រាជធានីភ្នំពេញ ៖ បុរសជើងខ្លាំងម្នាក់ចិត្តស្លុយព្រហើន មិនខ្លាចញញើតនរណាទាំងអស់ ដោយបានអង្គុយផឹកស៊ី នៅមុខផ្ទះអ្នកដទៃមួយកន្លែង រហូតដល់ស្រវឹងធ្លាក់ភ្នែក ក៏បានធ្វើសកម្មភាពវាយ បំផ្លាញកាមេរ៉ាសុវត្ថិភាព និងកញ្ចក់ទ្វារផ្ទះមួយនោះ បណ្ដាលឲ្យបែកខ្ទេចខ្ទី បង្កឲ្យមានការភ្ញាក់ផ្អើល និងភ័យខ្លាចដល់ ម្ចាស់ផ្ទះ និងប្រជាពលរដ្ឋក្បែរនោះ មិនមាននរណាម្នាក់ហ៊ាន តតាំងជាមួយនឹងបុរសនោះឡើយ។
ម្នាក់ៗបានត្រឹមតែរក កន្លែងពួន និងទូរស័ព្ទប្ដឹងនគរបាលឲ្យជួយអន្តរាគមន៍តែប៉ុណ្ណោះ។ បន្ទាប់ពីទទួលដំណឹងនោះភ្លាម កម្លាំងនគរបាលប៉ុស្ដិ៍ចោមចៅ បានចុះទៅកាន់ទីនោះភ្លាមៗ មិនបានបង្អង់យូរនោះឡើយ ព្រោះខ្លាចមានគ្រោះថ្នាក់ដល់ ប្រជាពលរដ្ឋ និងម្ចាស់ផ្ទះរងគ្រោះខាងលើ លុះពេលចុះទៅដល់បានឃើញបុរសនោះពិតជាក្លាហានគ្មាន ខ្លាចញញើតនរណាម្នាក់ឡើយ។
សូម្បីតែនគរបាលក៏បុរសនេះ មិនខ្លាចផង ហើយនៅពេលទៅដល់ នគរបាលបានចូលទៅចាប់ខ្លួន ជននោះមិនព្រមនៅស្ងៀមឲ្យចាប់ឡើយ ហើយបានធ្វើសកម្មភាពវាយនគរបាលថែមទៀត ដែលខណៈនោះនគរបាល ស្ទើរតែគេចមិនរួចពីកណ្ដាប់ ដៃរបស់គេទៀតផង។
ហេតុការណ៍នោះ បានកើតឡើង កាលពីវេលាម៉ោង៦និង១៥នាទី ល្ងាចថ្ងៃទី២៤ ខែតុលា ឆ្នាំ២០១៦ នៅតាមផ្លូវរោងចក្រកាត់ដេរ QMI ស្ថិតនៅក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ជនបង្កឈ្មោះ ចិន រ៉ា អាយុ២៩ឆ្នាំ ស្នាក់នៅភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ និងមានស្រុកកំណើត នៅក្នុងភូមិកណ្តាល ស្រុកកំពង់ឆ្នាំង ខេត្តកំពង់ឆ្នាំង។
ប្រភពដដែលបានបន្តថា បន្ទាប់ពីឃើញនគរបាលទៅដល់ ជននោះបានវាយនគរបាលបែបនេះ ប្រជាពលរដ្ឋបានទុកការខ្លាចម្ដុំ ហើយបាននាំគ្នាចូលទៅជួយនគរបាល និងចាប់ខ្លួនជននោះបាន ពួកគាត់ក៏បាននាំគ្នាបញ្ចេញកំហឹង វាយទាត់ធាក់ជនប្រមឹកនោះយ៉ាងចាស់ដៃ ជាការព្រមានកុំឲ្យពូកែអុកឡុក បំភិតបំភ័យ អ្នកដទៃ និងវាយនគរបាលបែបនេះទៀត។ បន្ទាប់មកទើបប្រគល់ឲ្យនគរបាល នាំទៅសួរនាំនៅប៉ុស្ដិ៍ចោមចៅ កសាងសំណុំរឿងចាត់ការតាមផ្លូវច្បាប់។
នគរបាលបាននិយាយថា ជននោះសង្ស័យប្រើប្រាស់ គ្រឿងញៀនទៀតផង ហើយប្រជាពលរដ្ឋបានសម្ដែង ការអបអរសាទរយ៉ាងខ្លាំង ក្រោយពេលដែលជននោះត្រូវចាប់ខ្លួន ព្រោះកន្លងមកតែងតែបាន ធ្វើការអុកឡុក អ្នកជិតខាងជាបន្តបន្ទាប់ ឲ្យតែគេផឹកស្រាស្រវឹងម្ដងៗ។
