ខេត្តកំពង់ចាម ៖ នារីវ័យក្មេងម្នាក់ បន្ទាប់ពីភ្ជាប់ពាក្យ ជាមួយគូដណ្ដឹងជាច្រើនខែ និងដើរលេងជាមួយគូដណ្ដឹងជារឿយៗ តែមិនទាន់ដល់ថ្ងៃរៀបការផង ស្រាប់តែលេបថ្នាំកណ្ដុរធ្វើអត្តឃាតសង្ស័យ ដោយសារខឹងឪពុកម្តាយ ស្ដីបន្ទោសរឿងដើរលេងជាមួយគូដណ្ដឹងច្រើនពេក ។ ហេតុការណ៍នេះ កើតឡើងនៅភូមិពង្រ ឃុំរការគយ ស្រុកកងមាស ខេត្តកំពង់ចាម ។
ប្រភពពីសមត្ថកិច្ចបានឲ្យដឹងថា នាងក្រមុំរងគ្រោះឈ្មោះ ខន ចាន់ធា អាយុ១៨ឆ្នាំ រស់នៅភូមិកើតហេតុ មានឪពុកឈ្មោះ ឃុត ខន អាយុ៥៥ឆ្នាំ និងម្តាយឈ្មោះ ឆូ ចាន់រ៉ា អាយុ៥៦ឆ្នាំ ។
ឪពុកម្តាយនារីរងគ្រោះ បានឲ្យសមត្ថកិច្ចដឹងថា កូនស្រីរបស់គាត់បានភ្ជាប់ពាក្យជាមួយគូដណ្ដឹងជាច្រើនខែមកហើយ ហើយតែងតែនាំគ្នាដើរលេងជារឿយៗ ឃើញដូច្នោះគាត់ក៏បានប្រាប់កូនស្រីថាកុំដើរជាមួយគូដណ្ដឹងច្រើនពេកនាំឲ្យអ្នកជិតខាងគេនិន្ទា ព្រោះមិនទាន់រៀបការនៅឡើយទេ ។
ឪពុកម្តាយនារីរងគ្រោះ បានឲ្យដឹងទៀតថា ដោយសារតែគាត់ស្តីឲ្យបែបនេះ ធ្វើឲ្យកូនស្រីរបស់គាត់ខឹងហើយ កាលពីវេលាម៉ោង៣រសៀល ថ្ងៃទី៥ ខែកុម្ភៈ បានលេបថ្នាំបំពុលកណ្ដាលសម្លាប់ខ្លួន តែត្រូវពួកគាត់ដឹងទាន់ដឹកបញ្ជូនទៅសង្គ្រោះនៅមន្ទីរពេទ្យបង្អែកស្រុកព្រៃឈរ រហូតបានធូរស្រាល ទើបនាំត្រឡប់មកផ្ទះវិញ ។ ប៉ុន្តែនៅវេលាម៉ោង៩ និង៣០នាទីថ្ងៃដដែល កូនស្រីរបស់គាត់មិន សភាពមិនស្រួលឡើងវិញ គាត់ក៏បញ្ជូននាងទៅសង្គ្រោះ នៅមន្ទីរពេទ្យខេត្តកំពង់ចាម ជាអកុសលនាងបានស្លាប់នៅតាមផ្លូវបាត់ទៅហើយ ។
សមត្ថកិច្ចបញ្ជាក់ថា បន្ទាប់ពីពិនិត្យ និងកោសល្យវិច្ច័យសពរួចឃើញថា នារីរងគ្រោះពិតជាស្លាប់ដោយសារ ធ្វើអត្តឃាតពិតប្រាកដមែន ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
(ភ្នំពេញ)៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជូនណារ៉ុន នៅថ្ងៃទី០៦ ខែកុម្ភៈនេះ បានចេញការណែនាំ ស្ដីពីវិធានការទប់ស្កាត់សកម្មភាពមិនប្រក្រតី ក្នុងទិវាបុណ្យនៃក្ដីស្រលាញ់ នៅតាមគ្រឹះស្ថានសិក្សាសាធារណៈ និងឯកជនទូទៅដូចតទៅ ៖
១៖ ត្រូវផ្សព្វផ្សាយដល់សិស្សានុសិស្សតាមគ្រប់មធ្យោបាយ ដូចជាតាមរយៈការប្រជុំនៅពេលគោរពទង់ជាតិ កុំឱ្យមានការយល់ខុសអំពីអត្ថន័យនៃទិវាបុណ្យនៃក្ដីស្រលាញ់ (Valentine's Day)
២៖ ត្រូវពង្រឹងការអនុវត្តបទបញ្ជាផ្ទៃក្នុងរបស់គ្រឹះស្ថានសិក្សាសាធារណៈឱ្យម៉ឺងម៉ាត់ ជាពិសេសលើការគ្រប់គ្រងសីលធម៌ និងវិន័យ ដោយតាមដានអវត្តមានរបស់សិស្សានុសិស្សជាប្រចាំ
៣៖ ត្រូវជំរុញដំណើរការរបស់ក្រុមប្រឹក្សាយុវជន ក្រុមប្រឹក្សាកុមារប្រចាំសាលា ដោយអនុវត្តសកម្មភាព ''មិត្តអប់រំមិត្ត''
៤៖ ត្រូវធ្វើទំនាក់ទំនងជិតស្និទ្ធជាមួយមាតាបិតា អ្នកអាណាព្យាបាលសិស្ស គមនាគមន៍ ដើម្បីសហការគ្នា អប់រំ ណែនាំ កែលម្អសិស្សានុសិស្សបានទាន់ពេលវេលា៕
ព័ត៌មានលម្អិត សូមអានសេចក្តីណែនាំ របស់ក្រសួងអប់រំដូចខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]