(ក្រចេះ)៖ ផ្ទះប្រជាពលរដ្ឋ៣ខ្នង ត្រូវបានអគ្គិភ័យលេបត្របាក់ខ្ទេចគ្មានសល់ នៅវេលាម៉ោង១២៖៣០នាទីថ្ងៃត្រង់ ថ្ងៃទី១៥ ខែមករា ឆ្នាំ២០១៧នេះ ស្ថិតនៅភូមិព្រែកសំរោង ឃុំខ្សាច់អណ្ដែត ស្រុកឆ្លូង ខេត្តក្រចេះ។
លោក ហេង សុថា អភិបាលស្រុកឆ្លូង បានឲ្យដឹងថា ហេតុការណ៍នេះបានកើតឡើងតាំងពីម៉ោងជាង១២ រហូតមកទល់មោងជិត៣រសៀល ទើបរលត់អណ្ដាតភ្លើង តែមិនទាន់រលត់ទាំងស្រុងនោះទេ ហើយសមត្ថកិច្ចបាញ់ទឹកពន្លត់បន្ដទៀត ដោយប្រើទឹកអស់ជាង១០ឡាន។
លោកអភិបាលស្រុកបន្តទៀតថា ផ្ទះពលរដ្ឋដែលរងគ្រោះអគ្គីភយ័នោះ មានចំនួន៣ផ្ទះ ខូចខាតទាំងស្រុង ហើយការឆេះនេះ បណ្ដាលមកពី ទុស្សេខ្សែភ្លើងចេញពីផ្ទះកណ្ដាល ទើបឆេះរាលដាលដល់ផ្ទះសងខាងទៀត តែមិនទាន់ដឹងខូចខាតទ្រព្យសម្បិត្តអស់អ្វីខ្លះនោះ។ បើតាមលោកអភិបាលស្រុក ពេលនេះកម្លាំងសមត្ថកិច្ច កំពុងប្រើប្រាស់ឡានទឹក៣គ្រឿងបន្ថែមទៀត ដោយ២គ្រឿងរបស់ស្នងការដ្ឋាននគរបាលខេត្តក្រចេះ និងមួយគ្រឿង របស់អធិការដ្ឋានស្រុកឆ្លូង៕
ប្រភព៖ Fresh News
ដោយឡែក រំលឹកព័ត៌មានចាស់លើកមុនផងដែរថា៖ រថយន្តដឹកអ្នកដំណើរមួយគ្រឿង ត្រូវភ្លើងឆេះពេលកំពុងធ្វើដំណើរ សំណាងល្អអ្នកជិះត្រូវ បានជម្លៀសចេញទាន់
រថយន្តដឹកអ្នកដំណើរមួយគ្រឿង ប្រភេទេសចរណ៍ ត្រូវបានអគ្គិភ័យឆាបឆេះ ពេលកំពុងធ្វើដំណើរតាមដងផ្លូវ តែសំណាងណាស់ អ្នកជិះទាំងអស់ ត្រូវបានជម្លៀសទាន់រួចផុតពីគ្រោះថ្នាក់មួយនេះ។
គ្រោះថ្នាក់បង្កឲ្យមានភ្ញាក់ផ្អើលខាងលើនេះ បានកើតឡើងនៅលើផ្លូវជាតិលេខ៥ ត្រង់ចំណុចសាលាក្រហម ស្ថិតនៅក្នុងស្រុកអូរជ្រៅ ខេត្តបន្ទាយមានជ័យ កាលពីល្ងាចថ្ងៃទី ១០ មករា ឆ្នាំ២០១៧ កន្លងទៅ។
លោក អ៊ុ សុផល ស្នងការរងនគរបាលខេត្តបន្ទាយមានជ័យ បានឲ្យដឹងថា រថយន្តដឹកអ្នកដំណើរមានមនុស្សជិះពេញ ក្នុងទិសដៅពីក្រុងប៉ោយប៉ែត ទៅខេត្តសៀមរាប ហើយខណៈនេះប្រជាពលរដ្ឋនៅជិតកន្លែងកើតហេតុកំពុងជួយពន្លត់។
យ៉ាងណាក៏ដោយ សមត្ថកិច្ចមិនទាន់បញ្ជាក់អំពីមូលហេតុដែលនាំឲ្យមានគ្រោះអគ្គិភ័យនេះកើតឡើងនោះទេ ហើយក៏មិនទាន់ដឹងថា រថយន្តខាងលើជារបស់ក្រុមហ៊ុនណាដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]