ខេត្តកំពង់ស្ពឺ ៖ បុរសចិត្តភ្លើងម្នាក់ ដើម្បីស្រាយគំនុំចាស់បានទាញកាំបិតផ្គាក់កាប់ក្បាលសត្រូវចាស់របស់ខ្លួនបណ្ដាលឲ្យរងរបួសធ្ងន់កាលពីវេលាម៉ោង១២ និង៣៥នាទីថ្ងៃត្រង់ ថ្ងៃទី១៤ ខែមករា ឆ្នាំ២០១៧ នៅភូមិពង្រធំ ឃុំកាហែង ស្រុកសំរោងទង ខេត្តកំពង់ស្ពឺ ។
ជនដៃដល់ឈ្មោះ សុខ វុ័រ ភេទប្រុស អាយុ៤៨ឆ្នាំ នៅភូមិត្រពាំងជ្រៅ ឃុំកាហែង ស្រុកសំរោងទង ខេត្តកំពង់ស្ពឺ ។
លោកអនុសេនីយ៍ឯក ម៉ិច សុភាន់ អធិការរងនគរបាលស្រុកសំរោងទង បានឲ្យដឹងថា កម្លាំងផ្នែកព្រហ្មទណ្ឌសហការជាមួយកម្លាំងប៉ុស្តិ៍កាហែងបានឃាត់ខ្លួនបុរសម្នាក់ដែលបានផឹកស្រាស្រវឹង ហើយបង្កហិង្សា ដោយបានយកកាំបិតផ្គាក់កាប់ទៅលើឈ្មោះ ម៉ែន ចំរើន ១កាំបិត ចំក្បាល បណ្តាលឲ្យរងរបួសជាទម្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗផងដែរ ។
នៅចំពោះមុខសមត្ថកិច្ច ជនសង្ស័យដៃដល់បានឆ្លើយសារភាពថា មូលហេតុដែលខ្លួនយកកាំបិតទៅកាប់លើជនរងគ្រោះ ព្រោះចង់ស្រាយគំនុំចាស់ ដែលកាលពីមុនមកឈ្មោះ ម៉ែន ចំរើន ហៅ ប៉ាង ធ្លាប់បានវាយខ្លួនកាលរដូវបុណ្យភ្ជុំកន្លងទៅ ។
លោកអធិការរងបន្តថា ករណីនេះជំនាញបានកំពុងស្រាវជ្រាវ និងកសាងសំណុំរឿងបញ្ជូនទៅការិយាល័យព្រហ្មទណ្ឌ ដើម្បីចាត់ការបន្ត ៕
ប្រភព៖ កោះសន្តិភាព
ដោយឡែក ករណីមួយផ្សេងទៀត កាលពីលើកមុន៖ កាប់ប្រពន្ធដាច់ដៃ និងបែកក្បាល រួចរត់ទៅចង-ក បញ្ចប់ជីវិតខ្លួនឯង នៅស្រុកសណ្ដាន់
បុរសជាប្ដីចិត្តកំណាចម្នាក់ បានយកកាំបិតខ្វែវកាប់ប្រហារទៅលើប្រពន្ធរបស់ខ្លួន បណ្ដាលឲ្យដាច់ដៃ និងរងរបួសក្បាលធ្ងន់ធ្ងរ រួចមិនអស់ចិត្តរត់ទៅចង-ក ដើម្បីបញ្ចប់ជីវិតខ្លួនឯង។
ហេតុការណ៍នេះ កើតឡើងកាលពីព្រឹកថ្ងៃទី១២ ខែមករា ឆ្នាំ២០១៧ កន្លងទៅ នៅចំណុចរោងចាំចំការ តំបន់ព្រៃក្រសាំងខាងត្បូង ស្ថិតក្នុងភូមិក្រសាំង ឃុំសណ្ដាន់ ស្រុកសណ្ដាន់ ខេត្តកំពង់ធំ។
មន្ដ្រីនគរបាលមូលដ្ឋានបានឲ្យដឹងថា ករណីអំពើហិង្សាដ៏ឃោឃៅនេះ បង្កដោយជនសង្ស័យជាប្ដីឈ្មោះ ឃុត ជី អាយុ៣៥ឆ្នាំ មុខរបរធ្វើស្រែ បានកាប់ប្រហារទៅលើប្រពន្ធឈ្មោះ គឹម អ៊ីន អាយុ៣២ឆ្នាំ នឹងកាំបិតខ្វែវបណ្តាលឲ្យងរបួស ៣កន្លែង គឺម្រាមដៃខាងស្ដាំដាច់អស់ទាំងស្រុង, ក្បាលផ្នែកខាងឆ្វេង១កន្លែង និងកែងដៃខាងធ្វេង១កន្លែង។
នគរបាលបន្ដថា ក្រោយពីបានកាប់ប្រហារទៅលើប្រពន្ធរួច ជនសង្ស័យជាប្ដី បានរត់ទៅ ចង-ក ដោយខ្លួនឯងនឹងអាវយឺត នៅដើមដង្កៀបក្តាម ក្រោយចំការប្រហែលជា១០ម៉ែត្រ បណ្ដាលបាត់ជីវិតតែម្ដង។
ក្រោយពិនិត្យរួចរាល់ សមត្ថកិច្ចសន្និដ្ឋានថា ជនសង្ស័យជាប្ដីពិតជាបានធ្វើអត្តឃាតដោយខ្លួនឯងពិតប្រាដកមែន ដោយឡែកជនរងគ្រោះជាប្រពន្ធ ត្រូវបាននគរបាលបញ្ជូនទៅសង្គ្រោះនៅមន្ទីរពេទ្យបង្អែកខេត្ត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
