កោះកុង៖ យុវជនម្នាក់ត្រូវសមត្ថកិច្ច នៃស្នងការនគរបាលខេត្ត បញ្ជូនខ្លួនទៅតុលាការ នាព្រឹកថ្ងៃទី១១ ខែវិច្ឆិកា ឆ្នាំ២០១៦ ក្នុងករណីបរំលោភ ប្អូនស្រីបង្កើតរាប់ភ្លេចដង ដើម្បីចាត់ការទៅ តាមនិតិវិធីច្បាប់ ។
សមត្ថកិច្ចបានឲ្យដឹងថា ក្រោយពីបានទទួល ពាក្យបណ្តឹងពីជនរងគ្រោះ ភ្លាមសមត្ថកិច្ចបានចុះ ធ្វើការឃាត់ខ្លួនជនសង្ស័យ កាលពីវេលាម៉ោង ២៖៣០នាទី ថ្ងៃទី៩ ខែវិច្ឆិកា ឆ្នាំ២០១៦ ស្ថិតនៅភូមិ២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។ សមត្ថកិច្ចបានបន្តថា ជនសង្ស័យឈ្មោះ ស៊ូ ប៊ុនថង ភេទប្រុស អាយុ២៥ឆ្នាំ មុខរបរមិនពិតប្រាកដ ចំណែកជនរងគ្រោះ ជាប្អូនស្រី អាយុ១៨ ឆ្នាំ ជាសិស្សសាលា ។
បើតាមចម្លើយសារភាព ពីជនសង្ស័យថា ខ្លួននិងប្អូនស្រីបានរួមរ័ក្សគ្នា តាំងឆ្នាំ២០១៥ ដល់ឆ្នាំ២០១៦ តែការរួមរ័ក្សរាប់មិនចាំ តែដឹងក្នុង ១ថ្ងៃ ២ឬ៣ដង ។ ហើយមុនបែកការខ្លួន បានហៅប្អូនស្រីមករួមរ័ក្សទៀត តែត្រូវប្អូនប្រកែកធ្វើឲ្យខ្លួនខឹង ក៏យកទូរស័ព្ទប្អូនបោកចោល ធ្វើឲ្យនាងខឹងរត់ មកសមត្ថកិច្ចតែម្តង ។
សមត្ថកិច្ចបានបញ្ជាក់ថា ចំពោះជនសង្ស័យសមត្ថកិច្ច កសាងសំណុំរឿងបញ្ជូនខ្លួន ទៅសាលាដំបូងខេត្ត ដើម្បីចាត់ការទៅផ្លូវច្បាប់ ៕
ប្រភព៖ ដើមអម្ពិល
កំណត់ហេតុខ្មែរឡូត៖ មួយករណីផ្សេងទៀតកាលពីលើកមុន
បុរសម្នាក់ត្រូវបាននគរបាល ប៉ុស្តិ៍រដ្ឋបាលឃុំឈើទាលធ្វើការឃាត់ខ្លួនតាមពាក្យបណ្តឹង របស់ម្តាយជនរងគ្រោះ ពាក់ពន្ធ័ករណីចាប់រំលោភក្មេងស្រីអាយុ០៤ឆ្នាំ ។ ជនសង្ស័យដែលសមត្ថកិច្ច ឃាត់ខ្លួនឈ្មោះផន អាត អាយុ៣៣ឆ្នាំ ជនជាតិខ្មែរ មុខរបរកសិករ មានទីលំនៅភូមិឈើទាល ឃុំឈើទាល ស្រុកកៀនស្វាយ ។ ចំណែកក្មេងស្រីរងគ្រោះអាយុ៤ឆ្នាំ រស់នៅក្នុងបន្ទុកជាមួយ ម្តាយឈ្មោះសុខ ម៉ារី អាយុ២៥ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅជិតផ្ទះជនសង្ស័យ ភូមិ-ឃុំខាងលើ ។
