រលាកសន្លាក់ដោយលើសជាតិអាស៊ីត ឬអ្នកខ្លះហៅថាប្រគ្រីវ (gout) ជាជម្ងឺដែលទាក់ទងទៅនឹង ការរលាកសន្លាក់មេជើង (ម្ខាងឬទាំងសងខាង) ហើយករណីខ្លះអាចមានរលាកសន្លាក់ នៅកន្លែងផ្សេងទៀតដែរ ដូចជា កជើងម្រាមជើង កដៃ។ល។
សូមបញ្ជាក់ថាពាក្យថា រលាកសន្លាក់ មានន័យថាសន្លាក់ឡើងឈឺ (ចុកពឺតៗឬចុកដូចអុតធ្មុងត្រី) ក្រហមនិងហើមហើយស្ទាប ទៅក្ដៅៗត្រង់កន្លែងឈឺនោះ។ បើឈឺសន្លាក់ហើយមិនមានអាការដូចខាងលើទេ មិនមែនជាការឈឺសន្លាក់ ឬមិនទាក់ទងទៅនឹង ការរលាកសន្លាក់ទេ។
មូលហេតុដែលបង្កឲ្យកើតជម្ងឺរលាកសន្លាក់ដោយលើសជាតិអាស៊ីត។
មានកត្ដាច្រើនដែលអាចបណ្ដាលឲ្យរលាកសន្លាក់ ដោយលើសជាតិអាស៊ីតគឺ៖
+តំណគ្រួសារ (ខ្វះអង់ហ្សីម)។
+ផលប៉ះពាល់នៃការប្រើថ្នាំ (ថ្នាំគីមីសម្រាប់មហារីក ថ្នាំបញ្ចុះទឹកនោម)។
+ផលវិបាកនៃជម្ងឺមួយចំនួន ដូចជាខ្សោយតម្រងនោមជាដើម។
រោគសញ្ញានៃជម្ងឺរលាកសន្លាក់ដោយលើសជាតិអាស៊ីត រោគសញ្ញាចម្បងគេ គឺឈឺសន្លាក់។ កន្លែង ដែលកើតញឹកញាប់នោះគឺមេជើង ពេលខ្លះគឺអាចឈឺកន្លែងផ្សេងទៀតដែរដូចជាកជើង ម្រាមជើង កដៃ ឬក្បាលជង្គង់ជាដើម។ ពេលខ្លះអ្នកជម្ងឺអាចក្ដៅខ្លួន ៣៨-៣៩អង្សាសេ ព្រមទាំងជួនកាលក៏ហើម ហើយមានទឹកនៅក្នុងសន្លាក់ ជាពិសេសជង្គង់។
ធ្វើដូចម្ដេចទើបដឹងថាឈឺជម្ងឺប្រគ្រីវនេះ?
+ ពិនិត្យឈាម (ពិនិត្យជាតិអាស៊ីតនិងសញ្ញារលាកក្នុងឈាម)។
+ ករណីមានហើមហើយមានទឹកក្នុងជង្គង់ គេអាចបូមយកទៅពិនិត្យ។
អ្នកណាខ្លះប្រឈមមុខនឹងជម្ងឺនេះ?
+ អ្នកធ្លាប់មានប្រវត្ដិគ្រួសារកើតជម្ងឺនេះ។
+ អ្នកធាត់ឬលើសទម្ងន់។
+ អ្នកដែលប្រើថ្នាំ (បញ្ចុះទឹកនោមអាស្ពីរីនប្រើថ្នាំគីមីល។ ) ។
+ អ្នកខ្សោយតម្រងនោម។
កត្ដាអ្វីខ្លះដែលអាចជំរុញឱ្យកើតជម្ងឺនេះ?
