(ភ្នំពេញ)៖ ចោរប្រដាប់អាវុធមួយក្រុមមានគ្នា៣នាក់ បានធ្វើសកម្មភាពភ្ជង់ប្លន់យកម៉ូតូ Zoomer-X ឆ្នាំ២០១៦ មួយគ្រឿងបានសម្រេច ពីស្ដ្រីម្នាក់នៅវេលាម៉ោង ៨៖៤០នាទីយប់ ថ្ងៃទី២៤ ខែវិច្ឆិកា ឆ្នាំ២០១៦នេះ នៅចំណុចផ្លូវលេខ២៤៨ កែង១៤៣ សង្កាត់វាលវង់ ខណ្ឌ៧មករា។
ស្ដ្រីជនរងគ្រោះបានឲ្យដឹងថា ជនសង្ស័យមានគ្នា៣នាក់ជិះម៉ូតូមួយគ្រឿងម៉ាក PCX មិនចាំស្លាកលេខ ប្រដាប់ដោយកាំភ្លើងខ្លី បានគំរាមប្លន់ម៉ូតូរបស់ខ្លួនម៉ាក ZoomerX ឆ្នាំ២០១៦ ពណ៌ស ពាក់ស្លាកលេខ ភ្នំពេញ: 1FN-3838 ក្រោយមកជនសង្ស័យបានជិះគេចខ្លួនដោយសុវត្ថិភាព ដោយមិនរំខានដល់សមត្ថកិច្ចមូលដ្ឋានបន្ដិចណាសោះនោះឡើយ។
ក្រោយកើតហេតុ ជនរងគ្រោះបានត្រឹមតែទៅដាក់ពាក្យបណ្ដឹងទាំងសោកស្ដាយតែប៉ុណ្ណោះ៕
ប្រភព៖ Fresh News
កំណត់ហេតុខ្មែរឡូត៖
ស្រដៀងគ្នានេះដែរ ករណីមួយផ្សេងទៀត ៦នាក់ភ្ជង់ប្លន់និស្សិតបញ្ញាសាស្ត្រ។ គួររំលឹកផងដែរថា និស្សិតបញ្ញាសាស្ត្រម្នាក់ ខណៈជិះម៉ូតូចេញពី ធ្វើធ្មេញ កាលពីវេលាម៉ោង៧ និង១៥នាទីយប់ ថ្ងៃទី១៧ ខែវិច្ឆិកា ឆ្នាំ២០១៦ កន្លងទៅ ស្រាប់តែជនសង្ស័យប្រដាប់អាវុធ៦នាក់ធ្វើសកម្មភាព ភ្ជង់ប្លន់យកម៉ូតូម៉ាក Zoomer-X ទៅបាត់នៅចំណុចក្បែររបងសាកលវិទ្យាល័យ វិទ្យាសាស្ត្រសុខាភិបាល តាមបណ្ដោយផ្លូវលេខ១៨៣ សង្កាត់ទំនប់ទឹក ខណ្ឌចំការមន ។
ជនរងគ្រោះមានឈ្មោះ ទ្រីវ ជុងគាត ភេទប្រុស អាយុ២៤ឆ្នាំ ជានិស្សិតបញ្ញាសាស្ត្រ ស្នាក់នៅផ្ទះលេខ៤៥ ផ្លូវលេខ១០៧ សង្កាត់តាខ្មៅ ក្រុងតាខ្មៅ ខេត្តកណ្តាល ជិះម៉ូតូម៉ាក Zoomer-X ពណ៌ប្រផេះបិទស្កុតខៀវ ពាក់ស្លាកលេខ កណ្តាល 1S-8668 ។
ប្រភពព័ត៌មាន ពីជនរងគ្រោះបានឲ្យដឹងថា មុនពេលកើតហេតុគាត់បានចេញមកពីធ្វើធ្មេញនៅជិតសាកលវិទ្យល័យមេគង្គ នៅតាមបណ្តោយផ្លូវលេខ២០០២ ក្នុងសង្កាត់ទឹកថ្លា ខណ្ឌសែនសុខ គោលបំណងទៅ ហូបអាហារនៅម្តុំក្រោយ វិទ្យាស្ថានវ៉ាន់ដាគណនេយ្យ រួចហើយត្រឡប់ទៅផ្ទះ របស់គាត់នៅក្រុងតាខ្មៅ។
លុះជិះម៉ូតូមកដល់ចំណុច ផ្លូវលេខ២៧១កែងផ្លូវលេខ១៨៣ ស្រាប់តែលេចមុខជនសង្ស័យប្រដាប់អាវុធ ១ក្រុមមានគ្នា៦នាក់ ជិះម៉ូតូ៣គ្រឿង ១គ្រឿងម៉ាក PCX ពណ៌ស មិនចាំស្លាកលេខ ១គ្រឿងម៉ាកស៊ុយស៊ីគីនិក និង១គ្រឿងទៀតមិនចាំម៉ាក ជិះមកជិតហើយកៀរម៉ូតូជនរងគ្រោះ ឲ្យចូលកៀនរួចដកកាំភ្លើងខ្លីភ្ជង់ គំរាមប្លន់យកម៉ូតូទៅបាត់ ប៉ុន្តែសំណាង់ល្អ ហើយដែលក្រុមចោរ ទាំងនោះមិនបានបាញ់ កុំអីមិនដឹងជាយ៉ាងណាទេ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]