(ភ្នំពេញ)៖ ពិតជាគួរឲ្យអាសូរណាស់ ក្មេងប្រុសមានអាយុទើ បតែ១ឆ្នាំកន្លះខណៈដែលឪពុកម្ដាយជាប់រវល់ត្រឹមមួយភ្លែត ហើយបណ្ដោយ ឲ្យលេងម្នាក់ឯងនៅខាងក្រោមផ្ទះស្រាប់តែចូលក្នុងពាងទឹកលង់ស្លាប់យ៉ាងអាណោចអាធ័ម។
ករណីក្មេងប្រុសលង់ទឹកពាងស្លាប់នេះ បង្កឲ្យមានការភ្ញាក់ផ្អើល នៅវេលាម៉ោងជិត ១២រសៀលថ្ងៃទី២៤ ខែតុលា ឆ្នាំ២០១៦ នៅត្រង់ចំណុច ផ្ទះគ្មានលេខ ស្ថិតក្នុងក្រុមទី១៤ ភូមិក្ដីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។
លោកអនុសេនីយ៍ទោ មាស ថន នាយនគរបាលប៉ុស្ដិ៍បាក់ខែង បានប្រាប់ភ្នាក់ងារ Fresh News ថា ក្មេងប្រុសរង គ្រោះដែលស្លាប់ បាត់បង់ជីវិត ក្នុងពាងទឹកនោះមានឈ្មោះ ហ៊ុន វិរៈបុត្រ មានអាយុទើបតែ១ឆ្នាំ៦ប៉ុណ្ណោះ រស់នៅជាមួយ ឪពុកឈ្មោះ ហ៊ុន ពិសិដ្ឋ អាយុ៣៣ឆ្នាំ និងម្ដាយឈ្មោះ អ៊ុំ សុខា អាយុ៣៥ឆ្នាំ មានមុខរបរជាកសិករដូចគ្នា ស្នាក់នៅចំណុច កើតហេតុខាងលើ ។
លោកអនុសេនីយ៍ទោ បានបញ្ជាក់ថា មុនកើតហេតុក៏ព្រោះ តែឪពុកម្ដាយរបស់ក្មេងប្រុសរងគ្រោះ មមាញឹកនិងការងារច្រើនត្រឹមតែ មួយផ្លែតតែប៉ុណ្ណោះដោយបណ្ដោយឲ្យកូនលេងម្នាក់ឯង ដូចសព្វដងនៅខាងក្រោមផ្ទះខណៈមួយសន្ទុះក្រោយស្រាប់តែបាត់កូនដើរ រកមិនឃើញសោះ ស្រាប់តែដល់ពេលរកឃើញ គឺឃើញនៅក្នុងពាងទឹកលង់ស្លាប់បាត់បង់ជីវិតយ៉ាងអាណោចអាធម៌ ទៅហើយធ្វើឲ្យ ឪពុកនិងម្ដាយយំស្រែកសោកសង្រែងបោកខ្លួន ដោយមានការធ្វេសប្រហែសត្រឹមមួយប៉ព្រិចភ្នែកសោះ បណ្ដាលឲ្យកូនប្រុសសំណប់ចិត្ត បាត់បង់ជីវិតទាំងនៅក្មេងខ្ចីបែបនេះដោយបញ្ចេញ កំហឹងទៅវាយកម្ទេចពាងទឹកចោល ភ្លាមៗតែម្ដង។
ក្រោយកើតហេតុ កម្លាំងនគរបាលមូលដ្ឋានប៉ុស្ដិ៍បាក់ខែង ដឹកនាំដោយលោកនាយប៉ុស្ដិ៍ មាស ថន បានចុះដល់ទីតាំងកើតហេតុ ដើម្បីត្រួត ពិនិត្យហើយបានវាយតម្លៃថា ក្មេងប្រុស រងគ្រោះពិតជាបានស្លាប់បាត់បង់ជីវិតដោយសារ ចូលក្នុងពាងទឹកលង់ស្លាប់ពិតប្រាកដមែន ។ដោយឡែក សពក្មេងរង គ្រោះត្រូវបានឪពុកម្ដាយក្រុមគ្រួសារ រៀបចំធ្វើបុណ្យតាមប្រពៃណី៕
ប្រភព៖ Fresh News
កំណត់ហេតុខ្មែរឡូត៖
ស្រដៀងគ្នានេះដែរ ករណីមួយផ្សេងទៀត ក្មេងប្រុស អាយុ១៣ខែ ដាំក្បាល ចូលក្នុងពាងទឹក លង់ស្លាប់ គួរឱ្យសង្វេគ ។ គួររំលឹកផងដែរថា ក្មេងប្រុស អាយុ១៣ខែម្នាក់ ចេះដើរតេះតះ ទៅតោងពាងទឹក នៅជិតអណ្តូងស្នប់ ក៏ដាំក្បាលចូលលង់ស្លាប់ ខណៈដែលជីដូន ជាប់រវល់ធ្វើម្ហូប បង្កការភ្ញាក់ផ្អើល កាលពីវេលា ម៉ោង១១ និង១៥នាទីព្រឹក ថ្ងៃទី១៤ កុម្ភៈ ២០១៦ កន្លងទៅ ស្ថិតនៅភូមិបាយ៉ាប ឃុំបាសាក់ ស្រុកស្វាយជ្រំ ។
មន្ត្រីនគរបាលប៉ុស្តិ៍រដ្នបាលបាសាក់ បានឱ្យដឹងថា ក្មេងប្រុសរងគ្រោះ ឈ្មោះ សុខ ករុណា អាយុ១៣ខែ រស់នៅភូមិឃុំខាងលើ ដោយសារឪពុកម្តាយ ក្មេងប្រុសរងគ្រោះ មានជីវភាពក្រីក្រ បាននាំគ្នា ទៅធ្វើកម្មករ កម្មការិនីរោងចក្រ នៅភ្នំពេញ បានទុកកូន ឱ្យនៅជាមួយជីដូនមើលថែ ។
មុនពេលកើតហេតុ ជីដូនជាប់រវល់ចិតបន្លែ និងរៀបចំដាំស្ល ដោយទុកចៅ លេងក្បែរខ្លួន ភ្លេចខ្លួនមួយភាំង ចៅដើរទៅលេងទឹកពាង ដែលដាក់ខាងមុខ អណ្តូងស្នប់សប់ទឹក ដាក់ទុកប្រើប្រាស់ ក៏ដាំក្បាល ធ្លាក់ចូលក្នុង ពាងទឹក គ្មានអ្នកណាឃើញ បណ្តាលឱ្យលង់ស្លាប់ តែម្តង ។
ក្រោយពីកើតហេតុ សមត្ថកិច្ចចុះទៅពិនិត្យសព ឃើញថា ពិតជាលង់ទឹកស្លាប់ ប្រាកដមែន រួចក៏ប្រគល់សពជូនក្រុមគ្រួសារ ធ្វើបុណ្យតាមប្រពៃណី ក្រោមដំណក់ទឹកភ្នែក គួរឱ្យសង្វេគរបស់ជីដូន និងអ្នកជិតខាង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
