រាជធានីភ្នំពេញ ៖ នៅវេលាម៉ោង០៨និង១០នាទីយប់ ថ្ងៃទី០៧ ខែវិច្ឆិកានេះ តាមបណ្ដោយផ្លូវកប់ស្រូវ ស្ថិតក្នុងភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ។ មានករណីគ្រោះថ្នាក់ចរាចរណ៍មួយ រវាងរថយន្តកុងតឺន័រមួយគ្រឿងបានបុកបុរសម្នាក់ពេញទំហឹង ដែលកំពុងដើរឆ្លងផ្លូវបណ្តាលឲ្យ បែកក្បាលខ្ទាតខួរពេញផ្លូវ ហើយស្លាប់ភ្លាមៗមួយរំពេច។
ប្រភពពីកន្លែងកើតហេតុបានឲ្យដឹងថា គេបានឃើញរថយន្តកុងតឺន័រមួយគ្រឿងបើកបរក្នុងទិសដៅពីជើងទៅត្បូង លុះមកដល់ចំណុចកើតហេតុ ស្រាប់តែមានបុរសម្នាក់ដើរឆ្លងផ្លូវ ទើបធ្វើឲ្យអ្នកបើកបរបញ្ជាចង្កូត មិនទាន់ក៏បានបុកបុរសនោះបែកក្បាលខ្ទាតខួរស្លាប់ភ្លាមៗមួយរំពេច។
ជាមួយគ្នានោះដែរសមត្ថកិច្ច បានមកដល់កន្លែងកើតហេតុ ក៏ធ្វើការទំនាក់ទំនងទៅកាន់សាច់ញាតិ ហើយធ្វើការពិនិត្យ អត្តសញ្ញាណជនរងគ្រោះ រួចបញ្ជាក់ថា ជនរងគ្រោះមានឈ្មោះ ព្រុំ អឿន អាយុ៣៨ឆ្នាំ មុខរបរកម្មកររោងចក្រ ស្នាក់នៅភូមិអង្គ សង្កាត់ចោមចៅ ខណ្ឌពោធិ៍សែនជ័យ ។ មានស្រុកកំណើតនៅភូមិម្រិញ ឃុំបន្ទាយចក្រី ស្រុកព្រះស្ដេច ខេត្តព្រៃវែង។
ក្រោយពេលកើតហេតុ អ្នកបើកបររថយន្តកុងតឺន័រ បានចុះរត់គេចខ្លួនបាត់ស្រមោល បន្សល់ទុកនូវតែរថយន្តតែប៉ុណ្ណោះ ហើយត្រូវបានសមត្ថកិច្ច រក្សាទុករង់ចាំម្ចាស់រថយន្តចូលខ្លួនមកធ្វើការ ដោះស្រាយជាក្រោយ។ រីឯសាកសពជនរងគ្រោះ រង់ចាំសាច់ញាតិមកទទួលយក ទៅធ្វើបុណ្យតាមប្រពៃណី៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ដោយឡែកករណីមួយវិញទៀត ជិះចង់វ៉ាឡានតូច ភ្លាត់ស្នៀត ឡានធំកិនខ្ទេចខួរ។
សេចក្តីរាយការណ៍ឱ្យដឹងថា ករណីគ្រោះថ្នាក់ចរាចរណ៍ដ៏រន្ធត់មួយ ខណៈមេឃកំពុងធ្លាក់ភ្លៀងតិចៗផងនោះ ស្រាប់តែយុវជនម្នាក់ ជិះម៉ូតូមានល្បឿនលឿន បានបើកចង់ជែងជាមួយ រថយន្តដឹកកម្មករមួយគ្រឿង ក៏ជ្រុលទៅបុករថយន្តនោះពីក្រោយ ពេញយ៉ាងទំហឹង បណ្តាលឱ្យដួលម៉ូតូកណ្តាលផ្លូវ ពេលនោះ ក៏មានរថយន្តម៉ាក ហ៊ីយ៉ាន់ដាយមួយគ្រឿងទៀត បើកមកដល់ កិនពីលើមនុស្សស្លាប់យ៉ាងអាណោចអាធ័មបំផុត ។
ហេតុការណ៍នេះកើតឡើង កាលពីវេលាម៉ោង០៧ព្រឹកថ្ងៃទី១០ តុលា ២០១៦ កន្លងទៅ ស្ថិតតាមបណ្តោយ ផ្លូវជាតិលេខ០៤ ក្នុងភូមិត្រពាំងក្រសាង ឃុំបែកចាន ស្រុកអង្គស្នួល ត្រង់ចន្លោះគីឡូម៉ែត្រលេខ២០-២១ ។
ប្រភពឱ្យដឹងថា យុវជនដែលស្លាប់ឈ្មោះ មួន ចាន់ធី អាយុ២៣ឆ្នាំ ជាកម្មកររោងចក្រ មានទីលំនៅភូមិអន្លង់ស្វាយ សង្កាត់បឹងធំ ខណ្ឌពោធិ៍សែនជ័យ ជិះម៉ូតូម៉ាក XR ពណ៌ខ្មៅ ពាក់ស្លាកលេខភ្នំពេញ 1BU-1229 ។ រីឯខាងរថយន្តម៉ាកហ៊ីុយ៉ាន់ដាយ បានព្យាយាមបើករត់ជិត១គីឡូម៉ែត្រ ក៏ចុះពីលើរថយន្តរត់បាត់ស្រមោលដែរ ដោយសមត្ថកិច្ចមិនបានស្គាល់អត្តសញ្ញាណនោះទេ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