ដោយឡែក ថ្ងៃកើតហេតុនេះ មិនមាននរណាធ្វើឲ្យគេទាស់ចិត្ត ឬមានទំនាស់ជាមួយគ្នានោះទេ ស្រាប់តែជនខាងលើ ធ្វើសកម្មភាពវាយបំផ្លាញ កាមេរ៉ាសុវត្ថិភាព និងកញ្ចក់ទ្វារផ្ទះ អ្នកជិតខាងបែបនេះតែម្ដង៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ដោយឡែកករណីមួយផ្សេងទៀតសល់ចំហាយ សែនចិន ផឹកស្រវឹង ស្រែកឡូឡា រំខានអ្នកភូមិ ត្រូវ អាវុធហត្ថចាប់ខ្លួន។
យុវជន ៤នាក់ ត្រូវកម្លាំងអាវុធហត្ថ ចាប់ខ្លួនសួរនាំ ក្រោយពីបានធ្វើសកម្មភាព ស្រែឡូឡារំខាន ដល់ការដេក ពួករបស់អ្នកជិតខាង កាលពីវេលាម៉ោង ១១៖១៥នាទី យប់ថ្ងៃទី៨ ខែកុម្ភៈ ឆ្នាំ២០១៦ កន្លងទៅ នៅក្នុងភូមិជំទាវ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។
មន្ត្រីកងរាជអាវុធហត្ថ បានឲ្យដឹងថា យុវជន ទាំង៤នាក់ ដែលត្រូវកម្លាំងអាវុធហត្ថ ស្រុកមង្គលបូរីឃាត់ខ្លួននោះ ទី១.ឈ្មោះ ម៊ិញ សុផាណា ភេទប្រុស អាយុ ១៦ឆ្នាំ, ទី២.ឈ្មោះ សូ ឆៃនុន ភេទប្រុស អាយុ ១៦ឆ្នាំ, ទី៣.ឈ្មោះ ផល សុផាត ភេទប្រុស អាយុ ១៦ឆ្នាំ និងទី៤.ឈ្មោះ ជា វ៉ាន់ហេង ភេទប្រុស អាយុ ១៦ឆ្នាំ នាក់ទំាង៤ រស់នៅឃុំបន្ទាយនាង ស្រុកមង្គលបូរី មានមុខរបរជាសិស្ស។
លោក ងួន ភិរម្យ មេបញ្ជាការរង កងរាជអាវុធហត្ថ ស្រុកមង្គលបូរី បានឲ្យដឹងនៅព្រឹកថ្ងៃទី៩ ខែកុម្ភៈ ឆ្នាំ២០១៦នេះថា ការឃាត់ខ្លួនយុវជនទាំង ៤នាក់ យកមកសួរនាំ គឺសមត្ថកិច្ចធ្វើឡើង បន្ទាប់ពីមានពលរដ្ឋ ជាច្រើន បានទូរសព្ទ័មកប្តឹងថា យុវជនទាំង ៤នាក់ បានផឹកស៊ីស្រវឹង ស្រែកឡូឡារំ ខានដល់ការរស់នៅ និងការដេក ពួនរបស់ពួកគាត់។
លោក ងួន ភិរម្យ បន្តទៀតថា ពេលសួរនាំពួកគេ បានសារភាពថា បានឡូឡាមែន ក្រោយសួរនាំ បានបញ្ជូនទៅ ទីបញ្ជាការអាវុធហត្ថ ខេត្តបន្ទាយមានជ័យ ចាត់ការបន្តតាមច្បាប់។
ពាក់ព័ន្ធករណីខាងលើ លោក អ៊ិន បារាំង នាយការិយាល័យស្រាវជ្រាវ បទល្មើសគ្រឿងញៀន បានឲ្យ ដឹងថា ដោយមានការសង្ស័យ សមត្ថកិច្ច បានធ្វើការពិនិត្យទឹកនោម របស់យុវជនទាំង ៤នាក់ លទ្ធផលបានបង្ហាញ ថាពួកគេ ជាមនុស្សញៀនថ្នាំ។ អនុវត្តន៍តាមបញ្ជា លោកឧត្តមសេនីយ៍ត្រី ឱ បូរិន មេបញ្ជាការ កងរាជអាវុធហត្ថខេត្ត ក្រោយ សួរនាំជនសង្ស័យទាំង ៤នាក់ និងលទ្ធផលពិនិត្យទឹកនោម ត្រូវបានកសាងសំណុំរឿង បញ្ជូនទៅតុលាការរសៀលនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]