+ ចូលចិត្ដហូបសាច់ គ្រឿងក្នុង (ថ្លើមពោះវៀនកោះ។ល។ ) ។
+ ស្រាទំញំងបាយជូរ ស្រាបៀរ។
+ ទំញំងបារាំង ផ្ទី ទំញំង។
វិធីបង្ការជម្ងឺរលាកសន្លាក់ដោយលើសជាតិអាស៊ីត
ដើម្បីការពារនិងបង្ការកុំឱ្យមានជម្ងឺរលាកសន្លាក់ ដោយបញ្ហាលើសជាតិអាស៊ីត លោកអ្នកត្រូវបរិភោគអាហារ ដែលត្រឹមត្រូវ កាត់បន្ថយសារជាតិខ្លាញ់និងសាច់ជាដើម។
ប្រការត្រូវជៀសវាង
- ជៀសវាង ឬបន្ថយអាហារភេសជ្ជៈមួយចំនួន (ស្រាទំញំងបាយជូរ សាច់គ្រឿងក្នុង។ ល។ )
- ហាត់ប្រាណ និងសម្រកទម្ងន់។
វិធីព្យាបាលជម្ងឺរលាកសន្លាក់ដោយលើសជាតិអាស៊ីត
ក្រៅពីវិធីបង្ការរៀបរាប់ខាងលើ គ្រូពេទ្យអាចធ្វើការព្យាបាល ដោយប្រើថ្នាំបំបាត់ការឈឺចាប់ ហើយករណីដែ លចាំបាច់ប្រើថ្នាំបញ្ចុះជាតិអាស៊ីតក្នុងឈាម។ តែការប្រើថ្នាំបញ្ចុះជាតិអាស៊ីតនេះ គួរពិភាក្សា ជាមួយគ្រូពេទ្យជាមុនសិន ជៀសវាងប្រើថ្នាំតាមចិត្ដខ្លួនឯង។ ព្រោះថ្នាំនេះ ពេលខ្លះអាចបណ្ដាលឱ្យមានប្រតិកម្មបាន។
ផលវិបាកចំពោះជម្ងឺរលាកសន្លាក់ដោយលើសជាតិអាស៊ីត
បើព្យាបាលមិនបានត្រឹមត្រូវអាចកើតមានផលវិបាកមួយចំនួន៖
- វិវឌ្ឍន៍ទៅរកការរលាកសន្លាក់រ៉ាំរ៉ៃ។
- សន្លាក់ទៅជាកំពីកកំពក។
-ពេលខ្លះការលើសជាតិអាស៊ីតអាចបណ្ដាល ឱ្យមានជាក្រួសក្នុងតម្រងនោមហើយខ្សោយតម្រងនោមផងដែរ។
ដំបូន្មានអ្នកជំនាញ
- ហាត់ប្រាណជាប្រចាំ បន្ថយទម្ងន់។
-ចៀសវាងអាហារដែលអាចបណ្ដាលឱ្យលើសអាស៊ីត។
- ប្រឹក្សាជាមួយគ្រូពេទ្យមុនប្រើថ្នាំ ជាពិសេសគឺថ្នាំបញ្ចុះជាតិអាស៊ីត។
ដូច្នេះដើម្បីកាត់បន្ថយការឈឺចាប់ និងការពារជម្ងឺ Gout កើតឡើង លោកអ្នកអាចប្រើផលិតផលអាហារបំប៉ន GBC ។ GBC មានសារធាតុផ្សំឡើងពី ផ្លែ Cherry និង វិតាមីន C វាអាចជួយកាត់បន្ថយ អាស៊ីតអុយរិចនៅក្នុងឈាម និងជាមូលដ្ឋានគ្រឹះក្នុងការការពារអ្នកជម្ងឺ gout ឲ្យជៀសផុតពីទុកលំបាកបាន។
លោកអ្នកអាចរកទិញបាននៅក្រុមហ៊ុន Angkor Beauty តាមរយៈគេហទំព័រ www.angkorbeauty.net ឬតាមអាស័យដ្ឋានក្រុមហ៊ុនផ្ទាល់, ផ្លូវលេខ 271, ភូមិត្រពាំងឈូកសង្កាត់ទឹកថ្លា ខ័ណ្ឌសែនសុខ រាជធានីភ្នំពេញ និងទំនាក់ទំនងតាមលេខទូរស័ព្ទទាំង 3ខ្សែ : 088 2424 888 , 098242888 ,011808189 ។ល។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
