(ភ្នំពេញ)៖ នារីក្រមុំម្នាក់ដែលជាកូនរបស់មន្រ្តីរដ្ឋសភា ត្រូវជនល្មើសមិនស្គាល់អត្តសញ្ញាណ ចូលទៅរឹតកសម្លាប់ចោល ដល់ក្នុងបន្ទប់ដេក ប្លន់យកទ្រព្យសម្បត្តិជាគ្រឿងអលង្ការ និងទូរស័ព្ទដៃ បង្កឲ្យមានការភ្ញាក់ផ្អើលយ៉ាងខ្លាំង នៅវេលាម៉ោងជាង១១ ថ្ងៃទី១០ ខែកុម្ភៈ ឆ្នាំ២០១៧នេះ។
អំពើប្លន់សម្លាប់នេះ បានកើតឡើងនៅចំណុចផ្ទះលេខ៤៤៣ តាមផ្លូវបេតុង ស្ថិតនៅភូមិព្រែកជាងព្រហ្ម សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ភ្នាក់ងារ Fresh News បានរាយការណ៍ថា សពនារីរងគ្រោះឈ្មោះ ពៅ សុភ័ក្រ្ត អាយុ២២ឆ្នាំ មុខរបរនៅផ្ទះ ត្រូវបានជនដៃដល់យកខ្សែភ្លើង រឹតកបណ្ដាលសម្លាប់ក្នុងបន្ទប់ដេក។
តាមសេចក្តីរាយការណ៍ពីជិតខាង បានឲ្យដឹងថា អំពើឃាតកម្មនេះ បានដឹងដោយសារតែក្មេងស្រីតូចម្នាក់ ដែលជាប្អូនស្រីរបស់នារីរងគ្រោះ បានស្រែកយំយ៉ាងខ្លាំង។ នៅពេលកើតហេតុនេះ ខណៈឪពុកម្តាយរបស់នាង បានចេញទៅធ្វើការបាត់។
នៅពេលមានករណីនេះកើតឡើងទាំងអាជ្ញាធរ និងសមត្ថកិច្ចជំនាញបានចុះទៅសួរនាំ ដើម្បីស្រាវជ្រាវតាមចាប់ខ្លួនជនដៃដល់៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ ខ្លាំងមែន ! វាយទាំងប្រពន្ធកូន វាយទាំងប៉ូលិស
ខេត្តពោធិ៍សាត់ ៖ បុរសម្នាក់ផឹកស្រា ស្រវឹងជោកជាំបានប្រើអំពើហិង្សា លើប្រពន្ធកូន និងបំផ្លាញទ្រព្យសម្បត្តិ ក្នុងផ្ទះស្ទើរគ្មានសល់ ពេលប៉ូលិសទៅជួយអន្តរាគមន៍បុរសរូបនោះបានដេញវាយ ទាំងប៉ូលីសទៀត លុះមួយសន្ទុះក្រោយមក ទើបចាប់ខ្លួនបាន ។
ហេតុការណ៍នេះ បានកើតឡើង នៅក្នុងផ្ទះរបស់ជនបង្ក ដែលស្ថិតនៅភូមិដូងជ្រុំ សង្កាត់ព្រៃញី ក្រុងពោធិ៍សាត់ កាលពីថ្ងៃទី៩ កុម្ភៈ ឆ្នាំ២០១៧ ។
នគរបាលប៉ុស្តិ៍រដ្ឋបាល ព្រៃញីឲ្យដឹងថា ជនបង្កហិង្សាដែលឃាត់ខ្លួនឈ្មោះ ផយ សុខា ភេទប្រុសអាយុ៣៧ឆ្នាំ មានប្រពន្ធ និងកូនប្រុសចំនួន២នាក់ ។
ជាក់ស្ដែង នៅថ្ងៃកើតហេតុនោះ បុរសជាប្ដីស្រវឹងស្រាជោកជាំ ហើយបានរករឿងជេរស្ដី និងប្រើហិង្សាលើប្រពន្ធកូន ព្រមទាំងបំផ្លិចបំផ្លាញ ទ្រព្យសម្បត្តិក្នុងផ្ទះថែមទៀត ។ ឃើញដូច្នេះអ្នកជិតខា ងបានទូរស័ព្ទទៅនគរបាល ប៉ុស្តិ៍រដ្ឋបាលព្រៃញីដើម្បីមក ជួយធ្វើការអន្តរាគមន៍ជាបន្ទាន់ ។
ដោយមានសំណូមពរ ពីបងប្អូនក្រុមគ្រួសារ សមត្ថកិច្ចគ្រាន់តែធ្វើកិច្ចសន្យាអប់រំណែនាំ រួចហើយឲ្យត្រឡប់ទៅផ្ទះវិញធម្មតា ប៉ុន្តែបើលើកក្រោយនៅតែមិនរាងចាលទៀតនោះសមត្ថកិច្ចនឹងឃាត់ខ្លួន បញ្ជូនទៅសាលាដំបូង ដើម្បីចាត់ការតាមនិតិវិធី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
