ខេត្តពោធិ៍សាត់ ៖ យុវជនម្នាក់ត្រូវបានប៉ូលិសឃាត់ខ្លួនបញ្ជូនទៅកាន់សាលាដំបូង ពីបទលួចទូរទស្សន៍ប្រជាពលរដ្ឋ កាលពីវេលាម៉ោង៥និង៣០នាទីព្រឹកថ្ងៃទី២៤ កុម្ភៈ ២០១២ នៅភូមិទី៤ ឃុំកំពង់លួង ស្រុកក្រគរ ។
ប្រភពពីប៉ូលិសបានឱ្យដឹងថា ជនសង្ស័យឈ្មោះជុំ ចិត្ត ភេទប្រុស អាយុ១៩ឆ្នាំ មានទីលំនៅភូមិកណ្តាល ឃុំអន្លង់ត្នោត ស្រុកក្រគរ ឃាត់ខ្លួនថ្ងៃទី២៦ កុម្ភៈ ២០១២ តាមពាក្យបណ្តឹងរបស់ស្ត្រីឈ្មោះគោ ធាវី អាយុ៣២ឆ្នាំ រស់នៅភូមិ-ឃុំកើតហេតុខាងលើ ។ នៅក្នុងពាក្យបណ្តឹងបានរៀបរាប់ប្រាប់ថា កាលពីថ្ងៃទី២៤ វេលាម៉ោង៥ព្រឹកនាងបានជិះម៉ូតូទៅទិញមាន់នៅផ្សារក្រគរ ដើម្បីយកមកលក់នៅឃុំកំពង់លួង ដោយទុកកូនស្រី អាយុ៧ឆ្នាំ ឱ្យនៅចាំផ្ទះ ខណៈកំពុងអង្គុយទិញមាន់ស្រាប់តែប្អូនស្រីរបស់នាងទៅប្រាប់ថា មានចោរចូលក្នុងផ្ទះលួចយកទូរទស្សន៍ ព្រមទាំងបានវាយកូនរបស់នាងទៀតផង ។ ភ្លាមៗនោះនាងបានជិះម៉ូតូត្រឡប់មកផ្ទះវិញ ហើយពិនិត្យអីវ៉ាន់ក្នុងផ្ទះស្រាប់តែបាត់ទូរទស្សន៍២១អីុញមួយ គ្រឿង និងលុយចំនួន១.០០០.០០០រៀលក៏ដាក់ពាក្យបណ្តឹងតែម្តង ។ ប្រភពបន្តទៀតថា បន្ទាប់ពីស្រាវជ្រាវអស់រយៈពេលពីរថ្ងៃ ទើបកំណត់មុខសញ្ញាចោរហារយនេះនាំទៅធ្វើការសាកសួរ ។
នៅចំពោះមុខសមត្ថកិច្ចជនសង្ស័យបានឆ្លើយសារ ភាពថា ខ្លួនពិតជាបានលួចយកទូរទស្សន៍របស់ឈ្មោះគោ ធាវីមែន ប៉ុន្តែលុយ១.០០០.០០០រៀលនោះ មិនបានដឹងទេ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
