់ស្ពឺ ។
នារីវ័យក្មេងរងគ្រោះឈ្មោះ ហុង រាញ់ទី ភេទស្រី អាយុ១៩ឆ្នាំ មានឪពុកឈ្មោះ ហ៊ី សាវី អាយុ៤៦ឆ្នាំ ម្តាយឈ្មោះ ង៉ែត សុខុម អាយុ៤៥ឆ្នាំ រស់នៅភូមិ-ឃុំកើតហេតុ ។
ម្តាយនារីរងគ្រោះបានបំភ្លឺប្រាប់សមត្ថកិច្ចថា មុនពេលកើតហេតុរូបគាត់ជាម្តាយបានហាមប្រាមកូនស្រីមិនឲ្យដើរលេងរហេតរហូត ព្រោះយល់ថា កូនជិតដល់ថ្ងៃរៀបការទៅហើយ ។ ការហាមប្រាមនេះក្នុងន័យចង់ឲ្យកូនល្អ មិននឹកស្មានថា កូនដាច់ចិត្តផឹកថ្នាំកណ្តុរសម្លាប់ខ្លួនបែបនេះសោះ ។ ម្តាយនារីរងគ្រោះបន្តថា បន្ទាប់ពីដឹងថា កូនផឹកថ្នាំកណ្តុរសម្លាប់ខ្លួន គាត់និងប្តីបានដឹកបញ្ជូនទៅសង្គ្រោះដែរ តែជាអកុសលនាងបានដាច់ខ្យល់ស្លាប់បាត់ទៅហើយ ។
លោកអនុសេនីយ៍ឯក ឃុន សុផល អធិការរងនគរបាលស្រុកបសេដ្ឋបានប្រាប់តាមទូរស័ព្ទថា ក្រោយទទួលព័ត៌មានថាមានករណីអត្តឃាតភ្លាម លោកអធិការបានដឹកនាំកម្លាំងចុះទៅធ្វើការពិនិត្យ និងកោសល្យវិច្ច័យសពដល់ផ្ទះកើតហេតុ ព្រមទាំងធ្វើកំណត់ហេតុប្រគល់សពឲ្យក្រុមគ្រូសាររៀបចំធ្វើបុណ្យតាមប្រពៃណី ។
ប្រជាពលរដ្ឋរស់នៅក្នុងភូមិជាមួយគ្នាដែលដឹងរឿងបានសម្ដែងការហួសចិត្តគ្រប់គ្នាដោយម្នាក់ៗលាន់មាត់ថា គ្រាន់តែឪពុកម្តាយស្តីបន្ទោស និងហាមមិនឲ្យដើរលេងជាមួយមិត្តភក្តិពេលយបព្រលប់ប៉ុណ្ណឹងសោះ មិនគួរនារីរងគ្រោះគិតខ្លីរហូតដល់ថ្នាក់ផឹកថ្នាំកណ្តុរសម្លាប់ខ្លួនឡើយ ។ យ៉ាងហោចណាស់ក៏គួរអាណិតឪពុកម្តាយដែលខំចិញ្ចឹមបីបាច់ថែរក្សាតាំងពីតូចក្រូឆ្មាររហូតដល់ធំពេញវ័យដែរ បើសិននាងមិនអាណិតគូរដណ្តឹង ។
ប្រជាពលរដ្ឋបានលើកឡើងទៀតថា នេះជាគំរូអាក្រក់សម្រាប់ក្មេងស្រីផ្សេៗទៀតនៅក្នុងភូមិ ដោយពួកគាត់និយាយថា ខុសត្រូវយ៉ាងណាសុំកុំយកវិធីធ្វើអត្តឃាតបែបនេះមកផ្តាច់ជីវិតខ្លួនឯង វាមិនមែនជាជម្រើសល្អនោះទេ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]