ភ្នំពេញ៖ តារាសម្តែងស្រីវ័យក្មេងកំពុងពេញនិយម កញ្ញា ម៉ាក សែនសូនីតា ត្រូវបានគេសង្កេតឃើញថាជាតារាស្រីម្នាក់ ដែលឧស្សាហ៍មានដំណើរកម្សាន្តទៅតាមទីកន្លែងទេសចរណ៍ស្អាតៗនានា មិនថាតែនៅក្នុងប្រទេស ឬនៅក្រៅប្រទេសនោះទេ។
ជាក់ស្តែងកាលពីពេលថ្មីៗនេះ នាងបានដើរកម្សាន្តទៅខេត្តព្រះសីហនុជាមួយនឹងបងប្អូនមិត្តភក្តិយ៉ាងសប្បាយរីករាយ បន្ទាប់ពីទើបតែត្រលប់មកពីកម្សាន្តនៅបរទេសដូចជា ប្រទេសកូរ៉េ និងប្រទេសអារ៉ាប់រួម នៅទីក្រុងឌូបៃជាដើម។
នៅក្នុងដំណើរកម្សាន្តទៅឌូបៃ ស្រីស្អាត ម៉ាក សែនសូនីតា បានស្លៀករ៉ូបវែងរូបផ្កាចម្រុះយ៉ាងស្រស់ស្អាត និងតែងខ្លួនដូចជាក្រមុំអារ៉ាប់ផងដែរ។
ចំណែកឯរ៉ូបម៉ូតនេះ ក៏ត្រូវបាន កញ្ញា គង់ វង្សយ៉ាទី តារាសម្តែង និងជាពិធីការិនីល្បីឈ្មោះ និងត្រូវជាមិត្តភក្តិស្និទ្ធស្នាលរបស់កញ្ញា ម៉ាក សែនសូនីតា បានស្លៀកទៅដើរលេងកម្សាន្តផងដែរ នៅក្នុងថ្ងៃដំណើរកម្សាន្តរបស់ខ្លួន។ រ៉ូបដូចគ្នាបេះដាក់ ប៉ុន្តែអ្នកស្លៀកមានសម្រស់ខុសគ្នា៕
តើប្រិយមិត្តយល់ថាតារាស្រីទាំងពីរនេះ មួយណាស្លៀករ៉ូបមួយឈុតស្អាតជាង?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]