បើតាមស្ត្រីជាម្តាយក្មេងស្រីរងគ្រោះបានរៀបរាប់ប្រាប់សមត្ថកិច្ចថា នៅថ្ងៃទី៧ ខែវិច្ឆិកា រូបគាត់បានទៅបំរើការងាររោងចក្រ នៅរាជធានីភ្នំពេញ ដោយផ្ញើកូនស្រីឲ្យជីដូនបង្កើត ឈ្មោះព្រីង ច្រឹប អាយុ46ឆ្នាំ ជាអ្នកមើលថែរក្សា ។
ស្រ្តីជាម្តាយក្មេងស្រីរងគ្រោះបន្តថា ដោយជីដូនជាគ្រូបង្រៀន ហើយជាប់រវល់ទៅសាលារៀនបង្រៀនសិស្ស ក៍ទុកក្មេងស្រីរងគ្រោះ ឲ្យនៅផ្ទះជាមួយមីង ។ លុះពេលជីដូនត្រឡប់មកពីសាលារៀនវិញ ឃើញចៅដេកស្តូកស្តឹង ទឹកមុខស្លេកស្លាំ ទន់ដៃទន់ជើង ខុសផ្លែកពីធម្មតា ជីដូនក៍យកចៅទៅងូតទឹក ស្រាប់តែចៅស្រែកយំខ្លាំងៗហើយថា ឈើក្រហាយប្រដាប់ភេទខ្លាំងណាស់ ។
ភ្លាមនោះជីដូន ក៍បីចៅទៅមណ្ឌលសុខភាពឃុំ អោយជួយពិនិត្យមើល ត្រូវគ្រូពេទ្យប្រាប់ថា ក្មេងស្រីរងគ្រោះមានស្នាមហើមក្រហម ដាច់ប្រហោងប្រដាប់ភេទ មានគេរំលោភ ។ ពេលឮគ្រូពេទ្យនិយាយដូច្នេះជីដូនក៍សួរបញ្ជាក់ទៅចៅ ហើយក្មេងស្រីរងគ្រោះប្រាប់ថា ប៉ាបងលីន (ជនសង្ស័យ ផន អាត) ជាអ្នកចាប់រំលោភខ្ញុំ នៅក្នុងផ្ទះរបស់គាត់ ។
ស្ត្រីឈ្មោះសុខ ម៉ារី បន្តទៀតថា គ្រាន់តែឮកូនប្រាប់ភ្លាម រូបគាត់ និងជីដីនបានមកដាក់ពាក្យប្តឹងនៅប៉ុស្តិ៍នគរបាលឈើទាល នៅរសៀលម៉ោង២ និង៤៩នាទី នៅថ្ងៃទី៧ ខែវិច្ឆិកា ២០១៦។
ក្រោយទទួលបានពាក្យបណ្តឹង នៅថ្ងៃដដែលនោះនគរបាលប៉ុស្តិ៍សហការជាមួយអាជ្ញាធរភូមិ-ឃុំ បានចុះទៅធ្វើការឃាត់ខ្លួន ជនសង្ស័យមកកាន់អធិការដ្ធាននគរបាលស្រុកកៀនស្វាយដើម្បីសាកសួរ ។ នៅចំពោះមុខសមត្ថកិច្ចជនសង្ស័យមិនបានឆ្លើយសារភាពថា ខ្លួនជាអ្នកប្រព្រឹត្តនោះទេ ។
ទោះជាយ៉ាងណាលោកអនុសេនីយ៍ឯក វង សែ អធិការរង ទទួលផែនព្រហ្មទណ្ឌស្រុក បានឲ្យដឹងថា យោងតាមពាក្យបណ្តឹងរបស់ម្តាយក្មេងស្រីរងគ្រោះ ជនសង្ស័យត្រូវបានកសាងសំណុំរឿងបញ្ជូនទៅស្នងការដ្ធាននគរបាលខេត្ត ដើម្បីចាត់ការបន្តតាមនីតិវិធី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
