ខេត្តបាត់ដំបង ៖ សមត្ថកិច្ចបានឱ្យដឹងថា គ្រូបង្រៀនម្នាក់ត្រូវឃាត់ខ្លួន កាលពីវេលាម៉ោង០៩ និង៣០នាទីព្រឹកថ្ងៃទី១០ កុម្ភ: ស្ថិតចំណុចភូមិដូង ឃុំឈើទាល ស្រុកបាណន់ ដែលសង្ស័យថា បានចាប់រំលោភកូនសិស្សរបស់ខ្លួន ចំនួន២លើក ជាបន្តបន្ទាប់។
សេចក្ដីរាយការណ៍ឱ្យដឹងថា ជនសង្ស័យឈ្មោះព្រំ សុភាព ហៅភើ អាយុ៤៥ឆ្នាំ ជាគ្រួបង្រៀននៅសាលាបឋមសិក្សាភូមិដូង ។ រីឯកូនសិស្ស ជាក្មេងស្រីរងគ្រោះអាយុ១៣ឆ្នាំ ។ ជនសង្ស័យរូបនេះ ត្រូវកម្លាំងនគរបាល ស្រុកបាណន់ឃាត់ខ្លូន បន្ទាប់ពីមានបណ្ដឹងចោទប្រកាន់ថា បានចាប់កូនសិស្សរបស់ខ្លួន រំលោភរហូតបានសម្រេចចំនួន២លើក ជាបន្តបន្ទាប់ក្នុងអំឡុង ខែមករាកន្លងទៅ។
ប្រភពឱ្យដឹងទៀតថា លើកទី១ ជនសង្ស័យបានចាប់នាងរំលោភ នៅសាលាក្នុងបន្ទប់ថ្នាក់ទី១ក វេលាម៉ោង៩ព្រឹកថ្ងៃទី១៩ កមរា រហូតបានសម្រេច និងលើកទី២ បានលួងលោមនាង ចាប់រំលោភនៅផ្ទះរបស់ខ្លូន ដែលស្ថិតនៅភូមិដូង ឃុំឈើទាល នៅម៉ោង១១ថ្ងៃត្រង់ ថ្ងៃទី៣០មករា រហូតបានសម្រេចទៀត ។
ប៉ុន្តែសំណុំរឿងនេះ ត្រូវបានជនសង្ស័យព្យាយាមលាក់បាំង ជាមួយនិងការគំរាមកំហែងក្មេងស្រីរងគ្រោះ មិនឱ្យទម្លាយរឿងឡើយ ។ លុះដល់ថ្ងៃទី១០ កុម្ភ: រឿងអាស្រូវនេះ បានបែកធ្លាយ ទើបអាណាព្យាបាលនាងប្ដឹង ទៅសមត្ថកិច្ចឲ្យឃាត់ខ្លួនគ្រួបង្រៀនរូបនេះតែម្ដង។
បច្ចប្បន្ន ជនសង្ស័យត្រូវបានឃាត់ខ្លួន នៅអធិការនគរបាលស្រុកបាណន់ ហើយមន្ត្រីជំនាញកំពុងសួរនាំ ដើម្បីកសាងសំណុំរឿង បញ្ជូនទៅតុលាការហើយ។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
(ភ្នំពេញ)៖ ករណីកូនស្រីមន្រ្តីរដ្ឋសភា ត្រូវគេចូលទៅរឹតកសម្លាប់ប្លន់យកទ្រព្យសម្បត្តិ ដល់ក្នុងបន្ទប់ ខណ្ឌច្បារអំពៅ ត្រូវបានកម្លាំងនគរបាលតាមចាប់ជនដៃដល់បានហើយ គឺជាពូបង្កើតរបស់ជនរងគ្រោះតែម្តង។
លោក ម៉ៅ សឿត អធិការរងនគរបាលខណ្ឌច្បារអំពៅ បានប្រាប់ឲ្យដឹងថា បន្ទាប់ពីមានករណីឃាតកម្មរឹតកសម្លាប់ប្លន់យកទ្រព្យសម្បត្តិ នាយឧត្តមសេនីយ៍ស្នងការ ជួន សុវណ្ណ បានបញ្ជាឲ្យកម្លាំងជំនាញ សហការគ្នា រហូតតាមចាប់ជនសង្ស័យបាន នៅស្រុកកៀនស្វាយ ខេត្តកណ្តាល នាថ្ងៃទី១០ ខែកុម្ភ: ឆ្នាំ២០១៧នេះ។
លោកបានបញ្ជាក់ថា «យើងបានហើយធ្វើការស្រាវជ្រាវនិងមានកាំម៉ាសុវត្ថិភាព ហើយសហការជាមួយកងរាជអាវុធហត្ថខណ្ឌច្បារអំពៅ និងការិយាល័យព្រហ្មទណ្ឌកំរិតធ្ងន់ក៏ឈានទៅដល់ការ ឃាត់បានបុរសជនសង្ស័យជា ជនដៃដល់ត្រូវជាពូបង្កើតតែម្តង»។
សម្រាប់មូលហេតុវិញ ជនសង្ស័យបានសារភាពថា មកពីខ្វះខាតលុយដើម្បីចិញ្ចឹមគ្រួសារ។
សូមបញ្ជាក់ថា នារីកូនរបស់មន្រ្តីរដ្ឋសភា ត្រូវជនល្មើសមិនស្គាល់អត្តសញ្ញាណ ចូលទៅរឹតកសម្លាប់ចោលដល់ក្នុងបន្ទប់ដេក ប្លន់យកទ្រព្យសម្បត្តិជាគ្រឿងអលង្ការ និងទូរស័ព្ទដៃ បង្កឲ្យមានការភ្ញាក់ផ្អើលយ៉ាងខ្លាំង នៅវេលាម៉ោងជាង១១ ថ្ងៃទី១០ ខែកុម្ភៈ ឆ្នាំ២០១៧នេះ។
អំពើប្លន់សម្លាប់នេះ បានកើតឡើងនៅចំណុចផ្ទះលេខ៤៤៣ តាមផ្លូវបេតុង ស្ថិតនៅភូមិព្រែកជាងព្រហ្ម សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ភ្នាក់ងារ Fresh News បានរាយការណ៍ថា សពនារីរងគ្រោះឈ្មោះ ពៅ សុភ័ក្រ្ត អាយុ២២ឆ្នាំ មុខរបរនៅផ្ទះ ត្រូវបានជនដៃដល់យកខ្សែភ្លើង រឹតកបណ្ដាលសម្លាប់ក្នុងបន្ទប់ដេក។
តាមសេចក្តីរាយការណ៍ពីជិតខាង បានឲ្យដឹងថា អំពើឃាតកម្មនេះ បានដឹងដោយសារតែក្មេងស្រីតូចម្នាក់ ដែលជាប្អូនស្រីរបស់នារីរងគ្រោះ បានស្រែកយំយ៉ាងខ្លាំង។ នៅពេលកើតហេតុនេះ ខណៈឪពុកម្តាយរបស់នាង បានចេញទៅធ្វើការបាត់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]